عىلىم-تەحنيكا جالپىلاستىرۋ كۇنىندەگى قيمىل الاڭدا، «زەڭگىر كوكتەگى اسقاق ارمان» اتتى كورمە رايونىندا چاڭ - ى 5 - ءنومىرلى سىناق مىندەتىن ورىنداعان قايتىمدى كابيناداعى ناقتى زاتتار مەن اي توپىراعىنان الىنعان زاتتار كورسەتىلىپ، كوپ ادامدى باۋرادى. جاستار مەن ورەندەردىڭ عىلىمعا ىنتاسىن ارتتىرۋ ٴۇشىن، نەگىزگى مايدان قيمىلدا عىلم ارقىلى ادام تاربيەلەۋ كورمە رايونى اشىلىپ، 10 مەكتەپتىڭ عىلىم-تەحنيكا قوعامدىق قيمىلى، عىلىم - تەحنيكا جارىس جەتىستىكتەرى، عىلىم - تەحنيكا ساباعىن اشۋ قاتارلىلار شوعىرلى كورسەتىلدى. بەيجيڭ قالالىق 35 ـ ورتا مەكتەپتىڭ عىلىم ـ تەحنيكا وقىتۋشىسى جاڭ مۇعالىم بىلاي دەدى: وقۋشىلاردى عىلىم جالپىلاستىرۋ كۇنى قيمىلىنا قاتىناستىرۋ ولاردىڭ عىلىم-تەحنيكانى ىشكەرلەي تۇسىنىپ، جاڭالىق اشۋ تانىمى مەن عىلمي ويلاۋ قابىلەتىن جەتىلدىرەدى . مەملەكەتتىك عىلىم - تەحنيكانى جالپىلاستىرۋ كۇنى قالىڭ عىلىم - تەحنيكا قىزمەتكەرلەرىن جانە قوعامنىڭ ٴتۇرلى سالالارىن عىلىم -تەحنيكانى جالپىلاستىرۋعا، ات سالىسۋعا جۇمىلدىراتىن،كوپشىلىككە تىكەلەي باعىتتالعان، بۇقاراعا قىزمەت وتەيتىن ماڭىزدى عىلىم-تەحنيكا جالپىلاستىرۋ قيمىلى. جۇڭگو عىلىم ـ تەحنيكا قوعامى عىلىم جالپىلاستىرۋ ٴبولىمىنىڭ ورىنباسار باستىعى پاڭ شياۋدۇڭ بىلاي دەدى: مەملەكەتتىك عىلىم -تەحنيكا جالپىلاستىرۋ كۇنى قيمىلى ٴۇرتىس 20 جىل ٴساتتى وتكىزىلدى، جەر ـ جەر، تاراۋلار وسىعان قاتىستى 400 مىڭ رەتتەن استام قيمىل وتكىزدى.

اۋدارعان: كۇلان ىرىسباي قىزى