ينفورماتسيا اشكەرەلەۋ: mzjubao@cnr.cn

ماڭىزدى حابارلار

اقجال تولقىندارمەن ويناعان ءداۋىر تۇلەكتەرى: جالىندى جاستىق كوكتەم جىرلارى-باس شۋجي شي جينپيڭنىڭ جۇڭگو كوممۋنيستىك جاستار وداعى قۇرىلعاندىعىنىڭ 100 جىلدىعىن قۇتتىقتاۋ جينالىسىندا سويلەگەن ماڭىزدى ءسوزى كۇشتى اڭىس قوزعادى

来源:جۇڭگو قازاق راديو تورابى     |责编:达吾力别克 |     发布日期: 2022-05-13 14:05
ءوز حابارىمىز. جۇڭگو كوممۋنيستىك جاستار وداعى قۇرىلعاندىعىنىڭ 100 جىلدىعىن قۇتتىقتاۋ جينالىسىندا باس شۋجي شي جينپيڭ ماڭىزدى ءسوز سويلەپ، زامانىمىزداعى جاستارعا شىنايى ءۇمىت ارتىپ، جاڭا داۋىردە كوممۋنيستىك جاستار وداعى قىزمەتىن ويداعىداي ىستەۋگە ايقىن تالاپ قويدى. قالىڭ جاستار مەن جاس قىزمەتكەرلەر باس شۋجيدىڭ تاپسىرماسىن ەستە بەرىك ساقتاپ، وداق مۇشەلەرىن، جاستاردى جاڭا ءداۋىردىڭ اساۋ تولقىنمەن ويناعان وجەت تۇلەكتەرى بولۋعا ىنتىماقتاستىرىپ جانە باستاپ، ۇلتتىڭ ۇلى كوركەيۋ ساپارىندا جاستىق جىرىن اسقاقتاتا شىرقايمىز دەستى.
 
باس شۋجي شي جينپيڭ بىلاي دەپ انىق ايتتى: جاڭا داۋىردەگى جۇڭگو جاستارى كەمەلىنە كەلگەن وسىناۋ ۇلى داۋىردە جاساپ، ماڭىزدى مىندەت ارقالاپ وتىر، ونەر مەن دارىندى ايگىلەيتىن ءورىس شەكسىز كەڭ، ارماندى جۇزەگە اسىرۋ بولاشاعى شەكسىز نۇرلى. جۇڭگو ارمانىن جۇزەگە اسىرۋدى تاريحي كۇش جالعاپ جۇگىرۋ جارىسى دەۋگە بولادى، زامانىمىز جاستارى ۇلتتىڭ كوركەيۋىن جۇزەگە اسىرۋ جولىندا ەرلىكپەن العا ۇمتىلۋ كەرەك.
 
كوپشىلىك بىلاي دەستى: باس شۋجيدىڭ ماڭىزدى سوزىندە پارتيا ورتالىق كوميتەتىنىڭ جاس ۇرپاقتارعا دەگەن شىنايى قامقورلىعى قامتىلعان، بۇل قامقورلىقءبىزدى ايرىقشا جەلپىندىرەدى. جۇڭگو حالىق ۋنيۆەرسيتەتى جۇڭگو قوعامدىق قامتاماسىزداندىرۋدى زەرتتەۋ ورتالىعى مەڭگەرۋشىسىنىڭ ورىنباسارى لۋ چۋان بىلاي دەدى: مەن تەرەڭ بويلاي ۇيرەنىپ، دۇرىس ءتۇسىندىرىپ جانە ۇزدىكسىز ۇگىت-لەكسيا جاساپ، بۇكىل ەلدەگى ءار ۇلت، ءار سالا جاستارىنا باس شۋجي شي جينپيڭنىڭ جاڭا داۋىردەگى جاستارعا قويعان تالابى مەن ءۇمىتىن تەرەڭ سەزىندىرۋگە، پارتيا ورتالىق كوميتەتىنىڭ جاڭا داۋىردەگى جاستار ىستەرىن دامىتۋ ساياساتىن دۇرىس تۇسىندۋىرۋگە، وداق ۇيىمى مەن مەملەكەتتىك جاستار بىرلەستىگىنىڭ جاستار قىزمەتىندەگى ورنى مەن رولىن دۇرىس تۇسىنۋىندىرۋگە قۇلشىنامىن.
 
