ءوز حابارىمىز. حالىقتىق اۆياتسيا مەكەمەسىنىڭ جاريالاعان ساندى مالىمەتىندە كورسەتىلۋىنشە، بيىل 1-توقساندا حالىقتىق اۆياتسيا تاسىمال ءوندىرىسى جاقسى باستالىپ، جولاۋشى تاسىمال مولشەرى مەن جۇك تاسىمال مولشەرى تاريحتاعى ۇقساس مەزگىلدەگى ەڭ جوعارى دەڭگەيگە جەتكەن.

 

 1-توقساندا تۇتاس كاسىپ سالاسى بويىنشا جالپى ءونىم مولشەرى 34 ميلليارد 930 ميلليون تونناعا جەتىپ، سايكەس مەزگىلدەگىدەن %45.6 ارتتى.جولاۋشى تاسىمالى جاعىندا، تۇتاس كاسىپ سالاسىنىڭ 1-توقسانداعى جولاۋشى تاسىمال مولشەرى 180 ميلليون ادام-رەتكە جەتىپ، وتكەن جىلدارداعى 1-توقسانداعى جولاۋشى تاسىمال مولشەرىنىڭ ەڭ جوعارى دەڭگەيىنە جەتىپ، ۇقساس مەزگىلدەگىمەن سالىستىرعاندا 37.7% ارتتى، جۇك تاسىمالى جاعىندا، تۇتاس كاسىپ سالاسىندا 1-توقساندا 2 ميلليون 7 مىڭ توننا جۇك تاسىمالدانىپ، سايكەس مەزگىلدەگىدەن 34.4% ارتتى. 

 

 بيىل جىل باسىنان بەرى حالىقتىق اۆياتسيا سالاسى حالىقارالىق اۋە جولى تورابىنىڭ ورنالاسۋىن جەدەل كەمەلدەندىرىپ، بارعان سايىن جيىلەگەن حالىقارالىق اۋە جولى تورابى مەن اناعۇرلىم جوعارى ونىمدە قىزمەت وتەۋ ارقىلى شەكارا اتتاعان ادامداردىڭ بارىس-كەلىسىنە قولايلىلىق جاراتتى. جۇڭگونىڭ ىشكى ولكەلەرىنەن ساۋدا ارابياعا باراتىن توتەلەي ۇشاق لەنياسى 4-ايدىڭ 16-كۇنى رەسمي ىسكە قوسىلدى. وڭتۇستىك اۆياتسيا سەرىكتىگى سولتۇستىك جۇڭگو تيجارات ورتالىعىنىڭ ورىنباسار باس ديرەكتورى چىن ليڭ بىلاي دەدى: بەيجيڭنەن ريادقا باراتىن اۋە لەنياسىندا اپتاسىنا ەكى رەت ۇشاق قاتىنايدى، بازاردىڭ قالپىنا كەلۋى جانە ءونىم تۇرىنىڭ مولايۋىنا بايلانىستى كەزەكشى ۇشاقتاردىڭ سانى دا ارتاتىن بولادى.

 

اۋدارعان: نازار ءارىپ ۇلى