ينفورماتسيا اشكەرەلەۋ: mzjubao@cnr.cn

ماڭىزدى حابارلار

حالىقارالىق قۇرىلىمداردىڭ جاۋاپتىلارى جانە كوپتەگەن ەلددەردىڭ ساياسي قايراتكەرلەرى جۇڭگونىڭ كوكتەم مەرەكەسىن قۇتتىقتادى

来源:جۇڭگو قازاق راديو تورابى     |责编:古丽美热|     发布日期: 2023-01-25 09:35
 
ٴوز حابارىمىز. كوپتەگەن حالىقارالىق ۇيىمداردىڭ جاۋاپتىلارى، كوپتەگەن ەلدەردىڭ ساياسي قايراتكەرلەرى جۇڭگو حالقىنا، دۇنيە جۇزىندەگى جۇڭگولىقتارعا كوكتەم مەرەكەسى قۇتتى بولسىن ايتىپ، ىزگى تىلەك ٴبىلدىردى.
 
ب م ۇ ساۋدا جانە دامۋ كەڭەسىنىڭ باس حاتشىسى گرينسپان جۇڭگو حالقىنا، دۇنيە جۇزىندەگى جۇڭگولىقتارعا «جاڭا جىلدارىڭىز قۇتتى بولسىن» كوكتەم مەرەكەسىندىك ىزگى تىلەك جولدادى.
 
جەر شارىندىق ۆاكسينا يممۋنيتەت وداعىنىڭ ءتوراعاسى، ەۆروپا وداعى كوميتەتىنىڭ بۇرىنعى ءتوراعاسى باروزو بىلاي دەدى: وسى ورايدا بارلىق جۇڭگو حالقىنىڭ جاڭا جىلى قۇتتى بولسىن ايتامىن، قويان جىلى بارلىق جۇڭگو حالقىنىڭ ىستەرىنىڭ ويداعىداي بولۋىن ءۇمىت ەتەمىن.
 
  زيمبابۆەنىڭ زۇڭتۇڭى مىنانگاۆا بىلاي دەدى: سالەمەتسىزدەر مە، مەن زيمبابۆە ۇكىمەتى مەن حالقى اتىنان، سونداي-اق ٴوز اتىمنان سىزدەردىڭ كوكتەم مەرەكەلەرىڭىزدى قۋانىشپەن قۇتتىقتايمىن. قويان ۇزاق جاساۋدىڭ، بەيبىتشىلىكتىڭ، باقىتتىڭ، كوركەيۋدىڭ سيمۆولى، قويان جىلى ەكى ەلدىڭ سەلبەستىگىن اناعۇرلىم كۇشەيتۋگە تىڭ بولاشاق جانە وراي الا كەلدى. سىزدەردىڭ جاڭا جىلدا دەندەرىڭىزدىڭ ساۋ بولىپ، ىستەرىڭىزدىڭ كۇن سايىن ىلگەرى باسۋىن، كوكتەم مەرەكەلەرىڭىزدىڭ كوڭىلدى بولۋىن تىلەيمىن. 
 
سەربيانىڭ زۇڭليى بۋرنابيچ بىلاي دەدى: ٴاربىر جۇڭگولىقتىڭ كوكتەم مەرەكەسىنىڭ كوڭىلدى بولۋىن تىلەيمىن، 2023-جىلى سەربيا مەن جۇڭگو اراسىنداعى دوستىقتىڭ ونان ارى تەرەڭدەۋىن ٴۇمىت ەتەمىن. ٴتوراعا شي جينپيڭنىڭ، جۇڭگو كوممۋنيستىك پارتياسىنىڭ جانە جۇڭگو حالقىنىڭ وتكەن 3 جىلداعى قيىنشىلىق كەزىندە سەربياعا كورسەتكەن بارلىق كومەكتەرى ٴۇشىن العىس ايتامىن، سىزدەردىڭ 2023-جىلعى بارلىق ىستەرىڭىز ٴساتتى بولۋىن، جۇڭگونىڭ اناعۇرلىم كوكەيىپ-گۇلدەنۋىن تىلەيمىن.
 
مالايزيانىڭ زۇڭليى انۋار بىلاي دەدى: كوكتەم مەرەكەسى قۇتتى بولسىن، مەن مالايزيا حالقى اتىنان بارلىق جۇڭگولىق دوستارعا بىلاي دەگىم كەلەدى: جۇڭگو-ءبىزدىڭ دوس كورشىمىز، كوپشىلىكتىڭ مالايزياعا كەلۋىن قارسى الامىن، جۇڭگو حالقىنىڭ كوكتەم مەرەكەسىنىڭ كوڭىلدى بولۋىن تىلەيمىن. جاڭا جىلدارىڭىز كوڭىلدى، شات شادىمان، قۇتتى بولسىن، ىرىستارىڭىز ارتا بەرسىن! 
 
اۋدارعان: قاناتبەك جۇماباي ۇلى
 
 

中央广播电视总台 央广网 版权所有

حالىقارالىق قۇرىلىمداردىڭ جاۋاپتىلارى جانە كوپتەگەن ەلددەردىڭ ساياسي قايراتكەرلەرى جۇڭگونىڭ كوكتەم مەرەكەسىن قۇتتىقتادى

ب م ۇ ساۋدا جانە دامۋ كەڭەسىنىڭ باس حاتشىسى گرينسپان جۇڭگو حالقىنا، دۇنيە جۇزىندەگى جۇڭگولىقتارعا «جاڭا جىلدارىڭىز قۇتتى بولسىن» كوكتەم مەرەكەسىندىك ىزگى تىلەك جولدادى.