ينفورماتسيا اشكەرەلەۋ: mzjubao@cnr.cn

ماڭىزدى حابارلار

جاڭا يدەيا جاڭا ساپارعا جەتەكشىلىك ەتەدى-ٴداۋىر جاۋابى» تاقىرىبىنداعى ارناۋلى حاباردىڭ «حۋاڭحى وزەنى الابىندا ەكولوگيا الدىمەن ەسكەرىلىپ، جاسىل دامۋ جۇزەگە اسىرىلدى» دەگەن ٴبولىمى

来源:جۇڭگو قازاق راديو تورابى     |责编:古丽美热|     发布日期: 2021-10-24 11:31

 

ٴوز حابارىمىز. پارتيا 18-قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى حۋاڭحى وزەنى الابىنىڭ ەكولوگياسىن قورعاۋدى جانە جوعارى ساپالى دامىتۋدى جۇڭحۋا ۇلتىنىڭ ۇلى گۇلدەنۋىنە ساياتىن بولاشاقتىق ۇلى جوسپار ەتتى، باس شۋجي تالاي رەت حۋاڭحى وزەنى كەسىپ وتكەن ولكە، اۆتونوميالى رايوندارعا بارىپ ىشكەرىلەي تەكسەرىپ، جاڭا داۋىردە حۋاڭحى وزەنىن قورعاۋ، جونگە سالۋ، حۋاڭحى وزەنىنىڭ ەكى جاعالاۋىنداعى ولكە، اۆتونوميالى رايونداردىڭ دامۋ فورماسىندا بۇرىلىس جاساپ، ارشىندى دامۋىنا ايقىن باعدار كورسەتىپ، حۋاڭحى وزەنى الابىنىڭ ەكولوگياسىن قورعاۋعا جانە جوعارى ساپالى دامىتۋعا مەملەكەتتىڭ كەلەلى ستراتەگيالىق جوباسىن جاسادى. «جاڭا يدەيا جاڭا ساپارعا جەتەكشىلىك ەتەدى-ٴداۋىر جاۋابى» تاقىرىبىنداعى ارناۋلى حاباردا بۇگىن «حۋاڭحى وزەنى الابىندا ەكولوگيا الدىمەن ەسكەرىلىپ، جاسىل دامۋ جۇزەگە اسىرىلدى» دەگەن ٴبولىمىن تىڭدايسىزدار. 

    تاڭەرتەڭگى ساعات 7 دە حۋاڭحى اتىراۋىنداعى مەملەكەت دارەجەلى جاراتىلىستىق قورىق رايونىندا جۋ شۋيۇي مەن قىزمەتتەستەرى اياقتارىنا قالىڭ جاڭبىرلىق ەتىك كيىپ، باتپاقتى قايراڭدا باياۋ ٴجۇرىپ كەلەدى. شەتەلدەن ەنگىزىلگەن ورگانيزم تۇرلەرىن مەرزىم بويىنشا تەكسەرىپ، جونگە سالۋ جۋ شۋيۇيدىڭ كۇندەلىكتى جۇمىستارىنىڭ ٴبىرى. 

    شاندۇڭنىڭ دۇڭيىڭ قالاسىندا حۋاڭحى وزەنى گۇركىرەپ اعىپ تەڭىزگە قۇيىلادى. وزەن سۋىنداعى لاي-قۇم تۇنىپ، وسىدان حۋاڭحى اتىراۋى قالىپتاسقان. 1992-جىلى حۋاڭحى اتىراۋى مەملەكەت دارەجەلى جاراتىلىستىق قورىعى قۇرىلدى. سودان كەلەسى جىلى داشۋەنى ەندى عانا بىتىرگەن جۋ شۋيۇي قورىق رايونىنا كەلىپ قىزمەتكە ورنالاستى، قازىر ول قورىق رايونىن باسقارۋ مەكەمەسىنىڭ اعا ينجەنەرى. جۋ شۋيۇي بىلاي دەدى: حۋاڭحى اتىراۋىندا ەكى قورعاۋ تۇلعاسى بار، ٴبىرىنشىسى، حۋاڭحى وزەنىنىڭ جاڭا سازدىعى، نەگىزىنەن وزەكتى رايوندا، ياعني حۋاڭحى وزەنىنىڭ تەڭىزگە قۇيار اۋزىندا. ەكىنشى قورعاۋ نىساناسى-سيرەك كەزدەسەتىن، تۇقىمى قۇرۋعا تاياعان قۇستار. 

    سازدىقتىڭ ەكولوگياسى ۇزدىكسىز قالپىنا كەلتىرىلىپ، بۇل ارادا ەلىمىزدىڭ جىلى قوڭىرجاي بەلدەۋىندەگى ەڭ كەڭ، ەڭ كەمەلدى، ەڭ جاڭا سازدىق ەكولوگيالىق جۇيەسى قالىپتاسىپ، ٴار جىلى 6 ميلليوننان استام قۇس وسى ارادا ٴوسىپ-ٴوربيدى، قىستايدى جانە قونىس اۋدارادى. جەرگىلىكتى ورىن حۋاڭحى وزەنىنىڭ تەڭىزگە قۇيار اۋزىندا مەملەكەتتىك باقشا قۇرۋدى ىلگەرىلەتىپ، وسى الاپتىڭ جاراتىلىستىق ەكولوگياسىن جالپى تۇلعالىق جاقتان قورعاۋدى، جۇيەلى قالپىنا كەلتىرۋدى جانە جان-جاقتى جونگە سالۋدى جۇزەگە اسىرۋدا. 

