ينفورماتسيا اشكەرەلەۋ: mzjubao@cnr.cn

ماڭىزدى حابارلار

حان جىڭ يۇنناندا تەكسەرۋ ـ زەرتتەۋ جۇرگىزۋدى

来源:جۇڭگو قازاق راديو تورابى     |责编:阿依娜古丽|     发布日期: 2021-10-14 10:40

 

ٴوز حابارىمىز. ورتالىق كوميتەت ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى حان جىڭ 10-ايدىڭ 11-،12-كۇندەرى يۇنناندا تەكسەرۋ-زەرتتەۋ جۇرگىزدى. حان جىڭ مىنالاردى باسا دارىپتەدى: يۇننان باس شۋجي شي جينپيڭنىڭ ماڭىزدى ٴسوزى مەن نۇسقاۋىنىڭ، بەكىتۋىنىڭ رۋحىن ىشكەرىلەي دايەكتىلەندىرىپ، ەكولوگيانى الدىمەن ەسكەرۋگە، جاسىل دامۋعا تاباندى بولىپ، ەكولوگيالىق وركەنيەت قۇرىلىسىنىڭ سەركەسى بولۋعا قۇلشىنۋ كەرەك.


    يۇنناننىڭ ورگانيزمدەردىڭ الۋان تۇرلىلىگىن قورعاۋ قىزمەتىندە قول جەتكەن تابىستارىن تولىق تۇراقتاندىرعاننان كەيىن، حان جىڭ مىنالاردى اتاپ كورسەتتى: يۇنناننىڭ جاراتىلىستىق شارت-جاعدايى جاقسى، ەكولوگيالىق ورنى ماڭىزدى، ورگانيزمدەردىڭ الۋان تۇرلىلىگىن قورعاۋ كەلەلى ينجەنەرياسىن ۇزدىكسىز اتقارىپ، ورگانيزمدەردىڭ الۋان تۇرلىلىگىن قورعاۋ قابىلەتى مەن دەڭگەيىن ۇزدىكسىز جوعارىلاتىپ، ەلىمىزدىڭ ورگانيزمدەردىڭ الۋان تۇرلىلىگىندەگى كەلەلى اسىل قامباسىن قۇلشىنا قورعاۋ كەرەك. ورگانيزمدەردىڭ الۋان تۇرلىلىگىن باقىلاۋ مەن زەرتتەۋدى كۇشەيتىپ، ورگانيزمدەردىڭ الۋان تۇرلىلىگىن قورعاۋ ساياساتىن كەمەلدەندىرۋگە ۇلگى جانە نەگىز ازىرلەۋ كەرەك. مەملەكەتتىڭ ستراتەگيالىق بيولوگيالىق بايلىق قاجەتى مەن ٴپان دامۋىنىڭ الدىڭعى لەگىن جەتەكشى ەتىپ، تۇقىم بايلىعىن ساقتاۋ مەن پايدالانۋ تەحنيكاسىن زەرتتەپ اشۋدى كۇشەيتىپ، جابايى وسىمدىكتەردىڭ مول تۇقىم بايلىعىنان ويداعىداي پايدالانۋ كەرەك.


    ديانچى كولىنىڭ شىعىس جاعالاۋىنداعى باۋفىڭ سازدىعىندا حان جىڭ ديانچى سازدىعى قۇرىلىسى مەن ەكولوگيانى قورعاۋ، جونگە سالۋ قىزمەتىن ەگجەي-تەگجەيلى تەكسەرىپ، ديانچى كولىنىڭ سۋ ساپاسى جاعدايىن مۇقيات تەكسەردى. ول بىلاي دەپ باسا دارىپتەدى: ديانچى-يۇنناننىڭ «ٴۇستىرت مەرۋەرتى»، ەكولوگيالىق ورتانى قورعاۋ مەن ەكونوميكالىق دامۋدىڭ قاتىناسىن دۇرىس يگەرۋ كەرەك، الدىمەن لاستاپ، ونان سوڭ جونگە سالۋدىڭ كونە جولىمەن ەندىگارى جۇرۋگە استە بولمايدى.


    حان جىڭ «سيفرلى يۇننان» كورمە ورتالىعىنا بارىپ، سيفرلى يۇننان قۇرىلىسىنىڭ اياق الىسىن تەكسەرىپ، سيفرلى ەنەرگيا، سيفرلى اۋىل شارۋاشىلىعى، قورشاعان ورتانى زەردەلى قورعاۋ سياقتى جاعدايلار جونىندەگى مالىمەتتى ٴتۇيىندى تىڭدادى. حان جىڭ بىلاي دەدى: يۇنناندا جاسىل ەنەرگيا مەن بايلىق مول، جاسىل ەنەرگيانى اشۋدى جانە شىعارۋدى ٴبىر تۇتاس جوسپارلاپ، مەملەكەتتىڭ ەكونوميكالىق قۇرىلىسى مەن ەنەرگيا حاۋىپسىزدىگىنە اناعۇرلىم ويداعىداي قىزمەت ەتۋ كەرەك. قامداۋ مەن قاجەتسىنۋ جاعىندا كۇش سالىپ، كومىر كاسىبىنىڭ ورنىقتى، اقاۋسىز دامۋىن جەبەۋ كەرەك. ەگىستىك جەردىڭ قىزىل سىزىعىن عىلمي بەلگىلەپ جانە وعان قاتاڭ بويسۇنىپ، استىق حاۋىپسىزدىگىن ويداعىداي قامتاماسىزداندىرۋ كەرەك. سيفرلى تەحنيكادان تولىق پايدالانىپ، قورشاعان ورتانى باقىلاۋ-ولشەۋ، الدىن الا مالىمەت بەرۋ، لاستانۋدى جونگە سالۋ دەڭگەيىن جوعارىلاتىپ، يۇنناننىڭ قورشاعان ورتا ساپاسىن ۇزدىكسىز جاقسارتۋىنا دەم بەرىپ، باتىس وڭتۇستىكتىڭ ەكولوگيالىق حاۋىپسىزدىك قالتقىسىن بەكەمدەۋ كەرەك.


اۋدارعان: گۇلنۇر قابىلقاق قىزى

中央广播电视总台 央广网 版权所有

حان جىڭ يۇنناندا تەكسەرۋ ـ زەرتتەۋ جۇرگىزۋدى

ورتالىق كوميتەت ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى حان جىڭ 10-ايدىڭ 11-،12-كۇندەرى يۇنناندا تەكسەرۋ-زەرتتەۋ جۇرگىزدى