ٴوز حابارىمىز. 14-كەزەكتى مەملەكەتتىك سپورت جارىسى 9-ايدىڭ 27-كۇنى اياقتادى، سپورت ساڭلاقتارى قايسارلىقپەن العا تارتىپ، ىنتىماقتاسا سەلبەسىپ، جۇلدەگەر بولۋعا ۇمتىلىپ، 17 شاعىن تۇردەگى اعا جۇلدەگەرلىكتىڭ ناتيجەسى توكيو وليمپيك سپورت جارىسىنىڭ اعا جۇلدەگەرلىگىنەن دە بيىك دەڭگەيگە جەتىپ، دۇنيە جۇزىلىك رەكوردتار جاڭالاندى، مەملەكەتتىك رەكورد 4 جىلدىڭ الدىنداعىدان جوعارىلاپ، جۇڭگو سپورتىنىڭ ومىرشەڭدىك كۇشى مەن جارقىن بولاشاعىن تولىق ايگىلەدى. 

    ىندەتتەن ساقتانۋ جانە ونى تىزگىندەۋ شارالارىن ۇدايىلاندىرۋ جاعدايىندا اشىلعان مەملەكەتتىك سپورت جارىسى ٴارى حاۋىپسىز ٴارى تارتىمدى ٴوتتى. سپورتشىلار مەن تەحنيكالىق قىزمەتكەرلەردى قامتىعان سپورت جارىسىنا قاتىناسۋشىلاردا بىردە ٴبىر ادام ۆيرۋسپەن جۇعىمدالمادى؛ سونىمەن بىرگە، وسى كەزەكتى سپورت جارىسى كورەرمەندەرگە ٴتارتىپتى تۇردە اشىق ۇستالىپ، جارىستىڭ كەمەلدىلىگى قالپىنا كەلىپ، بۇقارانى دەنە تاربيەگە اناعۇرلىم ىنتالاندىردى. 

    التىن مەدال تاعىنعان وليمپيك چەمپيوندارى بولسىن، جارىسقا جاڭادان قاتىناسقان ٴوسپىرىم ساڭىلاقتار بولسىن، قايسارلانا العا ۇمتىلاتىن، ورشەلەنە ورگە شاباتىن رۋحاني جىگەرىن ايگىلەپ، جۇڭگو جاستارىنىڭ جالىندى بەت-بەينەسىن تولىق كورسەتتى. بۇل ٴبىزدىڭ دەنە تاربيەدە ەگەي ەل قۇرۋ جولىندا ورنىقتى ىلگەرلەپ كەلە جاتقانىمىزدى كورسەتەدى.

اۋدارعان: شالقار قازەز ۇلى