ماقالادا مىنالار باسا دارىپتەلدى: پارتيا 20-قۇرىلتايىنىڭ بايانداماسىندا: «جۇڭگو ۇلگىسىندەگى وسىزامانداندىرۋ− جۇڭگو كوممۋنيستىك پارتياسىنىڭ باسشىلىعىنداعى سوتسياليستىك وسىزامانداندىرۋ» دەپ ايقىن اتاپ كورسەتىلدى. بۇل جۇڭگو ۇلگىسىندەگى وسىزامانداندىرۋدىڭ سيپاتىن تۇراقتاندىرعاندىق، جالپى جاقتان باسقارۋ، ءتۇبىرلى جاقتان باسقارۋ بولىپ تابىلادى. پارتيانىڭ باسشىلىعى جۇڭگو ۇلگىسىندەگى وسىزامانداندىرۋدىڭ ءتۇبىرلى بەتالىسىنا، بولاشاق تاعدىرىنا، سوڭعى جەڭىسى مەن جەڭىلىسىنە تىكەلەي قاتىستى. ماقالادا مىنالار اتاپ كورسەتىلدى: پارتيانىڭ باسشىلىعى جۇڭگو ۇلگىسىندەگى وسىزامانداندىرۋدىڭ ءتۇبىرلى سيپاتىن بەلگىلەيدى. پارتيانىڭ سيپاتى، ماقساتى، اۋەلگى ماقساتى، بورىشى، سەنىمى، ساياساتتىق قۋاتتاماسى جۇڭگو ۇلگىسىندەگى وسىزامانداندىرۋدىڭ باسقالاي وسىزامانداندىرۋ ەمەس، قايتا سوتسياليستىك وسىزامانداندىرۋ ەكەنىن بەلگىلەگەن. پارتيامىز باستان-اياق جۇڭگوشا سوتسياليزم ۇلى تۋىن بيىك ۇستاپ، جۇڭگوشا سوتسياليزم جولىمەن اۋىتقىماي ءجۇرىپ، جۇڭگو ۇلگىسىندەگى وسىزامانداندىرۋدىڭ دۇرىس ارنادا ءساتتى ىلگەرىلەۋىنە شىنايى كەپىلدىك ەتتى. پارتيامىز ماركسيزمدى ءتۇبىرلى جەتەكشى يدەيا ەتۋگە تاباندى بولىپ، ماركسيزمنىڭ جۇڭگوشالانۋىنىڭ، زامانالانۋىنىڭ جاڭا ءورىسىن ۇزدىكسىز اشىپ، جۇڭگو ۇلگىسىندەگى وسىزاماندانۋعا عىلمي جەتەكشىلىك ەتتى. پارتيامىز جۇڭگوشا سوتسياليستىك تۇزىمگە تاباندى بولىپ جانە ونى كەمەلدەندىرىپ، جۇڭگو ۇلگىسىندەگى وسىزامانداندىرۋدىڭ نىق قاداممەن العا باسۋىن پارمەندى تۇزىمدىك كەپىلمەن قامدادى. پارتيامىز جۇڭگوشا سوتسياليستىك مادەنيەتكە تاباندى بولىپ جانە ونى دامىتىپ، جۇڭگو ۇلگىسىندەگى وسىزامانداندىرۋدى قۇدىرەتتى رۋحاني كۇشپەن قامدادى. تەك پارتيانىڭ باسشىلىعىنا تيتتەي دە اۋىتقىماستان تاباندى بولعاندا عانا، جۇڭگو ۇلگىسىندەگى وسىزامانداندىرۋدىڭ بولاشاعى نۇرلى بولادى، گۇلدەنىپ-كوركەيەدى؛ ويتپەگەندە، جۇڭگو ۇلگىسىندەگى وسىزامانداندىرۋ باعدارىنان اداسىپ، رۋحىنان ايىرىلادى، ءتىپتى ويرانداۋ سيپاتتى قاتەلىك وتكىزەدى.

