ينفورماتسيا اشكەرەلەۋ: mzjubao@cnr.cn

ماڭىزدى حابارلار

دۇنيە ٴجۇزى بويىنشا جەكە گەنەراتور سيىمدىلىعى ەڭ ۇلكەن 16 مەگاۋاتتىق تەڭىزدەگى جەل ەلەكتر گەنەراتور گرۋپپاسى جاسالىپ بولدى

来源:جۇڭگو قازاق راديو تورابى     |责编:古丽美热|     发布日期: 2022-11-24 16:54
 
ٴوز حابارىمىز. دۇنيە ٴجۇزى بويىنشا جەكە گەنەراتور سيىمدىلىعى ەڭ ۇلكەن، قالاقتى دوڭگەلەكتىڭ ديامەترى ەڭ ۇلكەن، بىرلىك مەگاۋات سالماعى ەڭ جەڭىل جەل ەلەكتر گەنەراتور گرۋپپاسى -  16 مەگاۋاتتىق تەڭىزدەگى جەل ەلەكتر گەنەراتور گرۋپپاسى 11-ايدىڭ 23-كۇنى جاسالىپ ٴبىتتى، بۇل ەلىمىزدىڭ تەڭىزدەگى جەل ەلەكتر سيىمدىلىعى جوعارى گەنەراتور گرۋپپاسىنىڭ جوعارى دەڭگەيلى جابدىق جاساۋ قۋاتى جاعىندا ماڭىزدى قامال الىپ، حالىقارالىق وزىق ورەگە جەتكەندىگىن بىلدىرەدى.
 
 جەكە گەنەراتور سيىمدىلىعى 16 مەگاۋاتتىق وسى تەڭىزدەگى جەل ەلەكتر گەنەراتوردىڭ قالاقتى دوڭگەلەگىنىڭ ديامەترى 252 مەتر، قالاقشالى دوڭگەلەكتىڭ ىقپال اۋدانى شامامەن 50 مىڭ شارشى مەتر بولىپ، 7 ولشەمدى فۋتبول الاڭىنا بارابار كەلەدى، كۇپشەگىنىڭ بيىكتىگى 146 مەتر بولىپ، شامامەن 50 قاباتتى عيماراتپەن قارايلاس. بەلگىلەنگەن جۇمىس جاعدايىندا، جەكە گەنەراتور گرۋپپاسى جىلىنا 66 ميلليون كيلوۆات-ساعاتتان استام تازا ەلەكتر ەنەرگياسىن شىعارىپ، 36 مىڭ وتباسىنىڭ ٴبىر جىلدىق تۇرمىستىق ەلەكتر قاجەتىن قاناعاتتاندىرا الادى. سانشيا توبى فۋجيان سەرىكتىگىنىڭ جاۋاپتىسى لەي زىڭمو بىلاي دەدى: جوعارى قۋاتتى گەنەراتور گرۋپپاسى تەڭىزدەن ۇنەمدى پايدالانادى، تەڭىزدى از يەمدەنەدى. بۇدان سىرت، عىلىم-تەحنيكادا جاڭالىق جاراتۋ ارقىلى وزىندىك قۇندى تومەندەتىپ، قالىپتى باعا اتقارىپ، بۇقارانىڭ قالىپتى باعاداعى ەلەكتردەن پايدالانۋىنا مۇمكىندىك جاسايدى. 
 
 سانشيا توبىنىڭ باس جوراسى لەي ميڭشان تانىستىرىپ بىلاي دەدى: 16 مەگاۋاتتىق تەڭىزدەگى جەل ەلەكتر گەنەراتور گرۋپپپاسى كوپتەگەن شەشۋشى، وزەكتى بولشەكتەردى زەرتتەپ جاساۋ جاعىندا ماڭىزدى تەحنيكالىق قامال الدى، گەنەراتور گرۋپپاسىنىڭ اينالىم جاعدايىن باقىلاۋ دەڭگەيى جوعارى، تايفىڭ داۋىلى سياقتى ناشار اۋا رايىنا قاراتا جۇمىس جۇرگىزۋ ۇلگىسىن رەتتەپ، جەل گەنەراتورىنىڭ حاۋىپسىزدىگى مەن جوعارى ٴونىمدى ەلەكتر تاراتۋعا كەپىلدىك ەتەدى. 
 
 ەلىمىزدىڭ تەڭىزدەگى جەل ەنەرگيا بايلىعى توتەنشە مول، تەڭىز جاعاسىنان 200 كيلومەتر قاشىقتىقتاعى كولەمدە تاياۋ تەڭىز جانە تەرەڭ تەڭىز جەل ەنەرگياسى بايلىعىن اشۋ كومەسكى كۇشى شامامەن 2 ميلليارد 250 ميلليون كيلوۆاتقا جەتەدى. بۇگىنگى تاڭدا، 16 مەگاۋاتتىق گەنەراتور گرۋپپاسىنىڭ ٴساتتى جاسالىپ شىعۋى ەلىمىزدىڭ جەل ەلەكتر جابدىقتارى كاسىبىندە تاريحي سەكىرۋدى جۇزەگە اسىرعاندىعىن كورسەتەدى.
 
 جۇڭگو تۋىندامالى ەنەرگيا عىلمي قوعامى جەل ەنەرگياسى كاسىپتىك كوميتەتىنىڭ باس حاتشىسى چين حاييان «14-بەس جىلدىقتىڭ» سوڭىندا 20 مەگاۆاتتىق جەل ەلەكتر گەنەراتور گرۋپپاسى زەرتتەپ جاسالاتىندىعىن ايتتى.
 
اۋدارعان: گۇلنۇر قابىلقاق قىزى 
 

中央广播电视总台 央广网 版权所有

دۇنيە ٴجۇزى بويىنشا جەكە گەنەراتور سيىمدىلىعى ەڭ ۇلكەن 16 مەگاۋاتتىق تەڭىزدەگى جەل ەلەكتر گەنەراتور گرۋپپاسى جاسالىپ بولدى

جۇڭگو تۋىندامالى ەنەرگيا عىلمي قوعامى جەل ەنەرگياسى كاسىپتىك كوميتەتىنىڭ باس حاتشىسى چين حاييان «14-بەس جىلدىقتىڭ» سوڭىندا 20 مەگاۆاتتىق جەل ەلەكتر گەنەراتور گرۋپپاسى زەرتتەپ جاسالاتىندىعىن ايتتى.