لي چياڭ مالايزيانىڭ زۇڭليىمەن كەزدەستى
ءوز حابارىمىز. مەملەكەتتىك كەڭەستىڭ زۇڭليى لي چياڭ 9-ايدىڭ 17-كۇنى ناننيڭدا مالايزيانىڭ زۇڭليى انۋارمەن كەزدەستى.
لي چياڭ بىلاي دەدى: بيىل 3-ايدا ءتوراعا شي جينپيڭ سىزبەن جۇڭگو-مالايزيا تاعدىرلاس ورتاق تۇلعاسىن بىرگە قۇرۋ جونىندە ماڭىزدى ورتاق تانىمعا كەلدى. جۇڭگو مالايزيامەن بىرگە ەكى ەل باسشىلارىنىڭ ماڭىزدى ورتاق تانىمىن جەتەكشى ەتىپ، ۇرپاقتان-ۇرپاققا جالعاسقان دوستىقتى جالعاستىرىپ جانە تەرەڭدەتىپ، ساياسي ءوزارا سەنىمدىلىك دەڭگەيىن جوعارىلاتىپ، دامۋ ستراتەگياسىن ۇشتاستىرۋدى كۇشەيتىپ، "ءبىر بەلدەۋ، ءبىر جولدى" ۇزدىكسىز جوعارى ساپامەن بىرگە قۇرىپ، "ەكى ەل قوس باقشاسى"، شىعىس تەڭىز جاعالاۋى تەمىر جولى سياقتى جۇڭگو-مالايزيا سەلبەستىگىنىڭ باستاماشى نىساندارىن ويداعىداي تياناقتاندىرىپ، جاڭا ەنەرگيالى اۆتوموبيل، سيفرلى ەكونوميكا سياقتى سەلبەستىكتىڭ جاڭا ارتۋ تۇيىندەرىن قالىپتاستىرىپ، گۋمانيتارلىق اۋىس-كۇيىستى ونان ارى كۇشەيتىپ، ەكى جاق سەلبەستىگىن ۇزدىكسىز كەڭەيتىپ، ساپاسىن جوعارىلاتىپ، ەكى ەل حالقىن اناعۇرلىم ويداعىداي باقىتقا كەنەلتۋدى ءارى ءوڭىردىڭ ورنىقتىلىعى مەن گۇلدەنۋىنە اناعۇرلىم زور ۇلەس قوسۋدى قالايدى.
انۋار بىلاي دەدى: مالايزيا ءتوراعا شي جينپيڭ العا قويعان الەمدىك دامۋ دارىپتەمەسىن، الەمدىك حاۋىپسىزدىك دارىپتەمەسىن، الەمدىك وركەنيەت دارىپتەمەسىن ايرىقشا القايدى، جۇڭگومەن ءار سالاداعى سەلبەستىكتى اناعۇرلىم كۇشەيتىپ، وركەنيەتتەردىڭ اۋىس-كۇيىسىن، ءوزارا ۇلگى الۋىن تەرەڭدەتىپ، اناعۇرلىم قۋاتتى مالايزيا-جۇڭگو قاتىناسىن تۇلعالاۋدى قالايدى.
ۋ جىڭلۇڭ كەزدەسۋدە بىرگە بولدى.
اۋدارعان: گۇلنۇر قابىلقاق قىزى
