لي كىچياڭ بىلاي دەدى : جۇڭگو مەن پاكيستان تاتۋ كورشى ەلدەر جانە اينىماس دوستار. ٴتوراعا شي جينپيڭ 2015 ـ جىلى پاكيستاندا ٴساتتى ساپاردا بولىپ ەكى ەلدىڭ ستراتەگيالىق سەلبەستىك دەڭگەيى جوعارىلادى. جۇڭگو پاكيستاننىڭ ەكونوميكانى دامىتۋىن، حالىق تۇرمىسىن جاقسارتۋىن، فينانس ورنىقتىلىعىن قورعاۋىن قولدايدى، پاكيستانمەن بىرلىكتە قۇلشىنىپ، جۇڭگو ـ پاكيستان ەكونوميكالىق ٴدالىزى سياقتى سەلبەستىكتەردى ىلگەرىلەتىپ، جۇقپالى اۋرۋدان ساقتانۋ-تىزگىندەۋ شارت ـ جاعدايىندا ەكى جاقتىڭ ادامدار ارا بارىس ـ كەلىسىن كۇشەيتۋدى قالايدى.

    لي كىچياڭ بىلاي دەپ انىق ايتتى: جۇڭگو جاق جۇڭگو ازاماتتارىنىڭ كاراچيدا شابۋىلعا ۇشىراۋ وقيعاسىن قاتاڭ ايىپتايدى. پاكيستان جاقتىڭ قاندى قولدى تەز ارادا زاڭ بويىنشا جازالاۋىن، سوڭعى جۇمىستاردى ىڭعايلاستىرۋ قىزمەتىن بار كۇشپەن ويداعىداي ىستەۋىن، قازا بولعانداردىڭ تۋىس ـ تۋعاندارى مەن جارالانعانداردى جۇباتۋىن، جۇڭگو جاقتىڭ قۇرىلىمدارى مەن قىزمەتكەرلەرىنىڭ اماندىعىن قورعاۋ شارالارىن جالپى بەتتىك كۇشەيتۋىن ٴۇمىت ەتەدى.

    شاباز پاكيستانداعى كاراچي ۋاقيعاسىندا جۇڭگو جاقتان قازا بولعاندارعا جانە جارالانعاندارعا ازا بىلدىرەتىندىگىن جانە ولاردان حال سۇرايتىندىعىن؛ پاكيستاننىڭ ٴىستىڭ شىن سىرىن بار كۇشپەن تەكسەرىپ انىقتاپ، قاندى قولدى زاڭ بويىنشا قاتاڭ جازالاپ، حاۋىپسىزدىكتى قورعاۋ شارالارىن كۇشەيتەتىندىگىن باسا دارىپتەدى. ول بىلاي دەدى: پاكيستان مەن جۇڭگونىڭ دوستىعى تەرەڭ تامىر تارتىپ، سەلبەستىك دەڭگەيى بۇرىن بولىپ كورمەگەن دەڭگەيگە جەتتى، پاكيستان جۇڭگومەن ەكونوميكالىق ٴدالىز قۇرىلىسىن جەدەلدەتۋدى، ٴتۇيىندى نىساندار سەلبەستىگىن تەرەڭدەتۋدى، ادامدار ارا بارىس ـ كەلىستى جيىلەتۋدى قالايدى.

اۋدارعان: قاناتبەك جۇماباي ۇلى