ينفورماتسيا اشكەرەلەۋ: mzjubao@cnr.cn

ماڭىزدى حابارلار

ءتوراعا شي جينپيڭنىڭ «ۇستىرتتەگى شەكارا قورعاۋ ۇلگىلى باتاليونىنداعى» بارلىق كوماندير - جاۋىنگەرلەرگە جازعان جاۋاپ حاتى بۇكىل ارمياداعى اسكەري بولىمدەردە كۇشتى اڭىس قوزعادى

来源:جۇڭگو قازاق راديو تورابى     |责编:阿依娜古丽|     发布日期: 2021-09-15 09:58

 

ٴوز حابارىمىز. ج ك پ ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭنىڭ تاياۋدا«ۇستىرتتەگى شەكار قورعاۋ ۇلگىلى باتاليونىنداعى» بارلىق كوماندير ـ جاۋىنگەرلەرگە جازعان جاۋاپ حاتى بۇكىل ارمياداعى ٴارقايسى اسكەري بولىمدەردە كۇشتى اڭىس قوزعادى، قالىڭ كوماندير ـ جاۋىنگەرلەر ايرىقشا شابىتتانىپ، باس قولباسشىنىڭ ىقىلاستى قامقورلىعىن، ٴسوز جوق، ارميانى قۇدىرەتتەندىرۋدىڭ، ارميا ىستەرىن كوركەيتۋدىڭ قۇدىرەتتى قوزعاۋشى كۇشىنە اينالدىرىپ، جاڭا جورىق تارتۋ، جاڭا بورىش اتقارۋ جاعىندا تاعى دا تىڭ ۇلەس قوسىپ، تاعى دا شۇعىلالى ناتيجە جاراتاتىندىقتارىن ٴبىلدىرىستى.


    ٴتوراعا شي جينپيڭنىڭ جاۋاپ حاتىن تاپسىرىپ العاننان كەيىن،«ۇستىرتتەگى شەكارا قورعاۋ ۇلگىلى باتاليونىنىڭ» 5592-نومەرلى باقىلاۋ قاراۋىلىنداعى كوماندير ـ جاۋىنگەرلەر دەرەۋ قاراۋىل ورنىن لەكسيا مىنبەسى ەتىپ، جاۋاپ حات مازمۇنىن ۇيرەنۋگە، تالقىلاۋعا، وي-پىكىر اۋىس ـ كۇيىس جاساۋعا ۇيىمداستىردى. ۇستىرتتە اۋا سۋىق، وتتەگى كەمشىل، ورتا جاپالى بولسا دا، باس قولباسشىنىڭ ىستىق ىقىلاستى قامقورلىعى مەن مەيىرى جاۋىنگەرلەردى جىلى شۋاققا بولەندىردى. شيزاڭ اسكەري رايونىنىڭ 5592-نومەرلى باقىلاۋ ورىنداعى قاراۋىلشى جاۋىنگەر ليۋ حىحى بىلاي دەدى : ٴتوراعا شي جينپيڭنىڭ قىزمەتى قانشاما قاربالاس بولسا دا، ۋاقىت شىعارىپ، بىزگە وسىنشاما تەزدىكپەن جاۋاپ حات جازۋى مەنى ايرىقشا اسەرلەندىردى، ايرىقشا شابىتتاندىردى، مەنىڭ شەكارانى كۇزەتۋ، وتاندى قورعاۋ مۇرات ـ سەنىمىم اناعۇرلىم بەكەمدەلە ٴتۇستى.


    ٴتوراعا شي جينپيڭ جاۋاپ حاتىندا بىلاي دەپ باسا دارىپتەدى : «شەكارا قورعانىس بولىمدەرى شەكارانى بەكەمدەپ، قورعانىستى كۇشەيتۋدىڭ ٴبىرىنشى شەبىندە شايقاس جاساۋدا، مىندەت جاپالى، جاۋاپكەرشىلىك زور، جولداستاردىڭ بورىش پەن جاۋاپكەرشىلىكتى كۇشەيتىپ، تاڭداۋلى ٴداستۇردى ساۋلەلەندىرىپ، اسكەر جاتتىقتىرۋدى، سوعىسقا دايىندالۋدى كۇشەيتىپ، وتاندى قورعاۋ، شەكارانى قورعاۋ مىندەتىن ادالدىقپەن ويداعىداي اتقارىپ، پارتيا مەن حالىق ٴۇشىن تاعى دا تىڭ ۇلەس قوسۋىن ٴۇمىت ەتەمىن». شيزاڭ اسكەري رايونى «ۇستىرتتەگى شەكارا قورعاۋ ۇلگىلى باتاليونىنىڭ» ءمالىم روتاسىنىڭ باستىعى ۋاڭ شۇي بىلاي دەدى : ءبىز ءتوراعا شي جينپيڭنىڭ تاپسىرماسىن، ءسوز جوق، اسكەر جاتتىقتىرىپ، سوعىسقا دايىندالۋدىڭ قوزعاۋشى كۇشىنە اينالدىرىپ، مىندەت ورنىمىزدا تاباندى تۇرىپ، قىزمەتتەردى تىڭعىلىقتى ىستەپ، جوعارى ورىن جۇكتەگەن ءتۇرلى مىندەتتەردى ويداعىداي ورىندايمىز. پارتياعا ماڭگى ادال بولىپ، جاۋدى حويۋ قابىلەتىن قاجىرلىلىقپەن شىڭداپ، شەكارانى بەكەمدەۋگە، شەكارانى ورنىقتىرۋعا كۇش سالىپ، ىسىلعان اسكەري ٴبولىم قۇرامىز!


