ا ق ش-نىڭ يرينوي شتاتىنداعى «تاۋەلسىزدىك كۇنى» ەرەۋىلشىلەر قوسىنىنا وق جاۋدىرىلدى
来源:جۇڭگو قازاق راديو تورابى |责编:达吾力别克 | 发布日期: 2022-07-05 16:27
ءوز حابارىمىز. ا ق ش-نىڭ ورتا بولەگىندەگى يرينوي شتاتىنىڭ حايلانپاك قالاسىندا 7-ايدىڭ 4-كۇنى «تاۋەلسىزدىك كۇنى» ەرەۋىل قوسىنىنا وق جاۋدىرۋ ۋاقيعاسى تۋىلىپ، كەم دەگەندە 6 ادام ءولىپ، 31 ادام جارالانىپ، ەمحاناعا جەتكىزىلدى.
جەرلىك زاڭ اتقارۋ قۇرىلىمى قىلمىس كۇماندىسىن ىزدەپ جاتىر، ساقشى جاق ۋاقيعا تۋىلعان ورىننان ءبىر مىلتىق تاۋىپ الدى، سونداي-اق مىلتىق اتۋشى ادام ءۇيدىڭ توبەسىندە تۇرىپ ەرەۋىلشىلەرگە وق جاۋدىرعان بولۋى مۇمكىن دەپ تۇسپال جاسادى.
ساقشىلار جەرلىك تۇرعىندارعا وق جاۋدىرعان ادامنىڭ قولىندا ءالى دە قارۋ-جاراق بار بولۋى ابدەن مۇمكىن، قاتەرى وتە كۇشتى ەكەندىگىن ەسكەرتتى.
جەرلىك ورىن الەۋمەتتىك رايوندارىنداعى بارلىق مەرەكە قيمىلدار توقتاتىلدى، كورشىلەس ەۆەنستون قالاسىندا سول كۇنى تورسىلداق اتۋ قيمىلى كۇشىنەن قالدى.
ا ق ش فەدراتسيالىق اۆياتسيا باسقارۋ مەكەمەسى7-ايدىڭ 4-كۇنى يرينوي شتاتىنىڭ حايلانپاك قالاسىندا تۋىلعان وق جاۋدىرۋ دەلوسىنىڭ ناق مايدانىنىڭ ماڭايىنداعى 5 اعىلشىن ميلى كولەمىندە ۇشۋعا تيىم سالۋ رايونى قۇرىلاتىندىعىن جاريالادى.
ناق مايداندا كورگەندەردىڭ ايتۋىنا قاراعاندا، وق جاۋدىرۋ وقيعاسى تۋىلعان كەزدە، ادامدار جان-جاققا قاشقاندا، كوپتەگەن ادامدار جىعىلىپ تاپتالعان. جەرلىك تۇرعىن مالس زارەمسكي بىلاي دەدى: مۇنداي ءىستىڭ تۋىلۋى ادام زىعىردانىن قايناتادى، ۋاقيعا تۋىلعان جەر باستان-اياق تىنىش الەۋمەتتىك ارايون بولىپ كەلە جاتقان ەدى، مۇنداي وق جاۋدىرۋ ۋاقيعاسى شىركەۋدە جانە مەكتەپتە عانا ەمەس، ءارقانداي الەۋمەتتىك رايونداردا تۋىلۋى مۇمكىن.
اۋدارعان: قاناتبەك جۇماباي ۇلى