كۇن مەن ٴتۇننىڭ كۇزگى تەڭەلۋ مەزگىلى تاياپ قالدى.بۇل ارا ىشكى موڭعۇلدىڭ وردوس قالاسى دالات حوشۇنى ىنگىبەي قالاشىعى ليۋزىگادان قىستاعى. سەلبەستىك كووپەراتيۆىنىڭ جاۋاپتىسى ليۋ حاييان قىستاق تۇرعىندارىن جەردى جارناعا قوسىپ، ليۋزىگادان قىستاعى مەن ىرگەلەس ۇلان قىستاعىنداعى 857 مۋ جەردى بىرىكتىرىپ، ٴبىر تۇتاس ەگىن ەگۋ، ٴبىر تۇتاس مايسا جەتىلدىرۋ، ٴبىر تۇتاس باسقارۋ، ٴبىر تۇتاس ٴونىم الۋ، ٴبىر تۇتاس ساتۋ ارقىلى جىل سوڭىندا پايدا بولىسۋگە شابىتتاندىردى.

    ٴونىم مول الىنعاندىقتان، اتىزداعى ەڭبەكشىلەردىڭ ەزۋىنەن كۇلكى كەتپەي، ايىرىقشا قۋانىشتى كوڭىل كۇيمەن جۇمىس ىستەۋدە. جۇك اۆتوموبيلى اتىز باسىنا باياۋ توقتاپ، اسقاباقتار داعارلانىپ، ماشيناعا تىيەلدى. ٴار ماشيناعا 70 مىڭ جىڭداي اسقاباق باسىلادى، كۇنىنە 10 نەشە ماشينا جونەلتىلەدى. ليۋ حايياننىڭ كەۋدەسىن ماقتانىش كەرنەدى، ول 2016 ـ جىلى ارنايى شاندۇڭ ولكەسىنىڭ شوۋگۋاڭ اۋدانىنا بارىپ تەكسەرۋ جۇرگىزگەندە، بازاردا ەرەكشە ٴوتىمدى بولعان «بەي بەي» اتتى اسقاباق تۇقىمىنا نازارى ەرەكشە اۋعان ەدى.

    2020 ـ جىلدىڭ سوڭىندا ىنگىبي قالاشىعىنىڭ بەيبەي اسقاباعى ۋاكىل بولعان "دالات اسقاباعى" اۋىل شارۋاشىلىعى، اۋىل ـ قىستاق مينيسترلىگى جاعىنان مەملەكەتتىك ايگىلى، ەرەكشە، ساپالى، جاڭا اۋىل شارۋاشىلىق ونىمدەرى تىزىمدىگىنە ەنگىزىلدى. بيىل حاييان سەلبەستىك كووپەراتيۆى 1830 رەت كەلىسىم جاساسىپ، توقتام سوماسى 84 ميلليون يۋانعا جەتىپ، 298 شارۋا وتباسىنىڭ جىلدىق كىرىسىن 30 مىڭ يۋاننان اسىردى.

اۋدارعان: شالقار قازەز ۇلى