    ٴتوراعا شي جينپيڭنىڭ جاۋاپ حاتى راديو تولقىنى، ينتەرنەت ارقىلى قارلى ۇستىرتتەگى اسكەري بولىمدەرگە تەز تارالدى، كومانديرـ جاۋىنگەرلەر ىستىق مەيىرگە شومىپ، تەرەڭ شابىت الدى. بۇكىل ارميا بويىنشا تەڭىز دەڭگەيىنەن ەڭ بيىك قاراۋىل بولعان شىنشيانۋان قاراۋىل ورنىنداعى سەرجانت ۋاڭ شياڭياڭ تەبىرەنە بىلاي دەدى : ٴتوراعا شي جينپيڭنىڭ جاۋاپ حاتى شەكارا قورعايتىن بارلىق جاۋىنگەرلەر جونىنەن داڭقتى ماداقتاۋ جانە شابىتتاندىرۋ بولىپ تابىلادى.


    تەڭىز دەڭگەيىنەن 4500 مەتر بيىك قاراكۇنلۇن ۇستىرتىندە جاتتىعۋ جاساپ جاتقان شينجياڭ اسكەري رايونى بەلگىلى قىزىل ارميا ديۆيزياسىنىڭ كوماندير ـ جاۋىنگەرلەرى راديو، تەلەۆيزيا، ينتەرنەت مەديالارى ارقىلى ٴتوراعا شي جينپيڭنىڭ جاۋاپ حاتىن مۇقيات ۇيرەندى، كومانديرـ جاۋىنگەرلەر اناعۇرلىم اسقاق جىگەرمەن اسكەر جاتتىقتىرىپ، سوعىسقا دايىندالىپ، وتاندى قورعاۋ، شەكارانى قورعاۋ قابىلەتىن جوعارىلاتاتىندىقتارىن ٴبىلدىرىستى. شينجياڭ اسكەري رايونى بەلگىلى قىزىل ارميا ديۆيزياسىنىڭ جاۋىنگەرى ديڭ في بىلاي دەدى: ٴبىز ٴسوز جوق تىرشىلىك شارت جاعدايى شەكتەۋلى وڭىردە تاباندى تۇرىپ، بارلىق قيىنشىلىقتاردى جەڭىپ، قولىمىزداعى قارۋ ـ جاراققا قۇلشىنا ماشىعىپ، اناعۇرلىم كۇشتى قابىلەتپەن وتان ٴۇشىن شەكارانى ويداعىداي قورعاپ، شەگارا قورعانىس ىستەرىن ويداعىداي ىستەيمىز.


    وتانىمىزدىڭ قۇرلىق كارتاسىنىڭ ەڭ شىعىس شەتىندەگى سولتۇستىك سوعىس رايونى قۇرلىق ارمياسى بەلگىلى شەكارا قورعانىس بريگاداسى شىعىس ۇيەك قاراۋىل ورنىنىڭ كوماندير ـ جاۋىنگەرلەرى ٴتوراعا شي جينپيڭنىڭ شەكارا قورعانىس كوماندير ـ جاۋىنگەرلەرىنە دەگەن قامقورلىعىن، ٴسوز جوق، ارميانى قۇدىرەتتەندىرۋدىڭ، ارميانى كوركەيتۋدىڭ قوزعاۋشى كۇشىنە اينالدىرىپ، پارتيا مەن حالىق الاڭسىز بولاتىن شەكارا كۇزەتشى جاۋىنگەرلەرى بولاتىندىقتارىن ٴبىلدىردى.


اۋدارعان: قاناتبەك جۇماباي ۇلى

中央广播电视总台 央广网 版权所有

ءتوراعا شي جينپيڭنىڭ «ۇستىرتتەگى شەكارا قورعاۋ ۇلگىلى باتاليونىنداعى» بارلىق كوماندير - جاۋىنگەرلەرگە جازعان جاۋاپ حاتى بۇكىل ارمياداعى اسكەري بولىمدەردە كۇشتى اڭىس قوزعادى

قالىڭ كوماندير ـ جاۋىنگەرلەر ايرىقشا شابىتتانىپ، باس قولباسشىنىڭ ىقىلاستى قامقورلىعىن، ٴسوز جوق، ارميانى قۇدىرەتتەندىرۋدىڭ، ارميا ىستەرىن كوركەيتۋدىڭ قۇدىرەتتى قوزعاۋشى كۇشىنە اينالدىرىپ، جاڭا جورىق تارتۋ، جاڭا بورىش اتقارۋ جاعىندا تاعى دا تىڭ ۇلەس قوسىپ، تاعى دا شۇعىلالى ناتيجە جاراتاتىندىقتارىن ٴبىلدىرىستى.