    ماقالادا مىنالار اتاپ كورسەتىلدى: پارتيانىڭ باسشىلىعى جۇڭگو ۇلگىسىندەگى وسىزاماندانۋدىڭ كوزدەگەن كۇرەس نىساناسى بويىنشا ورنىقتى، باياندى جالعاسۋىنا شىنايى كەپىلدىك ەتتى. پارتيامىز باستان ـ اياق اۋەلگى ماقساتتان، بورىشتان جازباي، جۇڭگو حالقىنىڭ باقىتىن، جۇڭحۋا ۇلتىنىڭ گۇلدەنۋىن كوزدەپ، ۇلى مۇرات پەن كەزەڭدىك نىسانانى بىرلىككە كەلتىرۋگە تاباندى بولىپ، ۇزدىكسىز، قاجىرلىلىقپەن، قاجىماي ـ تالماي كۇرەس جۇرگىزدى. رەفورما جاساپ، ەسىك اشقاننان بەرى، سوتسياليستىك وسىزاماندانعان مەملەكەت قۇرۋ كۇرەس نىسانامىز بىرتىندەپ ىلگەرىلەپ، دايەكتى بولدى ءارى امالياتتىڭ دامۋىنا ساي ۇزدىكسىز تولىقتانىپ، كەمەلدەندى. پارتيانىڭ 20 ـ قۇرىلتايىندا 2035 ـ جىلعا دەيىنگى ەلىمىز دامۋىنىڭ نىسانا-تالاپتارى اناعۇرلىم ايقىندالىپ، جاپپاي سوتسياليستىك وسىزاماندانعان قۇدىرەتتى ەل قۇرۋدىڭ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ ۇلى جوباسى عىلمي جاسالدى. سوتسياليستىك وسىزاماندانعان مەملەكەت قۇرۋ − پارتيامىزدىڭ دايەكتى كۇرەس نىساناسى، ونى ۇرپاقتان - ۇرپاققا جالعاپ ىلگەرىلەتۋ، سونداي-اق دۇنيەنى جالت قاراتقان، تاريح بەتىنەن ماڭگى وشپەيتىن شۇعىلالى تابىستارعا ۇزدىكسىز قول جەتكىزۋ كەرەك.

    ماقالادا مىنالار اتاپ كورسەتىلدى: پارتيانىڭ باسشىلىعى جۇڭگو ۇلگىسىندەگى وسىزامانداندىرۋ قۇرىلىسىنىڭ قۋاتتى قوزعاۋشى كۇشىن قاۋلاتتى. رەفورما جاساپ، ەسىك اشۋ زامانىمىزداعى جۇڭگونىڭ تاعدىرىن بەلگىلەيتىن شەشۋشى شارا، سونداي-اق جۇڭگو ۇلگىسىندەگى وسىزامانداندىرۋدىڭ ءساتتى-ءساتسىز بولۋىن بەلگىلەيتىن شەشۋشى شارا. رەفورما جاساپ، ەسىك اشقاننان كەيىن، پارتيامىز ءار سالاداعى ءتۇزىلىس رەفورماسىن ۇزدىكسىز ىلگەرىلەتىپ، زامانىمىزداعى جۇڭگونىڭ مەملەكەت جاعدايىنا ۇيلەسەتىن، ومىرشەڭدىك كۇشكە تولى ءتۇزىلىس مەحانيزمىن قالىپتاستىردى جانە دامىتتى. پارتيا 18-قۇرىلتايىنان بەرى، پارتيامىز وراسان زور ساياسي باتىلدىقپەن رەفورمانى جاپپاي تەرەڭدەتىپ، يدەيالىق كوزقاراستاعى بۇعاۋلاردى بۇزىپ، مۇددە جاعىنداعى قاتىپ-سەمگەن كوزقاراستاردى تالقانداپ، ءار جاقتاعى تۇزىلىستىك، مەحانيزمدىك كىناراتتاردى باتىل جويدى، رەفورما-ءىشىنارالىق ىزدەنىستەن، جويقىن ۇمتىلىسقا، جۇيەلى شوعىرلاندىرۋعا، جاپپاي تەرەڭدەتۋگە قاراي ىلگەرلەپ، كوپتەگەن سالالاردا تاريحي وزگەرىس، جۇيەلىك قايتا سومداۋ، تۇتاس تۇلعالىق قايتا قۇرۋ جۇزەگە اسىرىلىپ، جۇڭگو ۇلگىسىندەگى وسىزاماندانۋعا سارقىلماس قوزعاۋشى كۇش قاينارى قوسىلدى.

