ينفورماتسيا اشكەرەلەۋ: mzjubao@cnr.cn

ماڭىزدى حابارلار

رەسەي، گەرمانيا باسشىلارى تەلەفوندا ۋكراينا جاعدايىن تالقىلادى، ۋكراينا پرەزيدەنتى: رەسەي پرەزيدەنتىمەن تىكەلەي كەڭەس وتكىزۋدى ويلاستىرۋدامىن،-دەدى

来源:جۇڭگو قازاق راديو تورابى     |责编:阿依娜|     发布日期: 2022-05-14 10:33

 

ٴوز حابارىمىز. رەسەيدىڭ پرەزيدەنتى پۋتين 5-ايدىڭ 13-كۇنى ۇسىنىس بويىنشا گەرمانيانىڭ زۇڭليى شولتىزبەن تەلەفوندا سويلەستى، ەكى جاق ۋكراينا جاعدايىن ۇزدىكسىز تالقىلادى. پۋتين رەسەيدىڭ ەرەكشە اسكەري قيمىل ورىستەتۋدەگى باستى مىندەتىن، سونداي-اق جاي حالىقتىڭ حاۋىپسىزدىگىنە كەپىلدىك ەتۋ ٴۇشىن قولدانعان شارالارىن بايىمدادى. گەرمانيا ۇكىمەتى جاريالاعان حابارلاندىرۋعا قاراعاندا، ەكى جاق تەلەفوندا ٴبىر ساعاتتان استام سويلەسكەن، شولتز پۋتيندى سوعىستى تەزىرەك توقتاتىپ، ادامگەرشىلىك جاعدايدى جاقسارتىپ، قاقتىعىستى ديپلوماتيالىق تاسىلمەن شەشۋدى ىلگەرىلەتۋگە قۋزادى.


    ۋكراينا مەملەكەتتىك اگەنتتىگىنىڭ 5-ايدىڭ 13-كۇنگى حابارىنا قاراعاندا، ۋكراينا پرەزيدەنتى زەليانسكي مەديالارعا ٴوزىنىڭ ەشقانداي ارالىقتاعىلار بولماعان جاعدايدا پۋتينمەن تىكەلەي كەڭەس وتكىزبەكشى ەكەنىن ايتتى. ول تاعى: ۋكراينا سوعىستى اياقتاتۋعا بولا يەلىك ۇقىق ماسەلەسىندە ەشقانداي جول بەرمەيدى،-دەدى.


    رەسەي قورعانىس مينيسترلىگى 5-ايدىڭ 13-كۇنى بىلاي دەدى: رەسەي اۋە ارمياسى، رەسەي باسقارىلمالى بومبى جانە زەڭبىرەكشىلەر قوسىنى ۋكراينانىڭ قولباسشىلىق ورنى، وق-ٴدارى قويماسى جانە قارۋ-جاراق جيناۋ ٴتۇيىنى سياقتى كوپتەگەن اسكەري نىسانالارعا سوققى بەردى.


    رەسەيدىڭ ب م ۇ-داعى ۋاكىلى 5-ايدىڭ 13-كۇنى بىلاي دەدى: رەسەي «بيولوگيالىق قارۋلارعا تيىم سالۋ شارتىنىڭ» 5-تارماعى مەن 6-تارماعىنداعى بەلگىلەمەگە ساي، ۋكرايناداعى بيولوگيالىق تاجىريبەحانالارعا تەكسەرۋ قىزمەتىن ورىستەتۋدى جوسپارلادى. تەكسەرۋ اياقتاعاننان كەيىن ب م ۇ حاۋىپسىزدىك القالار كەڭەسىنە قاتىستى ماتەريالداردى تاپسىرادى.


    رەسەيدىڭ قورعانىس مينيسترى 5-ايدىڭ 13-كۇنى ا ق ش-نىڭ قورعانىس مينيسترىمەن تەلەفوندا سويلەستى. بۇل رەسەي ۋكراينادا ەرەكشە اسكەري قيمىل ورىستەتكەننەن بەرى، ەكى ەل قورعانىس مينيسترلەرىنىڭ تۇڭعىش رەت تەلەفوندا سويلەسۋى. رەسەي قورعانىس مينيسترلىگى ٴبىر مالىمدەمەدە بىلاي دەدى: ەكى جاق ۋكراينا جاعدايىن قامتىعان حالىقارالىق حاۋىپسىزدىكتەگى قولامتالى ماسەلەلەردى تالقىلادى. ا ق ش قورعانىس مينيسترلىگىنىڭ مالىمدەمەشىسى بىلاي دەدى: ا ق ش جاق تەلەفوندا سويلەسكەن كەزدە، ا ق ش-رەسەي ارميالارى قاتىناس ارناسىنىڭ ىركىلىسسىزدىگىن ساقتاۋدىڭ ماڭىزدىلىعىن باسا دارىپتەدى.


اۋدارعان: گۇلنۇر قابىلقاق قىزى

中央广播电视总台 央广网 版权所有

رەسەي، گەرمانيا باسشىلارى تەلەفوندا ۋكراينا جاعدايىن تالقىلادى، ۋكراينا پرەزيدەنتى: رەسەي پرەزيدەنتىمەن تىكەلەي كەڭەس وتكىزۋدى ويلاستىرۋدامىن،-دەدى

پۋتين رەسەيدىڭ ەرەكشە اسكەري قيمىل ورىستەتۋدەگى باستى مىندەتىن، سونداي-اق جاي حالىقتىڭ حاۋىپسىزدىگىنە كەپىلدىك ەتۋ ٴۇشىن قولدانعان شارالارىن بايىمدادى.