ٴوز حابارىمىز. بۇكىل مەملەكەت بويىنشا تايۋاندىق باۋىرلاستار بىرلەستىگى قوعامى قۇرىلعاندىعىنىڭ 40 جىلدىعىن ەسكە ٴتۇسىرۋ جينالىسى جانە 5-كەزەكتى تايۋاندىق باۋىرلاستار قوعامدىق ۇيىمدارى تالقىسىنىڭ باستالۋ سالتى 9-ايدىڭ 26-كۇنى بەيجيڭدە وتكىزىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ٴتوراعاسى ۋاڭ ياڭ ماجىلىسكە قاتىناستى ٴارى ٴسوز سويلەدى. 

    ۋاڭ ياڭ ج ك پ ورتالىق كوميتەتى اتىنان، باس شۋجي شي جينپيڭ اتىنان بۇكىل مەملەكەت بويىنشا قۇرىلعان تايۋان بىرلەستىگى قوعامىن قۇتتىقتادى، ۇزاق ۋاقىتتان بەرى ەكى جاعالاۋ قاتىناسىنىڭ بەيبىت دامۋىن، وتاننىڭ بەيبىت بىرلىككە كەلۋ اياق الىسىن ىلگەرىلەتۋگە بەلسەندى ۇلەس قوسقان ٴار سالا قايراتكەرلەرگە قۇرمەت ٴبىلدىردى. 

    ۋاڭ ياڭ مىنالاردى انىق ايتتى: 40 جىلدان بەرى، مەملەكەت بويىنشا قۇرىلعان تايۋاندىق باۋىرلاستار بىرلەستىگى قوعامى سوتسياليزم جانە وتانشىلدىق تۋىن بيىك ۇستاپ، تايۋان ىستەرى قىزمەتىنىڭ جالپى جاعدايىن تىعىز توڭىرەكتەپ، تايۋاندىق باۋىرلاستارمەن كەڭ كولەمدە دوستاسىپ، تايۋاندىق باۋىرلاستارعا ىستىق ىقىلاسپەن قىزمەت وتەپ، تايۋاندىق باۋىرلاستارمەن تىعىز ىنتىماقتاسىپ، باۋىرمالدىققا، ۇيىسقىشتىققا، باۋراۋ قۋاتىنا تولى «تايۋاندىق باۋىرلاستار قوعامى» بولدى. جاڭا جورىق جولىندا، مەملەكەت بويىنشا قۇرىلعان تايۋاندىق باۋىرلاستار بىرلەستىگى قوعامى شي جينپيڭنىڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ تايۋان قىزمەتى جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتەندىرىپ، تايۋاندىق باۋىرلاستاردىڭ جۇڭحۋا ۇلتىنىڭ ۇلى كوركەيۋىنە جانە وتاننىڭ بىرلىككە كەلۋىنە كۇش سالۋىنا اقىل-پاراسات جانە كۇش-قۋات ۇيىستىرۋ كەرەك. 

    ۋاڭ ياڭ مىنالاردى باسا دارىپتەدى: قازىر ەكى جاعالاۋ قاتىناسىنىڭ دامۋىندا وراي مەن سايىس قاتار ٴومىر ٴسۇرىپ وتىر. ەكى جاعالاۋداعى باۋىرلاستار جۇڭحۋا ۇلتىنىڭ ٴتۇبىرلى مۇددەسىن شىعار ٴتۇيىن ەتۋ؛ ٴبىر تۇتاستىققا تالپىناتىن، ٴبىر تۇتاستىقتى قولدايتىن، ٴبىر تۇتاستىقتى قورعايتىن ۇلت مۇراتىنا تاباندى بولۋ؛ ٴارقانداي فورماداعى «تايۋاندى دەربەستەندىرۋ» بولشەكتەۋشىلىك ارەكەتىنە باتىل قارسى تۇرۋ؛ جۇڭگولىقتار جىگەرىن، قايسارلىعىن، مىعىمدىعىن ارتتىرۋ كەرەك. وتاننىڭ، ٴسوز جوق، بىرلىككە كەلۋى ٴارى تابيعي بىرلىككە كەلۋى سىندى تاريحي اۋقىمدى ايقىن تانۋ؛ تايۋان ماسەلەسىن شەشۋ ىرىقتىلىق ۇقىعى مەن جەتەكشىلىك ۇقىعىن باستان-اياق وتانىمىزدىڭ ۇلى قۇرلىعى جاعىندا مىقتى يگەرۋ؛ وتاننىڭ بۇكىلدەي بىرلىككە كەلۋىن جۇزەگە اسىرۋ سەنىمىن بەكەمدەۋ؛ وتاننىڭ تۇتاستىعىن جەبەۋ قۇدىرەتتى وڭ ەنەرگياسىن مول توپتاۋ كەرەك. ەكى جاعالاۋ قاتىناسىنىڭ بەيبىت دامۋىنا، توعىسپالى دامۋىنا ۇزدىكسىز كۇش سالۋ؛ ٴار سالاداعى اۋىس-كۇيىس پەن سەلبەستىككە بەلسەنە ات سالىسۋ جانە ونى ىلگەرىلەتۋ؛ باۋىرلاستاردىڭ ىرىسىن ارتتىرۋعا، جۇرەكتەردىڭ توعىسۋىن جەبەۋگە اقىل-كەڭەس بەرۋ، كۇش شىعارۋ كەرەك. 

    مەملەكەت بويىنشا قۇرىلعان تايۋان بىرلەستىگى قوعامىنىڭ باستىعى حۋاڭ جىشيان باستالۋ ٴسوزىن سويلەدى. جۇڭگو مۇھاجىرلار بىرلەستىگىنىڭ ٴتوراعاسى ۋان ليجۇن حالىقتىق ۇيىمدار اتىنان قۇتتىقتاۋ ٴسوز سويلەدى. تايۋان جاڭا پارتياسىنىڭ بۇرىنعى ٴتوراعاسى يۇي مۋميڭ، تايۋان ەڭبەك پارتياسىنىڭ ٴتوراعاسى ۋ رۇڭيۋان، تايۋاندىق باۋىرلاستاردىڭ ۋاكىلى ۋاڭ جىڭ ماجىلىستە ٴسوز سويلەدى. 

    اشىلۋ سالتىنان بۇرىن، ۋاڭ ياڭ قاتارلى پارتيا مەن مەملەكەتتىڭ باسشى جولداستارى ماجىلىسكە قاتىناسقان سيلى قوناقتارمەن بىرگە سۋرەتكە ٴتۇستى.


      اۋدارعان: قاناتبەك جۇماباي ۇلى