ينفورماتسيا اشكەرەلەۋ: mzjubao@cnr.cn

ماڭىزدى حابارلار

بيڭ ليفاڭ مەملەكەتتىك سپورت كەشەنى جۇڭگونىڭ اقىل-پاراساتىنا كۋا بولدى

来源:جۇڭگو قازاق راديو تورابى     |责编:古丽美热|     发布日期: 2022-11-24 16:56
 
 ٴوز حابارىمىز. «جاڭا داۋىرگە كۋا بولۋ» اتتى ارناۋلى حابارىمىزدىڭ بۇگىنگى كەزەگىندە بيڭ ليفاڭ سپورت كەشەنى جۇڭگونىڭ اقىل پاراساتىنا كۋا بولدى دەگەن مازمۇن بەرىلەدى. جۇڭگو قۇرىلىس توبى 1-مەكەمەسى قۇرىلىس، دامۋ شەكتى سەرىكتىگىندە بەيجيڭ قىسقى وليمپيك سپورت جارىسىنىڭ مۇز شاۋگىم جارىس جولىنىڭ قۇرىلىمدىق مودەلى ساقتالعان. وسى مۇز شاۋگىم جارىس جولىندا «سۋ مەن مۇزدىڭ ٴوزارا اينالىمى» سىندى عىلىم-تەحنيكانىڭ سىرى جاسىرىنىپ، «جاسىل باياندى بولۋداي» جۇڭگو اقىل-پاراساتى ايگىلەندى.
 
2022-جىلعى بەيجيڭ قىسقى وليمپيك سپورت جارىسىنىڭ تۇڭعىش مايدان جارىسى − مۇز شاۋگىم ارالاس قوس ادامدىق اينالمالى جارىسى بيڭ ليفاڭ مەملەكەتتىك سپورت كەشەنىندە سالتاناتتى ٴوتتى. قىزىقتى دا قيان-كەسكى جارىستان سىرت، الاڭداعى وزىق عىلىم-تەحنيكا جابدىقتارى دا كورەرمەندەردىڭ القاۋىنا بولەندى. «شۇي ليفاڭ» مەملەكەتتىك سپورت كەشەنى 2008-جىلعى بەيجيڭ وليمپيك سپورت جارىسىنىڭ سۋ ٴۇستى جارىس تۇرلەرى ٴۇشىن ارناۋلى سالىنعان.ال ٴداستۇرلى قىسقى وليمپيك سپورت جارىسىنىڭ مۇز شاۋگىم جارىس الاڭى بەتون ەدەندە مۇز قاتىرۋ ارقىلى جاسالعان، ەندەشە «سۋدى» ساقتاۋ العى شارتىندا قايتكەندە كەمەلدى مۇز شاۋگىم جارىس جولىن جاساۋعا بولادى؟ 2016-جىلدان باستاپ، مەملەكەتتىك سپورت كەشەنى حاربين ونەركاسىپ داشۋەسى سياقتى ورىندارمەن بىرلەسىپ عىلمي زەرتتەۋ ۇيىمىن قۇرىپ، ”سۋ مەن مۇز الماسىپ تۇراتىن“ ”قوس وليمپيك“ الاڭ-سارايلارىن جاڭالاۋ جوباسىن جاسامپازدىقپەن العا قويدى. حاربين ونەركاسىپ داشۋەسى قۇرىلىس شۋەيۋانىنىڭ پروفەسسورى جاڭ ۋىنيۋان بىلاي دەدى: مالتاۋ كولشىگىندەگى بولات قۇرىلىمدى تىرەۋىشتىڭ ۇستىنە بەتون تاقتا سالىنپ، ونىڭ ۇستىنە جىلۋ ساقتايتىن ماتەريال توسەلدى، جىلۋ ساقتايتىن قاباتتىڭ ۇستىڭگى جاعى سۋدان قورعايتىن قابات، ال ونىڭ ۇستىندە مۇز قاتىرىپ توسەلدى.
 
بەيجيڭ قىسقى وليمپيك سپورت جارىسىنىڭ مۇز شاۋگىم جارىس جولىنا دۇنيە جۇزىندەگى ولشەمى ەڭ جوعارى، تەحنيكالىق تالابى ەڭ قاتاڭ تاسىلمەن جاسالعان مۇز توسەلۋ شارت. بيڭ ليفاڭ مۇز شاۋگىم الاڭىن جاڭالاۋ نىسانىنىڭ باس ينجەنەرى سۇن دىيۋان بىلاي دەدى: بۇرىنعى مەحانيكا بولمەسىندەگى اينالمالى ناسوس، توڭازىتۋدى مەڭگەرۋ جۇيەسى، توكپەن قامداۋ جانە جىلۋ تاراتۋ جۇيەسى بۇكىلدەي ٴبىر تۇلعالانعان جابدىققا اينالدىرىلدى، توكپەن قامدالىپ، جۇيە ورناتىلعاننان كەيىن ول اۆتوماتتى جۇمىس ىستەيدى جانە ونى كەز كەلگەن ۋاقىتتا جىلجىتۋعا بولادى.
 
«بيڭليفاڭ» بەيجيڭ قىسقى وليمپيك سپورت جارىسى الاڭى تۇڭعىش رەت تەكسەرىپ وتكىزىپ الۋدى ورىنداعان جاڭالانىپ سالىنعان سپورت سارايى، سونداي-اق قىسقى وليمپيك سپورت جارىسى تاريحىنداعى كولەمى ەڭ ۇلكەن مۇز شاۋگىم سپورت سارايى، دۇنيە ٴجۇزى بويىنشا مالتاۋ كولشىگىنىڭ ۇستىنە مۇز شاۋگىم جارىس جولىن سالعان بىردەن-ٴبىر «قوس وليمپيك» سپورت سارايى. ٴبىر توپ جوعارى ولشەمدى مۇز شاۋگىم جارىس جولى بيڭليفاڭ سپورت سارايىنىڭ وزىنە ٴتان دۇنيە جۇزىلىك رەكورتىن جاراتتى ٴارى وليمپيك سپورت جارىسى تاريحىندا بۇرىن بولىپ كورمەگەن وزىق دەڭگەيدەگى بىرەگەي جوبالاۋ بولدى.
 
جۇڭگو قۇرىلىس توبى 1-مەكەمەسى قۇرىلىس، دامۋ شەكتى سەرىكتىگى پارتكومىنىڭ ورىنباسار شۋجيى، باس ديرەكتور لين زوجياڭ بىلاي دەدى: بيڭليفاڭ سپورت كەشەنى «سۋ مەن مۇزدىڭ ٴوزارا اۋىسۋى» ارقىلى دۇنيە جۇزىنە تارتىمدى دا تابىستى،كەرەمەت تە كەمەلدى قىسقى وليمپيك سپورت جارىسىن ۇسىندى، سونىمەن بىرگە دۇنيە جۇزىندەگى الاڭ-سارايلار قۇرىلىسىن جاسىل، باياندى جۇڭگو جوباسىمەن قامدادى.
 
اۋدارعان: كۇلان ىرىسباي قىزى 
 

中央广播电视总台 央广网 版权所有

بيڭ ليفاڭ مەملەكەتتىك سپورت كەشەنى جۇڭگونىڭ اقىل-پاراساتىنا كۋا بولدى

سونىمەن بىرگە دۇنيە جۇزىندەگى الاڭ-سارايلار قۇرىلىسىن جاسىل، باياندى جۇڭگو جوباسىمەن قامدادى.