حان جىڭ مايعا بەرىلەتىن قامتاماسىزدىق تۇرعىن ۇيلەردى جەدەل دامىتۋ جانە تۇرعىن ٴۇي بازارىن رەتكە سالۋ قىزمەتىن ونان ارى ويداعىداي جۇرگىزۋ جونىندەگى تەلەۆيزور ـ تەلەفون ماجىلىسىنە قاتىناستى
ٴوز حابارىمىز. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى حان جىڭ 7-ايدىڭ 22-كۇنى مايعا بەرىلەتىن قامتاماسىزدىق تۇرعىن ۇيلەردى جەدەل دامىتۋ جانە تۇرعىن ٴۇي بازارىن رەتكە سالۋ قىزمەتىن ونان ارى ويداعىداي جۇرگىزۋ جونىندەگى تەلەۆيزور ـ تەلەفون ماجىلىسىنە قاتىناستى ٴارى ٴسوز سويلەدى، ٴماجىلىس باس شۋجي شي جينپيڭنىڭ تۇرعىن ٴۇي قىزمەتى جونىندەگى ماڭىزدى نۇسقاۋىنىڭ، بەكىتۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، مايعا بەرىلەتىن قامتاماسىزدىق تۇرعىن ۇيلەردى جەدەل دامىتۋ، تۇرعىن ٴۇي بازارىن رەتكە سالۋعا قاتىستى قىزمەتتەردى ونان ارى ويداعىداي ىستەۋ جايلى قىزمەتتەردى اقىلداسىپ ورنالاستىردى.
حان جىڭ مىنالاردى باسا دارىپتەدى: پارتيا ورتالىق كوميتەتىنىڭ، مەملەكەتتىك كەڭەستىڭ شەشىم-ورنالاستىرۋلارىن مۇقيات دايەكتى تياناقتاندىرىپ، مايعا بەرىلەتىن قامتاماسىزدىق تۇرعىن ۇيلەردى دامىتۋدى «14-بەسجىلدىق» كەزىندەگى تۇرعىن ٴۇي قۇرىلىسىنىڭ ٴتۇيىندى مىندەتى ەتىپ، بارلىق ىستە ٴىس جۇزىندىكتى شىعار ٴتۇيىن ەتۋگە تاباندى بولىپ، ٴىرى قالالارداعى تۇرعىن ٴۇي كورنەكتى ماسەلەلەرىن ويداعىداي شەشۋ كەرەك. مايعا بەرىلەتىن قامتاماسىزدىق تۇرعىن ٴۇي ساياساتىنىڭ ٴتۇيىنىن ويداعىداي يگەرىپ، قامتاماسىزداندىرۋ وبيەكتىلەرىن ايقىنداپ، جاڭا قالا تۇرعىندارى مەن جاستاردى تۇرعىن ۇيمەن قامتاماسىزداندىرۋعا كۇش سالىپ، جاڭا قالا تۇرعىندارىنىڭ اراسىنداعى نەگىزگى الەۋمەتتىك قىزمەت وتەۋمەن شۇعىلداناتىن تۇرعىن ٴۇي قيىنشىلىعى بار قاۋىمدى الدىمەن قامتاماسىزداندىرۋ كەرەك. «نەگىزدى قامتاماسىزداندىرۋعا» تاباندى بولىپ، كىشىلەۋ ۇيلەردى نەگىز ەتىپ، «كاسىپ كىرىسى مەن تۇرعىن ٴۇي شىعىمى تەپە-تەڭدىگىن» جۇزەگە اسىرۋعا باسا ٴمان بەرۋ كەرەك. «باعاسى ىلايىقتى، باياندى بولۋ» پرينسيپى بويىنشا، ماي اقىسىن بەلگىلەۋدە عىلمي مەحانيزم ورناتۋ كەرەك. جەرگىلىكتى جاعدايعا قاراي شارا قولدانىپ، نوپوسى سىرت جەردە بولعان تۇرعىندارى كوپ قالالاردى ٴتۇيىن ەتىپ، قالانىڭ تۇلعالىق جاۋاپكەرلىگىن تياناقتاندىرىپ، مايعا بەرىلەتىن قامتاماسىزدىق تۇرعىن ۇيلەردى جەدەل دامىتۋ كەرەك.
حان جىڭ بىلاي دەپ اتاپ كورسەتتى: تۇرعىن ٴۇي مۇلكى قىزمەتىندەگى جاڭا جاعداي، تىڭ ماسەلەلەرگە وسكەلەڭ ٴمان بەرىپ، ٴۇي ساۋدالاۋعا ەمەس، باسپانا ەتۋگە ارنالعان دەگەن ۇستانىمعا تاباندى بولىپ، تۇرعىن ٴۇي مۇلكىن ەكونوميكانى قىسقا مەرزىمدىك ىنتالاندىرۋدىڭ ٴتاسىلى ەتپەي، جەر باعاسىن، ٴۇي باعاسىن، مەجەنى ورنىقتىراتىن تۇرعىن ٴۇي شارۋاشىلىعىنىڭ باياندى مەحانيزمىن جاپپاي تياناقتاندىرىپ، تۇرعىن ٴۇي بازارىنىڭ ورنىقتى، اقاۋسىز دامۋىن جەبەۋ كەرەك. قالا ۇكىمەتتەرى تۇلعالىق جاۋاپكەرلىكتى شىنايى تياناقتاندىرىپ، ساياسات-شارالاردى ۇزدىكسىز كەمەلدەندىرۋى جانە ودان ۇتىمدى پايدالانۋى كەرەك. تۇرعىن ٴۇي فينانسى سىندى تەتىكتى مىقتاپ يگەرىپ، تۇرعىن ٴۇي كاسىپورىندارىنىڭ «3 جەلى، 4 دارەجە» بويىنشا قارجى قۇراۋىن باسقارۋدى جانە فينانس قۇرىلىمدارىنىڭ تۇرعىن ٴۇي قارىز اقشاسىن شوعىرلى باسقارۋىن قاتاڭداستىرۋ كەرەك. «جەر باعاسىن ورنىقتىرۋ» قىزمەت مەحانيزمىن جەدەل كەمەلدەندىرىپ، جەردى باسەكەلەستىرىپ ساتۋ ەرەجەسىن ساپالاندىرىپ، كاسىپورىنداردىڭ جەر ساتىپ الۋ قارجىسىن تەكسەرۋدىڭ ٴونىمدى ٴتۇزىمىن ورناتۋ كەرەك. تۇرعىن ٴۇي بازارىنىڭ ٴتارتىبىن ۇزدىكسىز ارناعا ٴتۇسىرىپ، دەلدال ورىن سياقتى بازار قۇرىلىمدارىن شىن مانىندە ويداعىداي باسقارىپ، بازارداعى بىلىقپالىقتاردى باتىل تەكسەرىپ ٴبىرجايلى ەتۋ كەرەك.
اۋدارعان: امانتاي مۇسايىپ ۇلى
