ٴوز حابارىمىز. ەلىمىزدىڭ سولتۇستىك رايوندارىندا جىلۋمەن قامداۋ ماۋسىمى كەڭ كولەمدە باستالۋىنا ىلەسە، توك تاراتۋ، جىلۋمەن قامداۋ جانە تۇرعىنداردىڭ جىلۋمەن قامدالۋ، كومىر ىستەتۋ سۇرانىسى جەدەل ارتتى. كوپ جەر ەلەكتر شىعارۋ، جىلۋمەن قامداۋ، كومىرمەن قامتاماسىز ەتۋ تەبىنىن ارتتىرىپ، بۇقارانىڭ قىستان جىلى وتۋىنە كەپىلدىك ەتۋدە. 

    جيلين ولكەلىك ونەركاسىپ جانە ينفورماتسيالاندىرۋ مەڭگەرمەسى بايلىقتى ۇنەمدەۋ جانە جان – جاقتى پايدالانۋ باسقارماسىنىڭ باستىعى ۋاڭ دۇڭميڭ بىلاي دەدى: جىلۋمەن قامداۋ قاجەتىن قاناعاتتاندىرۋ ءۇشىن جيلين ولكەسى شامامەن 35 ميلليون توننا كومىر قاجەت ەتەدى. «بەس جولدى بىرىكتىرۋ» شاراسىن قولدانىپ، سانشي، شانشي،ىشكى موڭعۇل كومىرىن، يمپورت ەتىلگەن كومىردى، بازار كومىرىن، وزدەرى قازعان كومىردى، زاپاس كومىر ساتىپ الۋدى كۇشەيتۋ جونىندە جان-جاقتى ورنالاستىرۋ جاساپ، بۇكىل ولكەنىڭ قامداۋ جاعىنداعى ولقىلىقتارىن بار كۇشپەن تولىقتايدى. 

    كومىر وندىرەتىن ٴىرى ولكە سانشي ولكەسى 14 ولكە، اۆتونوميالى رايون، توتە قاراستى قالانى 4-توقساندا كومىرمەن قامداۋ جونىندەگى ورتا، ۇزاق مەرزىمدىك توقتام مىندەتىن ۇستىنە الىپ، ٴوندىرىس قۋاتىن 53 ميلليون تونناعا ارتتىردى. سانشي ولكەلىك ەنەرگيا مەكەمەسى كومىر ٴوندىرىس-تەحنيكا باسقارماسىنىڭ باستىعى جىڭ يوۋشان بىلاي دەدى: ٴبىز كومەسكى كۇشى بار ٴوندىرىس قۇدىقتارىنا ٴوندىرىس قۋاتىن ارتتىرىپ، 4-توقساندا 20 ميلليون توننالىق ٴوندىرىس قۋاتىن مولايتۋعا كۇش سالامىز، سونىمەن بىرگە كومىر كەندەرىنىڭ بىركەلكى، ٴۇزىلىسسىز ۇيىمدىق ٴوندىرىسىن ۇيىمداستىرىپ، تاسىمال قۋاتىن سايكەستىرۋدى كۇشەيتىپ، وندىرىلگەن كومىردىڭ تاسىمالدانۋىنا كەپىلدىك ەتەمىز. 

    بيىل قىس پەن كەلەر جىلى كوكتەمدە توك تاراتىپ، جىلۋمەن قامداۋعا كەپىلدىك ەتۋ ٴۇشىن، تەمىر جول تاراۋلارى كومىر تاسىمال ۇيىمدارىن جاپپاي كۇشەيتىپ، توك تاراتىپ، جىلۋمەن قامداۋعا ىستەتىلەتىن كومىردى الدىمەن تيەپ-تاسىپ، كاسىپورىنداردىڭ قىسقى كومىر زاپاسىنىڭ جەتكىلىكتى بولۋىنا كەپىلدىك ەتتى. جۇڭگو تەمىر جول شىنياڭ مەكەمەسى توبى شەكتى سەرىكتىگى شىنياڭ اۆتوموبيل ىستەرى شىنياڭ شىعىس ۆوكزالىنىڭ باستىعى ۋاڭ جىيۇڭ بىلاي دەدى: ٴبىز الدىن الا قيمىلداپ، ەلەكتر ستانسياسىمەن، جۇك تاسىمال ورتالىعىمەن بايلانىس جاساپ، تاسىمال جوباسىن جاسادىق. 10-ايدىڭ ورتا شەنىنە دەيىن پويەز بەكەتىنىڭ باسقارۋىنداعى ەلەكتر ستانسيالارىنىڭ قامباداعى قورى جىلۋمەن قامداۋ شارتىن ازىرلەدى.

    تاياۋدا مەملەكەتتىك دامۋ جانە رەفورما كوميتەتى كوپتەگەن تەكسەرۋ گرۋپپاسىن ۇيىمداستىرىپ، قاتىستى ولكەلەرگە بارىپ، ٴتۇيىندى كومىر وندىرەتىن كاسىپورىندار مەن اينالىم كاسىپورىندارىنا ناقتى تەكسەرۋ جۇرگىزدى. تەكسەرۋ بارىسىندا بايقالعان باعانى قىمباتتاتۋ، باسىپ قويۋ، بازار باعاسىن استاسىپ مەڭگەرۋ، باعانى ٴوسىرۋ ينفورماتسياسىن جالعاننان جاساۋ، تاراتۋ سياقتى زاڭعا قايشى ارەكەتتەرگە زاڭ بويىنشا قاتاڭ سوققى بەردى.

اۋدارعان : كۇلان ىرىسباي قىزى