رەسەي جاق ۋكراينانىڭ كوپتەگەن اسكەري نىسانالارىنا ٴدال كوزدەپ سوققى بەردىك، دەپ حابارلادى، ۋكراينا جاق رەسەيدىڭ شىعىس شەبىنە شابۋىل جاسادىق دەپ جاريالادى
来源:جۇڭگو قازاق راديو تورابى |责编:古丽美热| 发布日期: 2022-09-24 17:06
ۋكراينا قارۋلى ٴبولىمىنىڭ باس شتابى بىلاي دەپ جايالادى: ۋكراينا ارمياسى باحمۋتتىڭ وڭتۇستىگىندە رەسەي ارمياسىن شەگىندىردى، كراسني ريماننىڭ سولتۇستىگىندەگى ٴىشىنارا وڭىرلەردە رەسەيدىڭ زەڭبىرەكپەن اتقىلاۋىنا ۇشىرادى، ۋكراينا ارمياسى وتكەن ٴبىر كۇندە جەرلىك ورىندا شەپتى العا ىلگەرىلەتتى.
رەسەي قورعانىس مينيسترلىگى بىلاي دەپ حابارلاندىردى: وڭتۇستىك شەپتە رەسەي اۋە ارمياسى زاپوروجەدەگى ۋكراينا ارمياسىنىڭ شەبىن سوققىلاپ، كوپتەگەن اسكەري جابدىقتارىن تالقاندادى. رەسەي قۇرلىق اۋە قاتىناسى، باسقارىلمالى بومبى جانە زەڭبىرەكشى اسكەرلەر قوسىنى نيكولايەۆتەگى ۋكراينا ارمياسىنىڭ ۋاقىتتىق لاگەرىن سوققىلادى.
ۋكراينا وڭتۇستىك سوعىس قولباسشىلىق شتابى بىلاي دەپ جاريالادى: ۋكراينا ارمياسى دەنەپىر وزەنىنىڭ جاعالاۋى مەن حەرسوننىڭ شىعىسىنداعى رەسەي ارمياسىنىڭ شەبىن جانە قارۋ-جاراق شوعىرلانعان جەرىن ٴتۇيىندى تۇردە سوققىلادى.
انگليا مەديالارى 9-ايدىڭ 23-كۇنى بىلاي دەپ حابارلادى: ەۆروپادا ەنەرگيا داعدارىسى كۇن سايىن اۋىرلاپ بارا جاتقان حاعدايدا، كەيبىر ەلدەر رەسەيدەن ەنەرگيا يمپورت ەتۋ جونىندە كەلىسىمگە كەلۋى نەمەسە ٴوز ەلىنىڭ كورشى ەلدەرگە ەلەكتر ەنەرگياسىن ەكسپورت ەتۋىن شەكتەۋى مۇمكىن. ال رەسەي جاق وسىدان بۇرىن باتىس ەلدەرى رەسەيدى جازالاۋدى كۇشىنەن قالدىرۋدان بۇرىن، ەۆروپانى تابيعي گازبەن قامداۋدى جالپى بەتتىك قالپىنا كەلتىرمەيتىندىگىن تالاي رەت بىلدىرگەن بولاتىن.
اۋدارعان: قاناتبەك جۇماباي ۇلى