ينفورماتسيا اشكەرەلەۋ: mzjubao@cnr.cn

ماڭىزدى حابارلار

ۋاڭ ياڭ «كومىر قىشقىل گازىنىڭ ءبولىنىپ شىعارىلۋىن ەڭ جوعارى شەكتەن اسىرماۋ جانە كومىر قىشقىل گازىنىڭ ءبولىپ شىعارىلۋىن نورمال كۇيگە ءتۇسىرۋ» جونىندەگى تەكسەرۋ-زەرتتەۋ، كەڭەسۋ اڭگىمە ماجىلىسىنە قاتىناستى

来源:جۇڭگو قازاق راديو تورابى     |责编:达吾力别克 |     发布日期: 2022-07-06 10:18
ءوز حابارىمىز. ج ك پ ورتالىق كوميتەتىنىڭ بىرلىكساپ ءبولىمى 7-ايدىڭ 5-كۇنى بەيجيڭدە تەكسەرۋ-زەرتتەۋ، كەڭەسۋ اڭگىمە ءماجىلىسىن اشىپ، قاتىستى دەموكراتيالىق پارتيا-توپتاردىڭ ورتالىق كوميتەتتەرى مەن مەملەكەتتىك ونەركاسىپ ساۋدا بىرلەستىگى ورىستەتكەن  «كومىر قىشقىل گازىنىڭ ءبولىنىپ شىعارىلۋىن ەڭ جوعارى شەكتەن اسىرماۋ جانە كومىر قىشقىل گازىنىڭ ءبولىپ شىعارىلۋىن نورمال كۇيگە ءتۇسىرۋ»  جونىندەگى تەكسەرۋ-زەرتتەۋ جەتىستىكتەرى جونىندە كەڭەس وتكىزدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ ماجىلىسكە قاتىناستى ءارى ءسوز سويلەدى. 
 
ۋاڭ ياڭ مىنالاردى اتاپ كورسەتتى: «كومىر قىشقىل گازىنىڭ ءبولىنىپ شىعارىلۋىن ەڭ جوعارى شەكتەن اسىرماۋ جانە كومىر قىشقىل گازىنىڭ ءبولىپ شىعارىلۋىن نورمال كۇيگە ءتۇسىرۋدى جەبەۋ — شي جينپيڭ جولداستى ۇيتقى ەتكەن ج ك پ ورتالىق كوميتەتىنىڭ كەلەلى ستراتەگيالىق شەشىمى بولىپ، جۇڭحۋا ۇلتىنىڭ ماڭگى باياندى دامۋىنا سايادى. قاتىستى پارتيا-توپتار مەن ۇيىمداردىڭ وسى تاقىرىپتى ارقاۋ ەتە وتىرىپ تەكسەرۋ-زەرتتەۋ جۇرگىزۋى، اقىل-كەڭەس بەرۋى ماڭىزدى مانگە يە. پارتيا-توپتار مەن ۇيىمداردىڭ شي جينپيڭنىڭ ەكولوگيالىق وركەنيەت يدەياسىن ىشكەرىلەي ۇيرەنىپ، جەتە ءتۇسىنىپ،   بۇل قىزمەتتى ىلگەرىلەتۋدىڭ ماڭىزدىلىعى مەن كوكەي تەستىلىگىن، جاپالىلىعىن جەتە تانىپ، دايەكتى تياناقتاندىرۋ بارىسىنداعى تابىستار مەن ماسەلەلەرگە جان-جاقتى، ديالەكتيكالىق تۇرعىدان قاراپ، نازاردى وسى سالاداعى ماڭىزدى ماسەلەلەرگە ۇزدىكسىز شوعىرلاندىرىپ، ىشكەرىلەي تەكسەرۋ-زەرتتەۋ جۇرگىزىپ، ۇزدىكسىز اقىل-كەڭەس بەرىپ، بايلانىس ورناتقان سالالارداعى بۇقارانى جاسىل، تومەن كومىرتەكتى ءوندىرىس، تۇرمىس ءتاسىلىن امالياتتا ايگىلەۋگە جەتەكتەپ، پارتيا-توپتاردىڭ تەكسەرۋ-زەرتتەۋ جەتىستىكتەرىنەن ويداعىداي پايدالانىپ، ەلىمىزدىڭ جاڭاشا ساياسي پارتيا ءتۇزىمىنىڭ ابزالدىلىعىن اناعۇرلىم ويداعىداي ايگىلەۋىن ءۇمىت ەتەمىز. 
 
