لي چياڭ 20-كەزەكتى جۇڭگو-شىعىس وڭتۇستىك ازيا ەلدەرى وداعى كورمەسىنىڭ اشىلۋ سالتىنا قاتىناستى ءارى ءسوز سويلەدى
ءوز حابارىمىز. مەملەكەتتىك كەڭەستىڭ زۇڭليى لي چياڭ 9-ايدىڭ 17-كۇنى ناننيڭدا 20-كەزەكتى جۇڭگو-شىعىس وڭتۇستىك ازيا ەلدەرى وداعى كورمەسى جانە جۇڭگو شىعىس وڭتۇستىك ازيا ەلدەرى وداعى ساۋدا ىستەرى-قارجى قوسۋ باسشىلار ءماجىلىسىنىڭ اشىلۋ سالتىنا قاتىناستى ءارى ءسوز سويلەدى. كامبودجانىڭ باس ءۋازىرى حۇڭماناي، لاوستىڭ زۇڭليى سۇڭساي، مالايزيانىڭ زۇڭليى انۋار، ۆيەتنامنىڭ زۇڭليى فان ميڭجىڭ، يندونەزيا زۇڭتۇڭىنىڭ ورىنباسارى مارۋف، تايلاند زۇڭليىىنىڭ ورىنباسارى، ساۋدا مينيسترى پۋتان، شىعىس وڭتۇستىك ازيا ەلدەرى وداعىنىڭ باس حاتشىسى گاۋ جينحۇڭ، سونداي-اق جۇڭگو، شىعىس وڭتۇستىك ازيا ەلدەرى وداعى سياقتى ەلدەر مەن رايونداردىڭ ونەركاسىپ-ساۋدا سالاسىنىڭ ۋاكىلدەرىنەن 1200 دەي ادام قاتىناستى.
لي چياڭ بىلاي دەدى: جۇڭگو مەن شىعىس وڭتۇستىك ازيا ەلدەرى وداعىنىڭ قاتىناسى ازيا-تىنىق مۇحيت رايونى سەلبەستىگىندەگى ەڭ ءساتتى جانە ەڭ ومىرشەڭ ۇلگىگە اينالدى، بۇل وڭاي قولعا كەلمەگەن، وعان ءارقايسى جاقتاردىڭ ورتاق قۇلشىنىسى سىڭىرىلگەن، مۇندا مىناداي ماندىك ىشكى وزەك مەن باستان-اياق جالعاسقان نەگىزگى جەلى بار، ول ءتوراعا شي جينپيڭ ەگجەي-تەگجەيلى جيناقتاعان "ەتەنە باۋىرمال بولۋ، ادال بولۋ، تيىمدىلىك جاساۋ، كەڭ پەيىل بولۋ" دەگەن ءسوز. بۇل ءسوز جۇڭگونىڭ توڭىرەكتىك ديپلوماتيا باعىتىنىڭ نەگىزگى بەتالىسى، ءارى تاتۋ كورشىلىك، دوستىق قاتىناس جولى، ونان دا ماڭىزدىسى، ءبىزدىڭ كوركەم بولاشاقتى بىرگە جاراتۋىمىزدىڭ ماڭىزدى اسىلى. ءبىز وسى ءتورت ءسوزدى امالياتتا ايگىلەۋگە اناعۇرلىم زور كۇش سالۋىمىز كەرەك.
ءبىرىنشى، "ەتەنە باۋىرمالدىقتى" اناعۇرلىم ويداعىداي امالياتتا ايگىلەپ، سۇيىسپەنشىلىكتىڭ توعىسۋىن اناعۇرلىم تەرەڭدەتۋ. جۇڭگو شىعىس وڭتۇستىك ازيا ەلدەر وداعىمەن مادەنيەت، ساياحات، جاستار سياقتى سالالارداعى سەلبەستىكتى كەڭەيتىپ، حالىقتىڭ ءوزارا ءتۇسىنىسۋىن، ەتەنە بولۋىن ۇزدىكسىز كۇشەيتۋدى قالايدى. ەكىنشى، "ادالدىقتى" اناعۇرلىم ويداعىداي امالياتتا ايگىلەپ، سەنىمدىلىك نەگىزىن اناعۇرلىم بەكەمدەۋ. جۇڭگو شىعىس وڭتۇستىك ازيا ەلدەر وداعىنداعى ەلدەرمەن بىرگە سەنىمدىلىككە ءمان بەرىپ، ۋادەسىندە تۇرىپ، ءار سالاداعى سەلبەستىكتى ورىستەتۋدى قالايدى. ءۇشىنشى، "تيىمدىلىك جاساۋدى" اناعۇرلىم ويداعىداي امالياتتا ايگىلەپ، مۇددە دانەكەرىن ونان ارى بەكەمدەۋ. جۇڭگو شىعىس وڭتۇستىك ازيا ەلدەر وداعىنداعى ەلدەردىڭ باسىمدىققا يە ەرەكشە ونىمدەرىن يمپورت ەتۋدى كەڭەيتىپ، اناعۇرلىم ورنىقتى، ىركىلىسسىز وڭىرلىك كاسىپ تىزبەگىمەن قامداۋ تىزبەگىن ورناتۋدى قالايدى. ءتورتىنشى، "كەڭ پەيىلدىلىكتى" اناعۇرلىم ويداعىداي امالياتتا ايگىلەپ، ەسىك اشۋ ءورىسىن ونان ارى كەڭەيتۋ. جۇڭگو "ءبىر بەلدەۋ، ءبىر جولدى" بىرگە قۇرۋ دارىپتەمەسىنىڭ ءار ەلدىڭ دامۋ ستراتەگياسىمەن اناعۇرلىم ويداعىداي ۇشتاسۋىن ىلگەرىلەتەدى.
لي چياڭ كورمەنىڭ اشىلعاندىعىن جاريالادى ءارى سيلى قوناقتارمەن بىرگە كورمەنى اشتى.
اشىلۋ سالتىنان كەيىن لي چياڭ جۇڭگو-شىعىس وڭتۇستىك ازيا ەلدەرى وداعى كورمەسىنىڭ كورمە سارايىن ارالادى ءارى كورمەگە قاتىناسقان ورىنداردىڭ جاۋاپتىلارىمەن پىكىر اۋىستىردى.
ۋ جىڭلۇڭ، گاۋ يۇنلۇڭ قاتىستى قيمىلدارعا قاتىناستى.
اۋدارعان: گۇلنۇر قابىلقاق قىزى
