"18 - قىركۇيەك" وقيعاسى تۋىلعان لياۋنيڭ ولكەسىنىڭ شىنياڭ قالاسىندا "18 - قىركۇيەك" وقيعاسىن ەستەن شىعارماۋ دابىلىن قاعۋ سالتى بۇگىن ساعات 9 مولشەرىندە "18 - قىركۇيەك" تاريحي مۇراجايىنىڭ قالدىق ەسكەرتكىش الاڭىندا وتكىزىلەدى. دابىل 14 رەت سوعىلادى، بۇل جۇڭگو حالقىنىڭ جاپون شاپقىنشىلارىنا قارسى سوعىستىڭ 14 جىلدىق ماشاقاتتى بارىسىن بەينەلەيدى. دابىل سوعىلعاننان كەيىن شىنياڭ ولكەسى مەن لياۋنيڭ ولكەسىندەگى 13 قالا اۋە شابۋىلىنان قورعانۋ سيگنالىن 3 مينۋت شالادى.

    جيلين ولكەسىنىڭ پانشى قالاسىندا بۇگىن "18-قىركۇيەك" وقيعاسىن ەسكە ٴتۇسىرۋ جانە جۇڭگو كوممۋنيستىك پارتياسىنىڭ جاپون شاپقىنشىلارىنا قارسى قارۋلى قوسىنى قۇرىلعاندىعىنىڭ 92 جىلدىعىن ەسكە ٴتۇسىرۋ قيمىلى وتكىزىلەدى. شىعىس سولتۇستىكتەگى جاپونعا قارسى بىرىككەن ارميا قاھارمان قۇرباندارى ۇرپاقتارىنىڭ ۋاكىلدەرى مەن قوعامنىڭ ٴار سالاسىنداعى بۇقارادان 500 دەن استام ادام قيمىلعا قاتىناسادى.

    حيلۇڭجياڭ ولكەسىنىڭ حاربيىن قالاسىندا بۇگىن جاپون شاپقىنشىلارىنا قارسى شىعىس سولتۇستىك بىرىككەن ارمياسى قاھارماندارى ۇرپاقتارىنىڭ ازا ٴبىلدىرۋ قيمىلى وتكىزىلەدى.

    "18 ـ قىركۇيەك" وقيعاسى تۋىلعاندىعىنىڭ 92 جىلدىعىن ەسكە ٴتۇسىرۋ بايلانىسىمەن، شىعىس سولتۇستىك جۇڭگو قۇرباندار ەسكەرتكىش سارايى جۋىقتا تۇڭعىش رەت مەملەكەتتىك 1 ـ دارەجەلى مادەني مۇرا __ جۇڭگوعا شاپقىنشىلىق جاساعان جاپون ارمياسىنىڭ سوعىستا قازا بولعاندارعا ارناپ سالعان ەسكەرتكىش مىس تاقتاسىنىڭ ٴتول نۇسقاسىن كورمەگە قويدى. حيلۇڭجياڭ ولكەسىنىڭ حىگاڭ كەن رايونىنان اكەلىنگەن بۇل ەسكەرتكىش مىس تاقتا جۇڭگوعا شاپقىنشىلىق جاساعان جاپون ارمياسىنىڭ قىلمىستى ارەكەتىنىڭ بۇلجىماس فاكتى.

اۋدارعان: شالقار قازەز ۇلى