ج ك پ ورتالىق كوميتەتىنىڭ شەتەلدەرمەن بايلانىس جاساۋ ٴبولىمى افريكا ەلدەرىنىڭ ساياسي پارتيالارىنا 20-قۇرىلتاي رۋحىن ۇگىتتەدى جانە تانىستىردى
ٴوز حابارىمىز. ج ك پ ورتالىق كوميتەتىنىڭ شەتەلدەرمەن بايلانىس جاساۋ ٴبولىمى 11-ايدىڭ 25-كۇنى بەينە ەكران فورماسىندا ج ك پ 20-قۇرىلتايىنىڭ رۋحىن افريكا ەلدەرىنە تانىستىرۋ ٴماجىلىسىن جانە 6-كەزەكتى جۇڭگو-افريكا جاستار ۇيىمدارى باسشىلار تالقىسىن وتكىزدى. افريكاداعى 40 نەشە مەملەكەتتەن كەلگەن 60 نەشە ساياسي پارتيا مەن ساياسي ۇيىمنىڭ جاس باسشىلارى، اقىل ـ پاراسات قويماسى مەديالارىنىڭ جانە جۇڭگوداعى وقۋشىلاردىڭ ۋاكىلدەرى سياقتى 200 گە جۋىق ادام ماجىلىسكە قاتىناستى.
ج ك پ ورتالىق كوميتەتىنىڭ شەتەلدەرمەن بايلانىس ٴبولىمىنىڭ جاۋاپتىسى ج ك پ 20 ـ قۇرىلتايىندا قول جەتكەن كەلەلى جەتىستىكتەردى جانە تەرەڭ ٴماندى تانىستىرىپ، جۇڭگو كوممۋنيستىك پارتياسىنىڭ افريكا جاقتىڭ مەملەكەت جاعدايىنا ۇيلەسەتىن وسىزامانداندىرۋ جولىن دەربەس قاراستىرۋىن باتىل قولدايتىندىعىن، افريكا جاقپەن سەلبەستىكتى كۇشەيتىپ، جاڭا داۋىردەگى جۇڭگو ـ افريكا تاعدىرلاس ورتاق تۇلعاسىن قۇرۋدى ىلگەرىلەتۋدى قالايتىندىعىن ٴبىلدىردى. ماجىلىسكە قاتىناسقان افريكا جاقتىڭ ۋاكىلدەرى بىلاي دەستى: جۇڭگو ۇلگىسىندەگى وسىزامانداندىرۋ جولى افريكا ەلدەرىنىڭ وسىزاماندانۋعا بەت الۋ جولىن كەڭەيتتى، جۇڭگو كوممۋنيستىك پارتياسىمەن اۋىس ـ كۇيىستى، سەلبەستىكتى كۇشەيتىپ، ورتاق دامۋدى جۇزەگە اسىرۋدى ٴۇمىت ەتەمىز.
اۋدارعان: قاناتبەك جۇماباي ۇلى
