ينفورماتسيا اشكەرەلەۋ: mzjubao@cnr.cn

ماڭىزدى حابارلار

شاڭحايدا جاڭادان جۇعىمدالعانداردىڭ سانى جالپى تۇلعالىق جاقتان تومەندەدى

来源:جۇڭگو قازاق راديو تورابى     |责编:达吾力别克 |     发布日期: 2022-05-13 14:11
ءوز حابارىمىز. قازىر شاڭحايدا قوعامدىق ىندەت قاتەرى ءونىمدى تىزگىندەلىپ، جاڭا ءتيپتى ايدارشا ۆيرۋسپەن جۇعىمدالعان وكپە قابىنۋىنا شالدىققانداردىڭ سانى جالپى تۇلعالىق جاقتان تومەندەدى، شاڭحاي قالاسى جۇمىستى، ءوندىرىستى قالپىنا كەلتىرۋدى ۇزدىكسىز ءتارتىپتى ىلگەرىلەتتى.
 
 5-ايدىڭ 11-كۇنى ساعات 24 كە دەيىن، شاڭحايدا جۇقپالى اۋرۋعا شالدىققاندار جيىنى 56 مىڭ 527 ادام بولىپ، 50 مىڭ 629 ادام ساۋىعىپ دوحتىرحانادان شىقتى، جۇقپالى اۋرۋدىڭ تارالۋ جالپى جاعدايى ورنىقتى بولىپ ورشىگەن جوق. شاڭحاي قالالىق دەنساۋلىق ساقتاۋ، سالاماتتىق كوميتەتىنىڭ ورىنباسار مەڭگەرۋشىسى جاۋ داندان بىلاي دەدى: اۋاشالاۋ، باسقارۋ-مەڭگەرۋ رايونىنان سىرت، جاڭادان بايقالعان بولىمدى جۇعىمدالۋشىلار بارعان سايىن ازايىپ كەلەدى، ايتسەدە قايتا ءورشۋ قاتەرى ءالى دە ورىن تەۋىپ وتىر، كونە شاعىن رايون، قالا ىشىندەگى قىستاق سياقتى ءتۇيىندى حاۋىپ-قاتەر وڭىرلەرىندە قامال الۋ قىزمەتى  ۇزدىكسىز ورىستەتىلۋدە، بۇندا نەمقۇرايدى قاراۋعا، بەيعامدىققا سالىنۋعا استە بولمايدى.
 
شاڭحاي قالاسى ءبىر توپ پوچتا جەدەل جەتكىزۋ كاسىبىنىڭ جۇمىستى، ءوندىرىستى قالپىنا كەلتىرۋدەگى «اق تىزىمدىگىن» جاريالادى، بۇل نەگىزگى پوچتا جەدەل جەتكىزۋ كاسىبىنە ساياتىن 12 كاسىپورىندى قامتيدى. شاڭحاي قالالىق پوچتا باسقارۋ مەكەمەسىنىڭ ورىنباسار باستىعى يۇي حۇڭۋي بىلاي دەدى: جولدامالاردى توپقا ءبولىپءبىر جاقتى ەتۋ ورتالىعىنان 16 ى قالپىنا كەلدى، بۇدان سىرت بەس ورتالىقتا  تاياۋدا ىسكە قوسىلادى. قازىر پوچتا جولدامالارىن جيۋ جانە جەتكىزۋ كاسىبىنىڭ كۇندىك ورتاشا قۇنى ءبىر ميلليوننان اسىپ، قالىپتى ورەنىڭ 6 / 1 ىنە جەتتى.
 
  شاڭحاي قالاسى جۇقپالى اۋرۋ تارالعان جاعدايدا جۇمىستى، ءوندىرىستى قالپىنا كەلتىرۋدى ۇزدىكسىز ىلگەرىلەتتى، «جۇڭگو-ەۆروپا كەزەكشى پويەزى - شاڭحاي ءنومىرلى» تۇڭعىش قايتىمدى پويەز قاتىنادى، بۇل «جۇڭگو-ەۆروپا كەزەكشى پويەزى - شاڭحاي  ءنومىرلى»  پويەزدىڭ جۇڭگو-ەۆروپا لەنياسىن، جۇڭگو-رەسەي لەنياسىن، ورتا ازيا لەنياسىن جاپپاي قامتۋىن جۇزەگە اسىرعاندىعىن كورسەتەدى.
 
اۋدارعان: كۇلان ىرىسباي قىزى
 
 

中央广播电视总台 央广网 版权所有

شاڭحايدا جاڭادان جۇعىمدالعانداردىڭ سانى جالپى تۇلعالىق جاقتان تومەندەدى

قازىر شاڭحايدا قوعامدىق ىندەت قاتەرى ءونىمدى تىزگىندەلىپ، جاڭا ءتيپتى ايدارشا ۆيرۋسپەن جۇعىمدالعان وكپە قابىنۋىنا شالدىققانداردىڭ سانى جالپى تۇلعالىق جاقتان تومەندەدى، شاڭحاي قالاسى جۇمىستى، ءوندىرىستى قالپىنا كەلتىرۋدى ۇزدىكسىز ءتارتىپتى ىلگەرىلەتتى.