جۇڭگو دەموكراتيانى ىلگەرىلەتۋ پارتياسى ورتالىق كوميتەتىنىڭ ءتوراعاسى ساي دافىڭ، جۇڭگو شارۋا-جۇمىسشى دەموكراتيالىق پارتياسى ورتالىق كوميتەتىنىڭ ۇنەمىلىك ىستەرگە جاۋاپتى ورىنباسار ءتوراعاسى حى ۋي، ادىلەت پارتياسى ورتالىق كوميتەتىنىڭ ءتوراعاسى ۋان گاڭ، 3-قىركۇيەك ءىلمي قوعامى ورتالىق كوميتەتىنىڭ ءتوراعاسى ۋ ۋيحۋا، مەملەكەتتىك ونەركاسىپ ساۋدا بىرلەستىگىنىڭ ءتوراعاسى گاۋ يۇنلۇڭ اڭگىمە ماجىلىسىندە تەكسەرۋ-زەرتتەۋ جەتىستىكتەرىن تانىستىردى. جۇڭگو دەموكراتيانى ىلگەرىلەتۋ پارتياسىنىڭ ورتالىق كوميتەتى قاتىستى ءتۇزىلىس مەحانيزمى مەن زاڭ-ەرەجە، ساياساتتاردى كەمەلدەندىرىپ، وندىرىستە ەنەرگيا ۇنەمدەۋ جانە تۇرمىستا ەنەرگيا ۇنەمدەۋدى جەبەۋدى ۇسىنىس ەتتى؛ جۇڭگو شارۋا-جۇمىسشى دەموكراتيالىق پارتياسى ورتالىق كوميتەتى باتىس سولتۇستىك رايوندا كەڭ كولەمدى كورىنىس ەلەكتر بازاسى مەن تازا ەنەرگيانى تىزگىندەۋ ورتالىعىن جەدەل قۇرۋدى ۇسىنىس ەتتى؛ ادىلەت پارتياسى ورتالىق كوميتەتى ەنەرگيامەن قامداۋ جاعىندا جانە قاجەتسىنۋ جاعىندا بۇرىلىس جاساۋدى تەرەڭدەتىپ، حالىقارالىق سەلبەستىكتى كۇشەيتۋدى ۇسىنىس ەتتى؛ 3-قىركۇيەك ءىلمي قوعامى ورتالىق كوميتەتى جاڭا ەنەرگيا، تازا ەنەرگيا سياقتى ۇعىمداردىڭ مازمۇنىن ايقىنداپ، ەلىمىزدىڭ ەنەرگيا تيپىن وزگەرتۋ جانە كاسىپ دارەجەسىن جوعارىلاتۋ تەحنيكاسىنىڭ جول كارتاسىن عىلمي جاساۋدى ۇسىنىس ەتتى؛ مەملەكەتتىك ونەركاسىپ ساۋدا بىرلەستىگى ەلەكتردى بازارلاندىرۋ رەفورماسىن تەرەڭدەتىپ، حالىقتىق كاسىپورىنداردىڭ رولىن اناعۇرلىم ويداعىداي ساۋلەلەندىرۋدى ۇسىنىس ەتتى. 
 
ج ك پ ورتالىق كوميتەتى شۋجيچۋىنىڭ شۋجيى، ورتالىق بىرلىكساپ ءبولىمىنىڭ باستىعى يوۋ چۋان ءماجىلىستى باسقاردى. مەملەكەتتىك دامۋ جانە رەفورما كوميتەتىنىڭ، عىلىم-تەحنيكا مينيسترلىگىنىڭ، ونەركاسىپ جانە ينفورماتسيالاندىرۋ مينيسترلىگىنىڭ، قازىنا مينيسترلىگىنىڭ، ەكولوگيالىق ورتا مينيسترلىگىنىڭ، تۇرعىن ءۇي جانە قالا-اۋىل قۇرىلىسى مينيسترلىگىنىڭ، قاتىناس-تاسىمال مينيسترلىگىنىڭ، مەملەكەتتىك ەنەرگيا مەكەمەسىنىڭ جاۋاپتى جولداستارى پارتيا سىرتىنداعى قايراتكەرلەرمەن كەڭەس وتكىزىپ، پىكىر اۋىستىردى. 
 
اۋدارعان: شالقار قازەز ۇلى
 

中央广播电视总台 央广网 版权所有

ۋاڭ ياڭ «كومىر قىشقىل گازىنىڭ ءبولىنىپ شىعارىلۋىن ەڭ جوعارى شەكتەن اسىرماۋ جانە كومىر قىشقىل گازىنىڭ ءبولىپ شىعارىلۋىن نورمال كۇيگە ءتۇسىرۋ» جونىندەگى تەكسەرۋ-زەرتتەۋ، كەڭەسۋ اڭگىمە ماجىلىسىنە قاتىناستى

ج ك پ ورتالىق كوميتەتىنىڭ بىرلىكساپ ءبولىمى 7-ايدىڭ 5-كۇنى بەيجيڭدە تەكسەرۋ-زەرتتەۋ، كەڭەسۋ اڭگىمە ءماجىلىسىن اشىپ، قاتىستى دەموكراتيالىق پارتيا-توپتاردىڭ ورتالىق كوميتەتتەرى مەن مەملەكەتتىك ونەركاسىپ ساۋدا بىرلەستىگى ورىستەتكەن