باتىس سولتۇستىك ءشول جازيراداعى راكەتا ارمياسى بەلگىلى ءبولىمىنىڭ جاتتىعۋ الاڭىندا جاس وداق مۇشەلەرىنەن ۇيىمداسقان راكەتا ۇشىرۋ گرۋپپاسى باتاليون كومانداسىنىڭ « سايىپ قىران ماركاسى» گرۋپپاسىمەن ارىپتەس بولا ناقتى سوعىس جاتتىعۋىن جۇرگىزۋدە. جاتتىعۋ سايىسى ارەدىگىندە كوپشىلىك «جاستىق كوكتەمدى وكىنىشسىز وتكىزۋ-ارميانى قۇدىرەتتەندىرۋ جولىندا ارشىندى قادام تاستاۋ» تاقىرىبى اياسىندا، ءتوراعا شي جينپيڭنىڭ ماڭىزدى ءسوزىنىڭ رۋحىن ۇيرەنۋ، تالقىلاۋ قيمىلىن ورىستەتتى. بەلگىلى ءبولىمنىڭ  راكەتا ۇشىرۋ روتاسىنىڭ باستىعى ليۋ ميجۇن بىلاي دەدى: ءبىز، ءسوز جوق، ءتوراعا شي جينپيڭنىڭ ىقىلاستى ءۇمىتىن ءوزىمىزدىڭ ەرلىكپەن العا باسۋ سارقىلماس قوزعاۋشى كۇشىمىزگە اينالدىرىپ، نەگىزگى ساتىعا تامىر تارتىپ، نەگىزگى ساتىدا كۇرەس جاساپ، پارتيانىڭ سوزىنە قۇلاق اسۋ، پارتياعا ىلەسۋ سەنىمى مەن بەكىمىن نىعايتىپ، كاسىپتىك نازاريا ۇيرەنۋگە، ناقتى جۇمىس جۇرگىزۋگە كۇش سالىپ، قابىلەت پەن ساپانى ۇزدىكسىز جوعارىلاتىپ، ءوز مىندەت ورىندارىمىزدىڭ سوعىس جۇرگىزۋ قابىلەتىن جوعارىلاتۋىمىز كەرەك.
 
باتىس وڭتۇستىك ۋنيۆەرسيتەتى ەلەكتروندىق ينفورماتسيا ينجەنەرياسى ينستيتۋتىنىڭ وقۋشىسى ۋاڭ جۇنحاۋ بىلاي دەدى: باتىس بولەك وقۋ-اعارتۋىنا كومەكتەسۋدىڭ ءوزى جاستىق كوكتەم گۇلدەرىن شەشەك اتقىزا قۇلپىرتاتىن، جاستىق كوكتەم مايەگىن مولىقتىراتىن بارىس دەۋگە بولادى. بۇدان بىلايعى وقۋ-اعارتۋعا كومەكتەسۋ ۇردىسىندە، مەن نەگىزگى ساتىنىڭ ءبىرىنشى شەبىنە بارىپ ءبىلىم بەرىپ، دارىن يەلەرىن تاربيەلەپ، وقۋ-اعارتۋعا كومەكتەسۋ بارىسىندا ومىرشەڭدىك وتى لاۋلاعان  كۇرەسكە تولى ءومىر داستانىن جازامىن.
 
باس شۋجي شي جينپيڭ بىلاي دەپ انىق ايتتى: جۇڭحۋا ۇلتىنىڭ ۇلى كوركەيۋىن جۇزەگە اسىرۋ ساپارىندا جۇڭگو كوممۋنيستىك پارتياسى-ۇزدىك قوسىن، كوممۋنيستىك جاستار وداعى-ەكپىندىلەر اترەتى، پيونەرلەر وتريادى زاپاس قوسىن. قوسىنعا كىرۋ، وداققا كىرۋ، پارتياعا كىرۋ جاستاردىڭ ساياسي العاباسارلىققا تالپىنۋىنداعى « ءۇش ۇلى ءومىر سيمپونياسى». جۇڭگو كوممۋنيستىك پارتياسى باستان-اياق جاستارعا قۇشاعىن ايقارا اشىپ، جاستاردىڭ پارتيانىڭ  تىڭ كۇشتەرىنە اينالۋىن ىستىق ىقىلاسپەن قارسى الىپ كەلەدى.
 
