ينفورماتسيا اشكەرەلەۋ: mzjubao@cnr.cn

ماڭىزدى حابارلار

ب م ۇ ـ نىڭ ورگانيزمدەردىڭ الۋان تۇرلىلىگى جينالىسى 1 ـ كەزەڭدىك ٴماجىلىسىنىڭ مينيستر دارەجەلىلەر جالپى ٴماجىلىسى وتكىزىلدى

来源:جۇڭگو قازاق راديو تورابى     |责编:阿依娜古丽|     发布日期: 2021-10-13 09:51


 
    ٴوز حابارىمىز. ب م ۇ ـ نىڭ ورگانيزمدەردىڭ الۋان تۇرلىلىگى جينالىسى 1 ـ كەزەڭدىك ٴماجىلىسىنىڭ مينيستر دارەجەلىلەر جالپى ٴماجىلىسى 10-ايدىڭ 12-كۇنى وتكىزىلدى، ماجىلىسكە قاتىناسقان سيلى قوناقتار « جەر شارىنىڭ تىرشىلىك ورتاق تۇلعاسىن بىرلىكتە قۇرۋ »-داي تاقىرىپتار جونىندە تالقى ورىستەتتى.


    ب م ۇ ـ نىڭ «ورگانيزمدەردىڭ الۋان تۇرلىلىگى شارتىن» جاساسۋشى جاقتار 15-رەتكى ٴماجىلىسىنىڭ ٴتوراعاسى، ەكولوگيالىق ورتا مينيسترى حۋاڭ رۇنچيۋ ماجىلىستە بىلاي دەدى: قازىر دۇنيە جۇزىندەگى ورگانيزمدەردىڭ تۇقىمى قۇرۋ قارقىنى ۇزدىكسىز تەزدەپ، ورگانيزمدەر الۋان تۇرلىلىگىنىڭ سيرەۋى جانە ەكولوگيالىق جۇيەنىڭ ازىپ-توزۋى ادامزاتتىڭ تىرشىلىگى مەن دامۋىنا اۋىر حاۋىپ ـ قاتەر توندىرۋدە.


    ماجىلىسكە قاتىناسقان ۋاكىلدەر ٴبىر اۋىزدان بىلاي دەپ قارادى : ورگانيزمدەردىڭ الۋان تۇرلىلىگى-ادامزاتتىڭ سالاماتتىعى مەن ەكونوميكانى ارتتىرۋدىڭ نەگىزى، سونىمەن بىرگە 2020 ـ جىلدان كەيىنگى جەر شارىنداعى ورگانيزمدەردىڭ الۋان تۇرلىلىگى نىساناسىن جۇزەگە اسىرۋدا ٴىس جۇزىندىك ارەكەت قولدانۋ اسا ماڭىزدى.


    1 - كەزەڭدىك ٴماجىلىستىڭ جوعارى دارەجەلىلەر باس قوسۋىندا وسى ايدىڭ 13 - كۇنى تۇستەن كەيىن «ەكولوگيالىق وركەنيەتكە بەت الىپ، جەر شارىنىڭ تىرشىلىك ورتاق تۇلعاسىن بىرلىكتە قۇرايىق » دەگەن كۇنميڭ جارناماسى جاريالانادى. ماجىلىسكە قاتىناسقان ٴارقايسى جاقتاعىلار بىلاي دەستى: وسى رەتكى ماجىلىستە ورگانيزمدەردىڭ الۋان تۇرلىلىگىن قورعاۋدىڭ ايقىن ساياساتتىق بەتالىسى قالىپتاسۋىن ٴۇمىت ەتەمىز. ب م ۇ ورتانى جوبالاۋ مەكەمەسىنىڭ اتقارۋشى مەڭگەرۋشىسى ينگەر. اندەرسەن بىلاي دەدى: « كۇنميڭ جارناماسى ( جوباسى )» ٴبىزدىڭ جالىندى دا ايقىن جۇلگەمىزدى ايگىلەدى، ٴبىزدىڭ وسى جۇلگەمىز جەكە - دارا اتقارىلمايدى، ول، ٴسوز جوق، ٴتىپتى دە كەڭ كولەمدى تۇتاس وركەنيەتتىڭ وزگەرىسىمەن بىرگە جۇزەگە اساتىن بولادى.

 

اۋدارعان: امانتاي مۇسايىپ ۇلى

中央广播电视总台 央广网 版权所有

ب م ۇ ـ نىڭ ورگانيزمدەردىڭ الۋان تۇرلىلىگى جينالىسى 1 ـ كەزەڭدىك ٴماجىلىسىنىڭ مينيستر دارەجەلىلەر جالپى ٴماجىلىسى وتكىزىلدى

ب م ۇ ـ نىڭ ورگانيزمدەردىڭ الۋان تۇرلىلىگى جينالىسى 1 ـ كەزەڭدىك ٴماجىلىسىنىڭ مينيستر دارەجەلىلەر جالپى ٴماجىلىسى 10-ايدىڭ 12-كۇنى وتكىزىلدى،