ينفورماتسيا اشكەرەلەۋ: mzjubao@cnr.cn

ماڭىزدى حابارلار

مەملەكەتتىك كەڭەس حىنان ولكەسى انياڭ قالاسى كايشيندا ساۋدا شەكتى سەرىكتىگىندە تۋىلعان «21-قاراشا» ەرەكشە اۋىر ٴورت اپاتى شىرعالاڭىن تەكسەرۋ گرۋپپاسىن قۇردى

来源:جۇڭگو قازاق راديو تورابى     |责编:古丽美热|     发布日期: 2022-11-24 09:26
 
ٴوز حابارىمىز. حىنان ولكەسى انياڭ قالاسى كايشيندا ساۋدا شەكتى سەرىكتىگىنىڭ زاۆودىندا 11-ايدىڭ 21-كۇنى ساعات 16 مولشەرىندە ەرەكشە اۋىر ٴورت اپاتى تۋىلىپ، 38 ادام ٴولىپ، 2 ادام جارالاندى. باس شۋجي شي جينپيڭنىڭ ماڭىزدى نۇسقاۋىنىڭ رۋحىن مۇقيات دايەكتى تياناقتاندىرۋ ٴۇشىن، لي كىچياڭ زۇڭلي قاتارلى مەملەكەتتىك كەڭەستەگى باسشى جولداستاردىڭ بەكىتۋىنىڭ تالابى بويىنشا، مەملەكەتتىڭ قاتىستى زاڭ ەرەجەلەرىندەگى بەلگىلەمەلەرگە ساي، مەملەكەتتىك كەڭەس تەكسەرۋ گرۋپپاسىن قۇرۋدى ۇيعاردى، وعان شۇعىل جاعدايعا توتەپ بەرۋدى باسقارۋ مينيسترلىگى باستاماشى بولىپ، قوعام حاۋىپسىزدىگى مينيسترلىگى، مەملەكەتتىك باس جۇمىسشى ۇيىمى، حىنان ولكەلىك حالىق ۇكىمەتى قاتارلى قاتىستى جاقتار قاتىناستى، تەكسەرۋ گرۋپپاسى حىنان ولكەسى انياڭ قالاسى كايشيندا ساۋدا شەكتى سەرىكتىگىندەگى 21-قاراشا ەرەكشە اۋىر ٴورت اپاتى شىرعالاڭىن تەكسەرەدى.
 
مەملەكەتتىك كەڭەستىڭ حىنان ولكەسى انياڭ قالاسى كايشيندا ساۋدا شەكتى سەرىكتىگىندەگى 21-قاراشا ەرەكشە اۋىر ٴورت اپاتى شىرعالاڭىن تەكسەرۋ گرۋپپاسى 11-ايدىڭ 23-كۇنى تۇستەن كەيىن انياڭدا 1-رەتكى جالپى ٴماجىلىسىن اشتى. مەملەكەتتىك كەڭەس تەكسەرۋ گرۋپپاسىنىڭ باستىعى، شۇعىل جاعدايعا توتەپ بەرۋدى باسقارۋ مينيسترلىگىنىڭ ورىنباسار مينيسترى سۇڭ يۋانميڭ تەكسەرۋ قىزمەتى جونىندە ناقتى تالاپتار قويدى. ماجىلىستە مىنالار باسا دارىپتەلدى: شىرعالاڭدى تەكسەرۋ قىزمەتىندە باس شۋجي شي جينپيڭنىڭ ماڭىزدى نۇسقاۋىنىڭ رۋحىن جانە پارتيا ورتالىق كوميتەتىنىڭ، مەملەكەتتىك كەڭەستىڭ شەشىم ورنالاستىرۋلارىن مۇقيات دايەكتى تياناقتاندىرىپ، عىلمي، ىجداعاتتى بولۋ، زاڭ بويىنشا، ەرەجە بويىنشا ىستەۋ، شىندىقتى ٴىس جۇزىنەن ىزدەۋ، ناقتى ونىمدىلىككە ٴمان بەرۋ جانە ٴتورتتى بوساڭسىتپاۋ پرينسيبى بويىنشا، شىرعالاڭنىڭ سەبەبىن تەز ارادا انىقتاپ، جاۋاپكەرشىلىكتى وبيەكتيۆ، دالمە-ٴدال تۇراقتاندىرىپ، شىندىقتى ٴىس جۇزىنەن ىزدەي وتىرىپ ٴبىر جاقتى ەتۋ ۇسىنىسىن العا قويىپ، جاۋاپكەرشىلىكتى زاڭ بويىنشا قاتاڭ قۋزاستىرۋ كەرەك. سونىمەن بىرگە، جەرگىلىكتى ۇكىمەتتەردىڭ شىرعالاڭ ساباقتارىن مۇقيات قابىلداۋىنا قۋزاۋشىلىق ەتىپ، بىرەۋى ارقىلى وزگەسىن تۇسپالداپ، جونگە سالۋدى تەرەڭدەتىپ، جاۋاپكەرشىلىكتى قاتاڭ تياناقتاندىرىپ، اۋىر حاۋىپ-قاتەردەن ٴونىمدى ساقتانىپ جانە ونى شەشىپ، اۋىر، ەرەكشە اۋىر شىرعالاڭداردى باتىل تەجەۋىن ىلگەرىلەتۋ كەرەك.
 
مەملەكەتتىك كەڭەس تەكسەرۋ گرۋپپاسىنىڭ بارلىق مۇشەلەرى، ماماندار گرۋپپاسىنىڭ مۇشەلەرى، ورتالىق ٴتارتىپ تەكسەرۋ كوميتەتى، مەملەكەتتىك باقىلاۋ-تەكسەرۋ كوميتەتىنىڭ قاتىستى تاراۋلارىنداعى جاۋاپتى جولداستار، حىنان ولكەسىنىڭ، انياڭ قالاسىنىڭ قاتىستى جاۋاپتى جولداستارى ماجىلىسكە قاتىناستى. 
 
اۋدارعان: شالقار قازەز ۇلى
 

中央广播电视总台 央广网 版权所有

مەملەكەتتىك كەڭەس حىنان ولكەسى انياڭ قالاسى كايشيندا ساۋدا شەكتى سەرىكتىگىندە تۋىلعان «21-قاراشا» ەرەكشە اۋىر ٴورت اپاتى شىرعالاڭىن تەكسەرۋ گرۋپپاسىن قۇردى

مەملەكەتتىك كەڭەس تەكسەرۋ گرۋپپاسىنىڭ بارلىق مۇشەلەرى، ماماندار گرۋپپاسىنىڭ مۇشەلەرى، ورتالىق ٴتارتىپ تەكسەرۋ كوميتەتى، مەملەكەتتىك باقىلاۋ-تەكسەرۋ كوميتەتىنىڭ قاتىستى تاراۋلارىنداعى جاۋاپتى جولداستار، حىنان ولكەسىنىڭ، انياڭ قالاسىنىڭ قاتىستى جاۋاپتى جولداستارى ماجىلىسكە قاتىناستى.