    ماقالادا مىنالار اتاپ كورسەتىلدى: پارتيانىڭ باسشىلىعى جۇڭگو ۇلگىسىندەگى وسىزامانداندىرۋ قۇرىلىسىنىڭ جويقىن كۇشىن ۇيىستىردى. پارتيامىز جۇڭگو ۇلگىسىندەگى وسىزامانداندىرۋ ءجۇز ميلليونداعان حالىقتىڭ ءوز ءىسى، حالىق جۇڭگو ۇلگىسىندەگى وسىزامانداندىرۋدىڭ نەگىزگى تۇلعاسى ەكەنىن، ءسوز جوق، حالىققا بەرىك سۇيەنىپ، حالىقتىڭ جاسامپازدىق رۋحىنا قۇرمەت ەتىپ، جالپى حالىقتىڭ اقىل-پاراساتى مەن كۇش-قۋاتىن جيناقتاعاندا عانا جۇڭگو ۇلگىسىندەگى وسىزامانداندىرۋدىڭ ۇزدىكسىز العا دامۋىن ىلگەرىلەتۋگە بولاتىندىعىن تەرەڭ تانىپ جەتتى.ءبىز پارتيانىڭ بۇقارالىق لۋشيانىنا تاباندى بولىپ، پارتيانىڭ نازارياسى مەن لۋشيان، باعىت، ساياساتتارىن حالىق بۇقاراسىنىڭ شىن جۇرەكتەن قولداۋىنا يە ەتۋگە كۇش سالدىق.ءبىز حالىقتىڭ تاماشا تۇرمىسقا دەگەن تالپىنىسىن كۇرەس نىساناسى ەتۋگە تاباندى بولىپ، حالىقتى وزەك ەتكەن دامۋ يدەياسىنا تاباندى بولىپ، جۇڭگو ۇلگىسىندەگى وسىزامانداندىرۋ قۇرىلىسىنىڭ جەتىستىكتەرىنەن جالپى حالىقتى اناعۇرلىم كوپ، اناعۇرلىم ءادىل يگىلىكتەندىردىك. پارتيامىز تۇتاس بارىستاعى حالىق دەموكراتياسىن دامىتىپ، حالىقتىڭ زاڭ بويىنشا ءتۇرلى جولدار مەن فورمالار ارقىلى مەملەكەت ىستەرىن، ەكونوميكا مەن مادەنيەت ىستەرىن، قوعامدىق ىستەردى باسقارۋىنا، قوجايىندىق رۋحپەن وسىزامانداندىرۋ قۇرىلىسىنا قىزۋ ىنتامەن ات سالىسۋىنا شىنايى كەپىلدىك ەتتى. پارتيامىز جۇڭگو ۇلگىسىندەگى وسىزاماندانۋ تاماشا ارمانى ارقىلى ادامداردى شابىتتاندىرىپ، ىنتالاندىرىپ، اسەرلەندىرىپ، جاپپاي سوتسياليستىك وسىزاماندانعان مەملەكەت قۇرۋدىڭ ۇلى كۇشىن ۇيىستىردى.

اۋدارعان: شالقار قازەز ۇلى