ءوز حابارىمىز. جەر-جەر اۋىل شارۋاشىلىعىنداعى جاڭا ساپالى وندىرگىش كۇشتەردى جەرگىلىكتى جاعدايعا قاراي دامىتىپ، زات اينالىم تورابى، ءىرى ساندى مالىمەت، بۇلتتىق تەكشە سياقتى جاڭا تەحنيكالاردىڭ اۋىل شارۋاشىلىعىمەن ىشكەرىلەي توعىسۋىن ىلگەرىلەتىپ، كوكتەمگى ەگىستى، كوكتەمگى اتىز-ارىق باپتاۋدى اناعۇرلىم زەيىندەستىرىپ، مول ءونىم الۋعا بەرىك نەگىز قالادى.

 

 تاياۋدان بەرى، اقسۋ قالاسىندا 130 مىڭ مۋ جەرگە ءداندى جۇگەرى جاپپاي ەگىلە باستادى. اقسۋ قالاسى ليۋيۋان قالاشىعى تيانحاي قىستاعىنداعى ءبىر ەگىس اتىزىندا بەيدوۋ باعىتتاۋىش جۇيەسى ورناتىلعان ءبىر تۇلعالانعان ەگىس ماشيناسى الدىن الا بەلگىلەنگەن جەلى بويىنشا جۇگەرى ەگۋدە. ەگىنشى شى ميڭكۇڭ بىلاي دەدى: بۇرىن 300 مۋ جەرگە تۇقىم سىڭىرۋگە 4 تە 5 كۇن ۋاقىت كەتەتىن، قازىر 3 كۇندە بىتىرۋگە بولادى، تۇقىم ءسىڭىرۋ ۋاقىتى جانە ادام كۇشى مەن زاتتىق كۇش ۇنەمدەلدى. تۇقىم دا ءبىرشاما ءدال ەگىلىپ، جەردىڭ پايدالانىلۋ مولشەرى جوعارىلادى.

 

 بايىنعولين موڭعۇل اۆتونوميالى وبلىسىنداعى 150 مىڭ مۋدان استام جەردەگى پاميدوردى كوشىرىپ ەگۋ قىزمەتى كەزەكتە تارتىپپەن جۇرىلۋدە. حوشۇت اۋدانى سۋحات اۋىلىنداعى پاميدور اتىزىندا نەشە ۇلكەن ات كۇشىندىك تراكتور پاميدوردى كوشىرىپ ەگۋ ماشيناسىن سۇيرەپ ارلى-بەرلى قايشالىسۋدا. جۇمىسشىلار مايسانى مايسا قورابىنا سالسا بولعانى، پاميدوردى كوشىرىپ ەگۋ ماشيناسى شۇڭقىر قازۋ، مايسا ەگۋ، توپىراق جابۋ سياقتى بارىستاردى ءبىر جولدا بىتىرەدى، بۇل كوشىرىپ ەگۋ ونىمدىلىگىن بارىنشا جوعارىلاتتى. حوشۇت اۋداندىق اۋىل شارۋاشىلىعى، اۋىل-قىستاق مەكەمەسىنىڭ اۋىل شارۋاشىلىق تەحنيكاسىن جالپىلاستىرۋ زەرتتەرمەنى گى شىڭ-ۋ بىلاي دەدى: بيىل حوشۇت اۋدانىندا 50 مىڭ مۋداي جەرگە پاميدور ەگىلدى، ءبىز 251 ماشينامەن مايسانى كوشىرىپ ەكتىك، بۇل مايسانىڭ رەتتى بولۋىنا كەپىلدىك ەتىپ قالماستان، مايسانىڭ تامىر جۇيەسىنىڭ توپىراققا تەرەڭ تامىر تارتۋىنا دا ءتيىمدى.

 

 قازىر حىناندا 85 ميلليون مۋ جەردەگى ءبيدايى ماساعى شاشاقتانىپ، گۇل اشۋ مەزگىلىنە ءوتتى. شياڭچىڭ قالاسى بيىل "زەردەلى استىق اتىزى" ينفورماتسيالاندىرۋ جۇيەسىن العا قويدى، تەحنيكالىق جاۋاپتى شاڭ يان بىلاي دەدى: جاقىن ماڭداعى باقىلاۋ-تەكسەرۋ تۇيىندەرى جيناقتاعان ساندى مالىمەتتەر زات بايلانىس تورابى ارقىلى دەرەۋ زەردەلى تۇعىرعا جەتكىزىلەدى.ءبىز ءتۇرلى مالىمەتتەرگە تالداۋ جاساۋ ارقىلى اۋا رايى، توپىراقتىڭ دىمقىلدىعى سياقتى ساناقتاردى ءىرى ساندى مالىمەتتەردى ءبىر جاقتى ەتۋ ورتالىعىنا جولدايمىز، ونان سوڭ اۋىل شارۋاشىلىق ماماندارى ەگجەي-تەگجەيلى باسقارۋ جوباسىن العا قويادى، ناق مايدانداعى قىزمەتكەرلەر ەگجەي-تەگجەيلى ولشەم بويىنشا قاتاڭ اتقارادى، بۇل ءبيداي اتىزىن باعىپ-باپتاۋعا كوپتەگەن قولايلىلىق اكەلدى. 

 

 شانشي ولكەسىنىڭ جىچۋان قالاشىعى چىنسۇن قىستاعى بيىل اۋىل شارۋاشىلىق ماشينالارىنا قىزمەت وتەۋ اترەتىن قۇرىپ، 350 شارشى مەتردەن استام اۋىل شارۋاشىلىق ماشينالارى قامباسىن قۇرىپ، وسىمدىك قورعاۋ ۇشقىشسىز ۇشاعى سياقتى 10 نەشە جاڭاشا اۋىل شارۋاشىلىق ماشينا جابدىقتارىن ازىرلەپ، ەگىس داقىلدارىن ولشەمدەندىرىپ ەگۋ دەڭگەيىن ءونىمدى جوعارىلاتتى.

 

اۋدارعان: گۇلنۇر قابىلقاق قىزى