كوممۋنيستىك جاستار وداعى ورتالىق كوميتەتى جاستار ىستەرىن دامىتۋ ءبولىمىنىڭ باستىعى حۋاڭ دا-ۋي بىلاي دەدى: باس شۋجيدىڭ ماڭىزدى سوزىندە جاڭا داۋىردەگى كوممۋنيستىك جاستار وداعى قىزمەتىن ويداعىداي ىستەۋگە ايقىن تالاپ قويىلدى. ءبىز قىزمەتتىڭ كۇش سالۋ ءتۇيىنىن ءداپ باسىپ ءدال تاۋىپ، جاستىق كوكتەمنىڭ «14 بەسجىلدىق» مەزگىلىندەگى  جوسپار ارەكەتىن ءبىر تۇتاس مەڭگەرىپ، جوعارى ساپالى دامۋ تالابى مەن عىلىم-تەحنيكادا جاڭالىق جاراتۋداعى قۇدىرەتتى ەل قۇرۋ، جاڭالىق جاراتۋ ارقىلى دامۋعا دەم بەرۋ ستراتەگياسى، اۋىل-قىستاقتى كوركەيتۋ ستراتەگياسى سياقتى مەملەكەتتىڭ كەلەلى ستراتەگيالارىنىڭ اتقارىلۋىن كوزدەپ، جاستاردى جالىندى كۇش جانە ەكپىندىلەر قوسىنى رولىن ساۋلەلەندىرۋگە ۇيىمداستىرىپ، جۇمىلدىرىپ، قۇلشىنا كۇرەس جۇرگىزۋىمىز كەرەك.
 
بەيجيڭ قالاسى دۇڭچىڭ رايونى شىجيا حۋتۇڭ باستاۋىش مەكتەبىنىڭ باستىعى حۇڭ ۋي بىلاي دەدى: باس شۋجي شي جينپيڭ كوممۋنيستىك جاستار وداعى ۇيىمدارىنان بۇكىل كوممۋنيستىك جاستار وداعى قوسىنىنا باستاماشىلدىق ەتۋ ساياسي جاۋاپكەرشىلىگىن ويداعىداي اتقارۋ؛ پيونەرلەر وتريادىنان وداققا، كوممۋنيستىك جاستار وداعىنان پارتياعا كىرۋ قىزمەت مەحانيزمىن ارناعا ءتۇسىرۋ جانە كۇشەيتۋ؛ پارتيا، وداق، وتىرياد ىزباسارلار تاربيەلەۋ تىزبەگىنىڭ ءوزارا ۇشتاسۋىن، ءوزارا توعىسۋىن كۇش سالا ىلگەرىلەتۋ كەرەكتىگىن ەرەكشە دارىپتەدى. ءبىز بىلاي دەپ قارايمىز:   كوممۇنيزىم ىستەرىنىڭ ءىزباسارلارىن تاربيەلەۋ امالياتى بارىسىندا ساياسي جەتىلۋدى، ساياسي شىڭدالۋدى قارشادايدان، بالا شاقتان باستاپ يگەرىپ، توڭكەرىستىك گەندى ۇرپاقتان-ۇرپاققا جالعاستىرۋ كەرەك.
 
اۋدارعان: قاناتبەك جۇماباي ۇلى
 
 
 

中央广播电视总台 央广网 版权所有

اقجال تولقىندارمەن ويناعان ءداۋىر تۇلەكتەرى: جالىندى جاستىق كوكتەم جىرلارى-باس شۋجي شي جينپيڭنىڭ جۇڭگو كوممۋنيستىك جاستار وداعى قۇرىلعاندىعىنىڭ 100 جىلدىعىن قۇتتىقتاۋ جينالىسىندا سويلەگەن ماڭىزدى ءسوزى كۇشتى اڭىس قوزعادى

اقجال تولقىندارمەن ويناعان ءداۋىر تۇلەكتەرى: جالىندى جاستىق كوكتەم جىرلارى-باس شۋجي شي جينپيڭنىڭ جۇڭگو كوممۋنيستىك جاستار وداعى قۇرىلعاندىعىنىڭ 100 جىلدىعىن قۇتتىقتاۋ جينالىسىندا سويلەگەن ماڭىزدى ءسوزى كۇشتى اڭىس قوزعادى