ينفورماتسيا اشكەرەلەۋ: mzjubao@cnr.cn

ماڭىزدى حابارلار

مەملەكەتتىك ساناق مەكەمەسى: 7-ايدا حالىق شارۋاشىلىعىنىڭ قالپىنا كەلۋ جاعدايى جالعاستى-دەدى

来源:جۇڭگو قازاق راديو تورابى     |责编:阿依娜|     发布日期: 2022-08-16 09:20

 

ٴوز حابارىمىز. مەملەكەتتىك ساناق مەكەمەسى 8-ايدىڭ 15-كۇنى جاريالاعان ساندى مالىمەتتە كورسەتىلۋىنشە، 7-ايدا ەلىمىزدىڭ وندىرىستىك قامداۋى ءۇرتىس قالپىنا كەلىپ، كاسىپتەنۋ، زات باعاسى جالپى جاقتان ورنىقتى، سىرتقى ساۋدانىڭ ارتۋ جاعدايى جاقسى، حالىق تۇرمىسىن قامتاماسىزداندىرۋ پارمەندى ءونىمدى بولىپ، حالىق شارۋاشىلىعى ءۇرتىس قالپىنا كەلە باستادى.


    قازىر ەلىمىزدىڭ ونەركاسىپ ٴوندىرىسى ورنىقتى ارتىپ، باستى ٴوندىرىس سۇرانىم كورسەتكىشى قالپىنا كەلۋ جاعدايىن ساقتادى. 1-ايدان 7-ايعا دەيىن كولەمدەنگەن ونەركاسىپتىڭ ارتقان قۇنى وتكەن جىلدىڭ ۇقساس مەزگىلىندەگىدەن %3.5 ارتىپ، 1-ايدان 6-ايعا دەيىن 0.1 پايىز تەزدەگەن. 7 ـ ايدا كولەمدەنگەن ونەركاسىپتىڭ ارتقان قۇنى، قىزمەت وتەۋ كاسىبىنىڭ ٴوندىرىس كورسەتكىشى، يمپورت ـ ەكسپورت، قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى، تۇراقتى مۇلىككە قوسىلعان قارجى بىلتىرعى سول تۇستاعىدان ارتتى. 7-ايدا جۇمىستانۋ، زات باعاسى جالپى جاقتان ورنىقتى بولدى. بۇكىل ەل بويىنشا تۇرعىنداردىڭ تۇتىنۋ باعا كورسەتكىشى وتكەن جىلدىڭ ۇقساس مەزگىلىندەگىدەن %2.7 ارتىپ، تۇتاس جىلداعى %3 اينالاسىنداعى مەجەلى نىسانادان تومەن بولدى. ەكونوميكا ٴۇرتىس قالپىنا كەلىپ، جۇمىسقا ورنالاستىرۋدى ورنىقتىرۋ ساياساتى كورنەكتى ونىمدىلىككە قول جەتكىزىپ، قالا ـ قالاشىقتاردا جۇمىسسىزدىق مولشەرى تومەندەدى. بۇكىل ەلدەگى قالا–قالاشىقتاردا تەكسەرىلگەن كاسىپسىزدىك مولشەرى %5.4 بولىپ، وتكەن ايداعىدان 0.1 پايىز تومەندەدى.
1-ايدان 7-ايعا دەيىن بۇكىل ەل بويىنشا تۇراقتى مۇلىككە31 تريليون 981 ميليارد 200 ميلليون يۋان قارجى قوسىلىپ، وتكەن جىلدىڭ ۇقساس مەزگىلىندەگىدەن %5.7 ارتتى؛ بۇكىل ەل بويىنشا تاۋار ٴۇيدىڭ ساتىلۋ كولەمى %23.1 تومەندەدى، تومەندەۋ مولشەرى الدىڭعى جارتى جىلداعىدان ٴسال كەڭەيدى. ٴبىراق، 1-ايدان 5-ايعا دەيىنگى تومەندەۋ مولشەرىنەن ٴسال تومەن بولدى. مەملەكەتتىك ساناق مەكەمەسىنىڭ اقپارات مالىمدەمەشىسى فۋ ليڭحۇي بىلاي دەدى: جالپى العاندا، قورا ـ جاي بازارى قازىر جالپى تۇلعالىق جاقتان تومەنگى ساتىدا تۇر. قورا - جاي بازارى باياندى مەحانيزمىنىڭ ۇزدىكسىز كەمەلدەنۋىنە بايلانىستى، قالاعا قاراي شارا قولدانۋ ونىمدىلىگى بىرتىندەپ كورنەكتىلەنىپ، قورا - جاي بازارىنىڭ بىرتىندەپ ورنىقتى اقاۋسىز دامۋىن ساقتاۋىنان ٴۇمىت بار.

اۋدارعان: شالقار قازەز ۇلى

中央广播电视总台 央广网 版权所有

مەملەكەتتىك ساناق مەكەمەسى: 7-ايدا حالىق شارۋاشىلىعىنىڭ قالپىنا كەلۋ جاعدايى جالعاستى-دەدى

7-ايدا ەلىمىزدىڭ وندىرىستىك قامداۋى ءۇرتىس قالپىنا كەلىپ، كاسىپتەنۋ، زات باعاسى جالپى جاقتان ورنىقتى، سىرتقى ساۋدانىڭ ارتۋ جاعدايى جاقسى، حالىق تۇرمىسىن قامتاماسىزداندىرۋ پارمەندى ءونىمدى بولىپ، حالىق شارۋاشىلىعى ءۇرتىس قالپىنا كەلە باستادى.