كوكتەم مەرەكەسىنەن بەرى، جۇڭگو ـ لاوس تەمىر جولىنىڭ بويىنداعى ساياحاتتاعاندار، تۋىسشىلاعاندار قاباتتاسىپ، جولاۋشىلار اعىنى قاۋىرت ارتتى. 1-ايدىڭ 20-كۇنىنەن 1-ايدىڭ 31-كۇنىنە دەيىن، تۇتاس لەنيا بويىنشا جونەلتىلگەن جولاۋشى سانى 700 مىڭ ادام رەتكە جەتتى.

    ساناققا قاراعاندا، 1-ايدىڭ 31-كۇنىنە دەيىن وسى تەمىر جولدىڭ ەل ىشىندەگى بولەگىندە كۇنىنە ورتا ەسەپپەن 56 كەزەكشى پويەز قاتىناپ، كۇنىنە ەڭ كوپ بولعاندا 70 پويەز ىسكە قوسىلىپ، 65 مىڭ ادام ـ رەت جولاۋشى جونەلتىپ، جالپى 8 ميلليون 700 مىڭ ادام ـ رەت جولاۋشى جونەلتىلدى. تەمىر جولدىڭ لاوس بولەگىندە كۇنىنە ورتا ەسەپپەن 8 پويەز قاتىناپ، ەڭ كوپ بولعاندا 10 پويەز ىسكە قوسىلىپ، 8800 جولاۋشى جونەلتىپ، جالپى ٴبىر ميلليون 600 مىڭ ادام ـ رەت جولاۋشى جونەلتىلدى؛ جولاۋشى تاسىمال جۇمىسىن بىتىرەتىن ۆوكزال سانى قاتىناس باستالعان العاشقى مەزگىلدەگى 7 دەن قازىرگى 10 عا كوبەيىپ، جۇردەك پويەز بەن جاي قارقىندى پويەزدىڭ جالپى لەنيا بويىنشا قاتىناۋىن جۇزەگە اسىردى. قازىر جۇڭگو مەن لاوستىڭ قاتىستى تاراۋلارى اقىلداسىپ، جوسپار جاساپ، بيىل جۇڭگو ـ لاوس تەمىر جولىنىڭ شەكارا اتتاعان جولاۋشىلار پويەزىن قاتىناتىپ، جۇڭگو ـ لاوس تەمىر جولىنىڭ جولاۋشى ـ جۇك تاسىمال ساپاسىن ونان ارى جوعارىلاتپاقشى.

اۋدارعان: نازار ٴارىپ ۇلى