    جەڭىس مۇناي الابى 1961-جىلى بايقالعاننان بەرى، شاندۇڭ ولكەسىنىڭ حۋاڭحى اتىراۋى رايونىندا مۇناي، تابيعي گاز بارلاۋ-اشۋ جۇمىستارى جۇرگىزىلىپ كەلەدى. يىڭىر قۇدىعى-جەڭىس مۇناي الابىنداعى مول ٴونىم الىنعان قۇدىق. سوڭعى جىلداردان بەرى، يىڭىر قۇدىعى رايونىندا جەل، جارىق، جىلۋ، ساقتاۋ سياقتىلار كوپ قاينارلى ميكرو توراپپەن ۇشتاستىرىلعان كوپ ٴتۇرلى ەنەرگيا ارقىلى ٴبىرىن-ٴبىرى تولىقتاۋ ۇلگىسى قاراستىرىلىپ جانە امالياتتان وتكىزىلىپ، ٴداستۇرلى ەنەرگيادان جاسىل ەنەرگياعا ويىسۋ جەبەلدى. 

    شانشيدىڭ سارى توپىراقتى ٴۇستىرتى- حۋاڭحى وزەنىندەگى لاي-قۇمداردىڭ باستى قاينارى. كوپ جىلداردان بەرى ەگىستىككە اينالدىرىلعان ورماندى قالپىنا كەلتىرۋ جانە ەكولوگيانى قورعاۋ ارقىلى حۋاڭحى وزەنىنە ورتا ەسەپپەن جىلىنا اعىپ كىرەتىن لاي-قۇم مولشەرى 2000-جىلدان بۇرىنعى جىلىنا 800 ميلليون توننادان سوڭعى جىلداردان بەرى جىلىنا 270 ميلليون تونناعا ازايدى. شانشي ولكەلىك دامۋ جانە رەفورمالاۋ كوميتەتى حۋاڭحى كەڭسەسىنىڭ جاۋاپتىسى رۇڭ چاۋجۋ بىلاي دەدى: ٴبىز شانشي ولكەسىنىڭ حۋاڭحى وزەنى الابىنىڭ ەكولوگياسىن قورعاۋ جانە جوعارى ساپالى دامىتۋ جوباسىن جاسادىق، كەلەسى قادامدا وزەنگە قۇيىلاتىن قۇمدى ازايتۋ، لاستانۋدى تىزگىندەۋ، تاسقىننان ساقتانۋ، سۋ ۇنەمدەۋ سىندى 4 جاقتى ارقاۋ ەتە وتىرىپ ناقتى قىزمەتتەردى ٴتۇيىندى تۇردە مىقتى ۇستايمىز. 

    نيڭشيا حۋاڭحى وزەنى الابىنا تولىق ورنالاسقان بىردەن-ٴبىر ولكە رايون، وسى رايون حۋاڭحى وزەنى الابىنىڭ ەكولوگياسىن قورعاۋ مەن جوعارى ساپالى دامىتۋدىڭ الدىمەن اتقارىلاتىن رايونىن قۇلشىنا قۇرۋدا. نيڭشيا حۇيزۋ اۆتونوميالى رايوندىق دامۋ جانە رەفورمالاۋ كوميتەتىنىڭ مەڭگەرۋشىسى لي يۇيحۋا بىلاي دەدى: ٴبىز حۋاڭحى وزەنى الابىنىڭ ەكولوگياسىن قورعاۋعا جانە جوعارى ساپالى دامىتۋعا جاڭا جول اشىپ، ۇلگى كورسەتۋگە قۇلشىنامىز. 

    حۋاڭحى وزەنى الابىنىڭ ەكولوگياسىن قورعاۋ مەن جوعارى ساپالى دامۋىن ىلگەرىلەتۋ-تەرەڭ تاريحي مانگە جانە كەلەلى ستراتەگيالىق مانگە يە. جۇڭگو قوعامدىق عىلىمدار اكادەمياسى ەكولوگيالىق وركەنيەتتى زەرتتەۋ اقىل-پاراسات قويماسى نازاريا ٴبولىمىنىڭ مەڭگەرۋشىسى حۋاڭ چىڭلياڭ بىلاي دەدى: حۋاڭحى وزەنى كەسىپ وتەتىن ولكە-رايوندار ٴىس جۇزىندىكتى شىعار ٴتۇيىن ەتىپ، جەرگىلىكتى جاعدايعا قاراي جۇمىس جۇرگىزىپ، وڭىرلىك ەرەكشەلىككە يە جوعارى ساپالى دامۋدىڭ جاڭا جولىن بەلسەنە قاراستىرۋى كەرەك. 


    اۋدارعان: امانتاي مۇسايىپ ۇلى


中央广播电视总台 央广网 版权所有

جاڭا يدەيا جاڭا ساپارعا جەتەكشىلىك ەتەدى-ٴداۋىر جاۋابى» تاقىرىبىنداعى ارناۋلى حاباردىڭ «حۋاڭحى وزەنى الابىندا ەكولوگيا الدىمەن ەسكەرىلىپ، جاسىل دامۋ جۇزەگە اسىرىلدى» دەگەن ٴبولىمى

ٴبىز حۋاڭحى وزەنى الابىنىڭ ەكولوگياسىن قورعاۋعا جانە جوعارى ساپالى دامىتۋعا جاڭا جول اشىپ، ۇلگى كورسەتۋگە قۇلشىنامىز