ماجىلىستە بىلاي دەپ قارالدى: باس شۋجي شي جينپيڭنىڭ ماڭىزدى سوزىندە جاڭا داۋىردەگى پارتيانىڭ وزىنە توڭكەرىس جاساۋ تابىستى امالياتى تەرەڭ قورىتىندىلاندى، پارتيانى جالپى بەتتىك قاتاڭ باسقارۋدا قول جەتكەن تاريحي جاسامپازدىق تابىستار، جارىققا شىققان جان ـ جاقتى، تەرەڭ قاتپارلى ىقپالدار تەرەڭ بايىمدالدى؛ بيىكتە تۇرىپ الىسقا كوز تاستالىپ، اسقاق جىگەرمەن العا باسۋعا دەم بەرىلىپ، اسا كۇشتى ساياسي سيپاتقا، جەتەكشىلىك سيپاتقا، باعىتتامالىلىق سيپاتقا يە بولدى. مەملەكەتتىك حالىق قۇرىلتايى تۇراقتى كوميتەتىنىڭ پارتگرۋپپاسى ىشكەرىلەي ۇيرەنىپ، دايەكتەندىرىپ، پارتيانى جالپى بەتتىك قاتاڭ باسقارۋدىڭ ىشكەرىلەي دامۋىن ىلگەرىلەتۋ؛ جاڭا داۋىردەگى پارتيا قۇرىلىسىنىڭ ۇلى جاڭا ينجەنەرياسىن ىلگەرىلەتۋ؛ ٴىس جۇزىندىك ارەكەت ارقىلى پارتيانىڭ 20 ـ قۇرىلتايىنىڭ جەڭىسپەن اشىلۋىن قارسى الۋ كەرەك.

    ماجىلىستە مىنالار انىق ايتىلدى: «ەكىنى تۇراقتاندىرۋ» ساياسي ورتاق تانىمىن «ەكىنى قورعاۋ» ٴىس جۇزىندىك ارەكەتىنە اينالدىرۋ كەرەك. شي جينپيڭنىڭ جاڭا ٴداۋىر جۇڭگوشا سوتسياليزم يدەياسىمەن وي ـ سانانى قارۋلاندىرۋعا تاباندى بولىپ، حالىق قۇرىلتايى قىزمەتىن ٴبىر تۇتاس مەڭگەرۋ؛ حالىق قۇرىلتايى ٴتۇزىمىنىڭ پارتيا ورتالىق كوميتەتى مەن باس شۋجي كورسەتكەن بەتالىس بويىنشا دامۋىنا، حالىق قۇرىلتايى قىزمەتىنىڭ پارتيا ورتالىق كوميتەتى مەن باس شۋجي بەلگىلەگەن جولمەن العا باسۋىنا كەپىلدىك ەتۋ كەرەك. «مەملەكەتتىڭ زور ىستەرىن» كوكەيدە ساقتاپ، نازاردى پارتيا ورتالىق كوميتەتىنىڭ شەشىمدەرىنە، ورنالاستىرۋلارىنا جانە باس شۋجي شي جينپيڭنىڭ نۇسقاۋلارىنا، تالاپتارىنا شوعىرلاندىرۋ؛ بەلسەندى، ىرىقتى تۇردە مىندەت اتقارىپ، جاۋاپكەرشىلىكتى ادا ەتۋ كەرەك.

    ماجىلىستە مىنالاردى انىق ايتىلدى: تاريحي سەنىمدى بەكەمدەپ، حالىق قۇرىلتايى تۇزىمىنە ويداعىداي تاباندى بولۋ، ويداعىداي دايەكتەندىرۋ، دامىتۋ كەرەك. ٴتۇزىم سەنىمىن بەكەمدەپ، تۇتاس بارىستىق حالىق دەموكراتياسىن ۇزدىكسىز دامىتۋ كەرەك. پارتيا تاريحىن ۇيرەنۋ تاربيەسىنىڭ جەتىستىكتەرىن بەكەمدەپ جانە كەڭەيتىپ، جاڭا داۋىردەگى حالىق قۇرىلتايى قىزمەتىن كۇشەيتۋ جانە جاقسارتۋ كەرەك.

    ماجىلىستە مىنالاردى باسا دارىپتەلدى: وسكەلەڭ تاريحي ىرىقتىلىق جانە ساياسي سانالىلىق ارقىلى وزىنە توڭكەرىس جاساۋدى ىلگەرىلەتۋ؛ پارتيانى جالپى بەتتىك قاتاڭ باسقارۋدى تاباندىلىقپەن ىشكەرىلەتۋ؛ مەملەكەتتىك حالىق قۇرىلتايىنىڭ پارتيا قۇرىلىسى ساپاسىن جالپى بەتتىك جوعارىلاتۋ كەرەك. پارتيالى باسشى كادرلار پارتيانىڭ ٴتارتىبى مەن ەرەجەسىنە باستاماشىلدىقپەن بويسۇنۋ؛ ٴوزىن قاتاڭ تارتىپكە شاقىرۋ؛ پاك، كىرشىكسىز بولۋ؛ باستان ـ اياق شاڭ ـ توزاڭ باستىرماۋ كەرەك.

اۋدارعان: قاناتبەك جۇماباي ۇلى