ينفورماتسيا اشكەرەلەۋ: mzjubao@cnr.cn

ماڭىزدى حابارلار

ەلىمىز 900 ميلليارد يۋانعا جۋىق قارجى قوسىپ، مەملەكەتتىڭ ءتۇيىندى ەكولوگيالىق فۋنكتسيالىق رايوندارىن قورعاۋدى ىلگەرىلەتتى

来源:جۇڭگو قازاق راديو تورابى     |责编:巴特勒|     发布日期: 2024-05-14 15:13
ءوز حابارىمىز. قازىرگە دەيىن ەلىمىز 900 ميلليارد يۋانعا جۋىق اۋدارىپ تولەۋ قارجىسىن قوسىپ، سۋدىڭ سارقىلۋىنىڭ، توپىراقتىڭ شايىلۋىنىڭ الدىن الۋ، سۋ قاينارىن ساقتاۋ، بوراننان ساقتانىپ، قۇمدى تىزگىندەۋ جانە ورگانيزمدەردىڭ الۋان تۇرلىلىگىن قورعاۋ سياقتى مەملەكەتتىڭ ءتۇيىندى ەكولوگيالىق فۋنكتسيالىق رايوندارىن قورعاۋ تەبىنىن ارتتىردى.
 
مەملەكەتتىڭ ءتۇيىندى ەكولوگيالىق فۋنكتسيالىق رايونى − مەملەكەتتىڭ ماڭىزدى ەكولوگيالىق حاۋىپسىزدىك قالتقىسى. 2008-جىلدان باستاپ ورتالىق قازىنا مەملەكەتتىڭ ءتۇيىندى ەكولوگيالىق فۋنكتسيالىق رايوندارىنا قارجىنى اۋدارىپ تولەۋ ساياساتىن اتقارا باستادى. قارجىنى ناقتى تياناقتاندىرۋ ءۇشىن، ەكولوگيالىق ورتا مينيسترلىگى قازىنا مينيسترلىگىمەن بىرگە 20 نەشە ءتۇرلى باسقارۋ ءادىسىن شىعاردى، بۇل ەكولوگيالىق ورتا ساپاسىن باعالاۋ، باقىلاۋ، مولشەرلەۋ سياقتى جاقتارعا سايادى، «اقشا جۇمساپ ونىمدىلىكتى قۋزاستىرۋ، ءونىمسىزدىكتى جاۋاپقا تارتۋ» سىندى قىزمەت ناتيجەسىن باعالاۋ مەحانيزمى قالىپتاستىرىلدى. قازىرگە دەيىن ەلىمىز 900 ميلليارد يۋانعا جۋىق اۋدارىپ تولەۋ قارجىسىن قوستى، بۇل 810 اۋدان وڭىرىندەگى شامامەن 4 ميلليون 840 مىڭ شارشى كيلومەتر اۋماققا سايىپ، قۇرلىق ءوڭىرى جەر كولەمىنىڭ % 50.4 ىن ۇستايدى.
 
كەزەكتە ەلىمىزدەگى ءتۇيىندى ەكولوگيالىق فۋنكتسيالىق رايونداردىڭ ەكولوگيالىق ساپاسى 1-، 2-تۇردەگى تاماشا جاعدايعا جەتكەن اۋدان ءوڭىرى % 85.8 تى ۇستاپ، بۇكىل ەل بويىنشا ورتاشا قۇنىنان 22.9 پايىز جوعارى بولدى.
باقىلاۋ-تەكسەرۋ، باعالاۋدىڭ دالدىگىن جوعارىلاتۋ ءۇشىن، ەكولوگيالىق ورتا مينيسترلىگى «اسپان، كەڭىستىك، جەر» ءبىر تۇلعالانعان اۋدان كولەمىندەگى ەكولوگيالىق ورتانى باقىلاۋ- تەكسەرۋ تورابىن قۇردى. ورماندى جەر، جايىلىم، سۋ ايدىنى، سازدىق سياقتى جاراتىلىستىق ەكولوگيالىق تيپتىك جەرلەرگە باعىتتاي وتىرىپ، جوعارى انىقتىقتاعى جاساندى سەرىكتىڭ الىستان اڭعارۋ كەسكىنىنەن پايدالانىپ باقىلاۋ-تەكسەرۋ جۇرگىزۋدى جۇزەگە اسىردى.
 
ءىشىنارا جاراتىلىستىق ەكولوگيالىق وزگەرىستەرگە سايكەس، ۇشقىشسىز ۇشاقپەن الىستان باقىلاپ، ەگجەي-تەگجەيلى تەكسەرۋ جۇرگىزىپ، جۇيەلى، سترەولدى، يكەمدى باقىلاۋ-تەكسەرۋدى جۇزەگە اسىردى. 
 
ەكولوگيالىق ورتا مينيسترلىگىنىڭ اقپارات مالىمدەمەشىسى پەي شياۋفي بىلاي دەدى: كورىكتى جۇڭگو قۇرىلىسىنا ۇيلەسەتىن باقىلاۋ-تەكسەرۋ جۇيەسىن جەدەل ورناتۋ كەرەك. ەكولوگيالىق ورتانى باقىلاۋ-تەكسەرۋ قىزمەتى ەكولوگيالىق ورتانى قورعاۋدىڭ ماڭىزدى نەگىزى. 14-بەسجىلدىق كەزىندە ەلىمىز بۇكىل جەر شارىنداعى كولەمى ەڭ ۇلكەن، فاكتورلارى تولىق، ورنالاسۋى عىلمي، ۇيلەسىمدى ەكولوگيالىق باقىلاۋ-ولشەۋ تورىن قۇردى، قازىر مەملەكەت بويىنشا تىكەلەي باقىلاۋ-ولشەۋ پۋنكتتەرىنىڭ سانى 33 مىڭعا جەتىپ، باقىلاۋ-ولشەۋدىڭ ساپاسى، ونىمدىلىگى اناعۇرلىم جوعارىلاپ، تەحنيكالىق قابىلەتى ۇزدىكسىز كۇشەيىپ، باقىلاۋ-باسقارۋ تەبىنى ۇزدىكسىز ارتىپ، ەكولوگيالىق ورتانى قورعاۋ قىزمەتىنە ماڭىزدى تىرەك ازىرلەدى. قازىر جانە بۇدان بىلايعى ءبىر مەزگىلدە، تاۋدىڭ باسى مەن ەتەگى، جەر قويناۋى، سۋ جاعالاۋى، قالا، اۋىل-قىستاق، قۇرلىق، تەڭىز-مۇحيت، سونداي-اق اعارلاردىڭ جوعارعى، تومەنگى اعارىنداعى ەكولوگيالىق ورتانىڭ ءارقايسى فاكتورلارى ءبىر تۇتاس ويلاستىرىلىپ، ءبىر تۇلعالانعان باقىلاۋ-تەكسەرۋ قابىلەتى قۇرىلىسى جان-جاقتى، تۇتاس ءوڭىر بويىنشا ىلگەرىلەتىلەدى.
 
اۋدارعان: شالقار قازەز ۇلى

中央广播电视总台 央广网 版权所有

ەلىمىز 900 ميلليارد يۋانعا جۋىق قارجى قوسىپ، مەملەكەتتىڭ ءتۇيىندى ەكولوگيالىق فۋنكتسيالىق رايوندارىن قورعاۋدى ىلگەرىلەتتى

ەلىمىز 900 ميلليارد يۋانعا جۋىق قارجى قوسىپ، مەملەكەتتىڭ ءتۇيىندى ەكولوگيالىق فۋنكتسيالىق رايوندارىن قورعاۋدى ىلگەرىلەتتى