ٴوز حابارىمىز. مەملەكەتتىك پارتيا قۇرىلىسىن زەرتتەۋ قوعامىنىڭ 7 ـ رەتكى مۇشەلەر قۇرىلتايى 1-ايدىڭ 21-كۇنى بەيجيڭدە اشىلدى. ج ك پ ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ ماڭىزدى نۇسقاۋ بەرىپ، قۇرىلتايعا قۇتتى بولسىن ايتىپ، بۇكىل ەلدەگى پارتيا قۇرىلىسىن زەرتتەۋ قالىڭ قىزمەتكەرلەرىنە شىنايى سالەم جولدادى.

    شي جينپيڭ بىلاي دەپ انىق ايتتى: تاياۋ جىلداردان بەرى، مەملەكەتتىك پارتيا قۇرىلىسىن زەرتتەۋ قوعامى دۇرىس ساياسي بەتالىسقا تاباندى بولىپ، پارتيا قۇرىلىسىنداعى كەلەلى نازاريالىق جانە ٴىس جۇزىندىك ماسەلەلەردى توڭىرەكتەي وتىرىپ زەرتتەۋ جۇرگىزىپ، جاڭا داۋىردەگى پارتيا قۇرىلىسىن ىلگەرىلەتۋگە ماڭىزدى ۇلەس قوستى.

    شي جينپيڭ مىنالاردى باسا دارىپتەدى: جولداستاردىڭ اۋەلگى ماقساتتى، بورىشتى ەستە بەرىك ساقتاپ، ماركسيزمنىڭ جۇڭگوشالانۋىن، داۋىرلەسۋىن ىلگەرىلەتۋ، قوعامداعى باستى قايشىلىق پەن وزەكتى مىندەتتى دۇرىس يگەرۋ، ستراتەگيالىق تاكتيكا ماسەلەسىنە ٴمان بەرۋ، پارتيانىڭ ماركسيزمدىك ساياسي پارتيا قاسيەتىن ماڭگى ساقتاۋ، پارتيا تاريحىن ۇيرەنۋ تاربيەسىنىڭ ۇدايىلانۋىن، ۇزاق ٴونىمدى بولۋىن ىلگەرىلەتۋ سياقتى جاقتاردا كۇش سالۋىن؛ تولىق تەكسەرىپ - زەرتتەۋ نەگىزىندە، جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىن ىلگەرىلەتۋدە ٴدوپ كەلگەن كەلەلى اقيقات نازارياسى مەن امالياتتىق ماسەلەلەردى ىشكەرىلەي زەرتتەپ، پارتيا قۇرىلىسى نازارياسىنىڭ ەڭ جاڭا جەتىستىكتەرىن زەرتتەۋدى، پارتيانى جالپى بەتتىك قاتاڭ باسقارۋدى زەرتتەۋدى كۇشەيتىپ، نازاريالىق جاقتان جاڭا كوز ايانى كەڭەيتىپ، جاڭا تۇجىرىم جاساۋىن؛ جاڭا داۋىردەگى پارتيا قۇرىلىسىنىڭ زاڭدىلىعى جونىندەگى تانىمدى تەرەڭدەتىپ، پارتيا قۇرىلىسىنىڭ پاندەر جۇيەسىن، عىلمي جۇيەسىن، ٴسوز جۇيەسىن ۇزدىكسىز كەمەلدەندىرىپ، جاڭا داۋىردەگى پارتيا قۇرىلىسىن ىلگەرىلەتۋگە ۇزدىكسىز اقىل - پاراسات جانە كۇش - قۋات قوسۋىن ٴۇمىت ەتەمىن.

    ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت ۇيىمداستىرۋ ٴبولىمىنىڭ باستىعى چىن شي ماجىلىستە شي جينپيڭنىڭ ماڭىزدى نۇسقاۋىن جەتكىزدى ٴارى ٴسوز سويلەدى. ول بىلاي دەدى: باس شۋجي شي جينپيڭنىڭ ماڭىزدى نۇسقاۋىندا مەملەكەتتىك پارتيا قۇرىلىسىن زەرتتەۋ قوعامىنىڭ قول جەتكىزگەن تابىستارى تولىق تۇراقتاندىرىلدى. پارتيا قۇرىلىسىن زەرتتەۋدى ونان ارى كۇشەيتىپ، جاڭا داۋىردەگى پارتيا قۇرىلىسىن ىلگەرىلەتۋگە ۇزدىكسىز اقىل - پاراسات پەن كۇش - قۋات قوسۋ جونىندە شىنايى ٴۇمىت ارتىلدى. باس شۋجي شي جينپيڭنىڭ ماڭىزدى نۇسقاۋىن ٴتۇبىرلى ولشەم ەتىپ، پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ىشكەرىلەي ۇيرەنىپ، دايەكتەندىرۋ؛ جاڭا داۋىردەگى پارتيا قۇرىلىسىنداعى كەلەلى نازاريالىق جانە امالياتتىق ماسەلەلەردى زەرتتەۋدى، ٴتۇسىندىرۋدى كۇشەيتۋ؛ ٴتىپتى دە مول تارتىمدى، قۇندى زەرتتەۋ جەتىستىكتەرىن كۇش سالا جارىققا شىعارۋ؛ جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىن ىلگەرىلەتۋدە اناعۇرلىم زور رول اتقارۋ كەرەك.

    ماجىلىستە مەملەكەتتىك پارتيا قۇرىلىسىن زەرتتەۋ قوعامىنىڭ 6 ـ كەزەكتى القالار كەڭەسىنىڭ قىزمەت بايانداماسى جانە ۋستاۆىنىڭ وزگەرىس ەنگىزىلگەن نۇسقاسى قاراپ ماقۇلدادى، 7 ـ كەزەكتى القالار كەڭەسى جانە باسشىلىق قۇرىلىمى سايلاندى.

اۋدارعان: قاناتبەك جۇماباي ۇلى