ءوز حابارىمىز. مەملەكەتتىك كەڭەستىڭ اقپارات كەڭسەسى 3-ايدىڭ 26-كۇنى اقپارات جاريالاۋ ءماجىلىسىن اشىپ، بىلاي دەپ تانىستىردى: بيىل الدىڭعى ەكى ايدا ەلىمىزدىڭ ىشكى-سىرتقى ساۋداسىنىڭ اينالىمى جالپى جاقتان ورنىقتى بولدى، ونەركاسىپ ەكونوميكاسى جاقسارۋعا بەت الدى، يمپورت-ەكسپورت جالپى سوماسى تاريحتاعى ۇقساس مەزگىلدەگى ەڭ جوعارى دەڭگەيگە جەتتى. بيىل الدىڭعى 2 ايدا ەلىمىزدىڭ قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى 8 تريلليون 100 ميلليارد يۋانعا جەتىپ، وتكەن جىلدىڭ ۇقساس مەزگىلىندەگىدەن %5.5 ارتتى. ساۋدا ىستەر مينيسترىنىڭ ورىنباسارى گو تيڭتيڭ بىلاي دەدى: اۆتوموبيل، ءۇي جيھازدارى سياقتى جالپىلىق تۇتىنۋ ورنىقتى جاقسارىپ، حابارلاسۋ اسپاپتارى مەن اۆتوموبيلدەردىڭ بولشەك ساتىلۋ سوماسى وتكەن جىلدىڭ ۇقساس مەزگىلىندەگىدەن جەكە-جەكە %16.2 جانە %8.7 ارتتى؛ مەرەكە دەمالىس كۇندەرىندەگى تۇتىنۋ   قىزمەت وتەۋ تۇتىنۋىنىڭ كومەسكى كۇشىن اشتى، اس-سۋ كىرىسى  ۇقساس مەزگىلىدەگىدەن %12.5 ارتىپ، تۇتىنۋ بازارىن  ۇزدىكسىز قالپىنا كەلتىرۋدەگى ماڭىزدى فاكتورعا اينالدى.

 

ءوندىرىس جاعىندا، 1-ايدا جانە 2-ايدا جاساۋ كاسىبىنە قوسىلعان قارجى ۇقساس مەزگىلىدەگىدەن %9.4 ارتىپ، ارتۋ قارقىنى وتكەن جىلدىڭ ۇقساس مەزگىلىندەگىدەن 2.9 پايىز تەزدەدى. كولەمدەنگەن جوعارى تەحنيكالى جاساۋ كاسىبىنىڭ ارتقان قۇنى وتكەن جىلدىڭ ۇقساس مەزگىلىندەگىدەن % 7.5 ارتىپ، ءۇرتىس 3 اي جەدەل ارتتى. ونەركاسىپ جانە ينفورماتسيالاندىرۋ مينيسترلىگىنىڭ اقپارات مالىمدەمەشىسى، باس ينجەنەرى جاۋ جىگو بىلاي دەدى: بيىل جاساندى زەيىن  مەن ۇشتاستىرۋ قيمىلى ورىستەتىلىپ، جاساندى زەيىننىڭ جاڭاشا ونەركاسىپتەنۋگە دەم بەرۋى جەبەلەدى. ءونىم رەسمي وندىرىسكە قوسىلۋدان بۇرىنعى وسىزاماندانعان سىناق  قابىلەتىن جەدەل قۇرۋدا مەملەكەتتىك جاساۋ كاسىبىندە جاڭالىق اشۋ ورتالىعىنان، سىناق ەتۋ، دالەلدەۋ تەكشەسىنەنبىر توبىن جاڭادان قۇرۋ كەرەك.

 

سىرتقى ساۋدا جاعىندا، 1-ايدا جانە 2-ايدا يمپورت ەكسپورت جالپى سوماسى 6 تريلليون 610 ميلليارد يۋانعا جەتىپ، تاريحتاعى ۇقساس مەزگىلدەگى ەڭ جوعارى ورەنى جاراتتى. كەدەن باس مەكەمەسى باستىعىنىڭ ورىنباسارى ۋاڭ ليڭجۇن بىلاي دەدى: جاڭا كاسىپ، جاڭا ماركا، جاڭا ۇلگى، جاڭا تەكشە سىرتقى ساۋدانىڭ تاماشا باستاماسىنا تىرەك بولدى. ساۋدا ىستەر مينيسترىنىڭ ورىنباسارى   گو تيڭتيڭ بىلاي دەدى: جاڭا كەزەكتى سىرتقى ساۋدانى ورنىقتىرۋ ساياساتتىق شارالارى ەرتەرەك شىعارىلادى جانە اتقارىلادى. كاسىپورىنداردىڭ كوپ نەگىزدى بازار اشۋىنا قولداۋ كورسەتىلىپ، شەكارا اتتاعان ەلەكتروندىق ساۋدا سياقتى جاڭا كاسىپ كۇيىنىڭ اقاۋسىز دامۋى جەبەلەدى، سونىمەن بىرگە ساپالى ونىمدەردى يمپورت ەتۋ بەلسەنە كەڭەيتىلەدى. 

 

اۋدارعان: كۇلان ىرىسباي قىزى