ينفورماتسيا اشكەرەلەۋ: mzjubao@cnr.cn

ماڭىزدى حابارلار

ٴبىرىنشى شەپتەن تاپجىلماي، ىندەتتەن ساقتانۋدى دايەكتى تياناقتاندىرىپ، بۇقارانىڭ مەرەكەنى ساۋ-سالەمەت وتكىزۋىنە كەپىلدىك ەتتى

来源:جۇڭگو قازاق راديو تورابى     |责编:古丽美热|     发布日期: 2023-01-25 10:48
 
ٴوز حابارىمىز. كوكتەم مەرەكەسى دەمالىسىندا جەر-جەردەگى ەمدەۋ قىزمەتكەرلەرى قىزمەت ورىندارىنان تاپجىلماي ناۋقاستاردىڭ دەنساۋلىعىنا كەپىلدىك ەتتى، جەر-جەردەگى كورىنىس وڭىرلەرى، كورىنىس تۇيىندەرى ىندەتتەن ساقتانۋ شارالارىن بەلسەنە تياناقتاندىرىپ، ساياحاتشىلاردىڭ اقاۋسىز ساياحاتقا شىعۋىنا شىنايى كەپىلدىك ەتتى.
 
 كوكتەم مەرەكەسى كەزىندە نيڭشيا ٴتۇرلى شارالار ارقىلى اۋىل-قىستاق وڭىرلەرىنىڭ ىندەتتەن ساقتانۋ قورعانىس شەبىن بەكەمدەدى. ليڭ-ۋ قالاسى ۋاڭجيازۇي قىستاعىنداعى قىستاق شيپاگەرى حى مياۋ كوكتەم مەرەكەسى دەمالىسىن كۇشىنەن قالدىرىپ، قىستاق ەمحاناسىندا تاپجىلماي قىزمەت ىستەدى.
 
 جياڭسۋدىڭ نانجيڭ قالاسىندا قالا تۇرعىنى شاۋ حانىم جۇرەگى قىسىلىپ، تىنىسى تارىلعاندىقتان، ٴۇيىنىڭ قاسىنداعى نانجيڭ دۇڭشان كوشە باسقارماسى الەۋمەتتىك اۋماق دەنساۋلىق ساقتاۋ قىزمەت وتەۋ ورتالىعىنا كەلىپ ەمدەلدى، كوكتەم مەرەكەسى كەزىندە بۇل ارا كۇن بويى اشىق ۇستالاتىندىقتان، ول ەمدەلۋدەن الاڭدامايتىن بولدى.
 
 شاندۇڭ داشۋەسى 2-دوحتىرحاناسىندا، 40 قانشا ەمدەۋ قىزمەتكەرى مەرەكە كەزىندە قىزمەت ورنىنان تاپجىلماي، ناۋقاستاردىڭ اۋرۋ احۋالىن دەر كەزىندە تەكسەرىپ تۇردى. 
 
 انحۇي ولكەسى يۇيياڭ اۋداندىق حالىق شيپاحاناسىنىڭ قان ٴسۇزۋ بولىمىندە ەمدەۋ قىزمەتكەرلەرى ادەتتەگىدەي قاربالاس بولدى، ولار 270 تەن استام ناۋقاستىڭ اپتاسىنا 3 رەت قان سۇزگىزىپ ەمدەلۋىنە كەپىلدىك ەتتى. مەرەكە كەزىندە بۇقارانىڭ ەمدەلۋ قاجەتىن قامتاماسىزداندىرۋ ٴۇشىن، جىجياڭ ولكەسى دىچيڭ اۋدانى شينشى قالاشىعىندا ارناۋلى ەمدەۋگە قىزمەت وتەۋ اترەتى قۇرىلىپ، كوكتەم مەرەكەسى كەزىندە كەزەكشىلىك ىستەپ، ارالاپ دياگنوز قويۋ جانە تەلەفوندا سويلەسىپ جاعدايىن ۇعىسۋ ارقىلى، قارتتار سياقتى ٴتۇيىندى قاۋىمدى دەنساۋلىق قىزمەت وتەۋىمەن قامدادى.
 
جۇقپالى اۋرۋلاردان ساقتانۋ مەن ەمدەۋدەگى ٴدارى-دارمەك زاتتىق قاجەتىن قاناعاتتاندىرۋ ٴۇشىن، جەر-جەردەگى ٴدارى-دارمەك ٴوندىرىس كاسىپورىندارى كوكتەم مەرەكەسى كەزىندە ٴوندىرىستى ارتتىرىپ، قامداۋدى قامتاماسىزداندىردى. ەرلى-زايىپتى حى چاڭچيڭ مەن جاۋ گوحۋا بەيجيڭدەگى ٴبىر ٴدارى-دارمەك وندىرەتىن كاسىپورىننىڭ جۇمىسشىلارى، ولار مەرەكە كەزىندە ٴدارى-دارمەك ٴوندىرىسىنىڭ ٴبىرىنشى شەبىندە تاپجىلماي جۇمىس ىستەدى.
 
 كوكتەم مەرەكەسى كەزىندە، جەر-جەردەگى كورىنىس رايوندارى ىندەتتەن ساقتانۋ تالابىن بەلسەندى تياناقتاندىردى، بەيجيڭدەگى يۋانبويۋان، فۋجۋداعى مينيۋەشيۋ قالاشىعى، گانجۋداعى توڭكەرىستىك تاقىرىپتاعى باقشا قاتارلى جەرلەردە، قاتىستى تاراۋلار ساياحاتشى مولشەرىن شەكتەۋ، الدىن الا زاكاز بەرۋ، سەرۋەن جولدارىن ساپالاندىرۋ قاتارلى شارالار ارقىلى ساياحاتشىلاردىڭ ٴتارتىپتى ارالاۋىن قامتاماسىزداندىردى.
 
 سىچۋان ولكەسىنىڭ يا-ان قالاسىندا، كوكتەم مەرەكەسى كەزىندەگى شارۋالار شاتتىعى ساياجايىنىڭ ساۋداسى كۇسەت بولدى، قىزمەتكەرلەر الەۋمەتتىك وڭىردى كۇنىنە ەكى رەت ديزەنفەكسيالادى ٴارى تەگىن ديزەنفەكسيا سۇيقتىىعىن ساياحاتشىلارعا دايىنداپ قويدى. 
 
اۋدارعان: گۇلنۇر قابىلقاق قىزى
 

中央广播电视总台 央广网 版权所有

ٴبىرىنشى شەپتەن تاپجىلماي، ىندەتتەن ساقتانۋدى دايەكتى تياناقتاندىرىپ، بۇقارانىڭ مەرەكەنى ساۋ-سالەمەت وتكىزۋىنە كەپىلدىك ەتتى

سىچۋان ولكەسىنىڭ يا-ان قالاسىندا، كوكتەم مەرەكەسى كەزىندەگى شارۋالار شاتتىعى ساياجايىنىڭ ساۋداسى كۇسەت بولدى، قىزمەتكەرلەر الەۋمەتتىك وڭىردى كۇنىنە ەكى رەت ديزەنفەكسيالادى ٴارى تەگىن ديزەنفەكسيا سۇيقتىىعىن ساياحاتشىلارعا دايىنداپ قويدى.