ينفورماتسيا اشكەرەلەۋ: mzjubao@cnr.cn

ماڭىزدى حابارلار

وقۋ-اعارتۋ مينيسترلىگى نەگىزدىك وقۋ-اعارتۋ سالاسىندا ورىن تەۋىپ وتىرعان ارناعا تۇسپەگەن 12 ءتۇرلى مەكتەپ باسقارۋ جۇمىسىن ءتۇيىندى تۇردە جونگە سالادى

来源:جۇڭگو قازاق راديو تورابى     |责编:巴特勒|     发布日期: 2024-05-15 18:04
ءوز حابارىمىز. وقۋ-اعارتۋ مينيسترلىگى 5-ايدىڭ 14-كۇنى نەگىزدىك وقۋ-اعارتۋدىڭ «ارناعا ءتۇسىرىپ باسقارۋ جىلى» قيمىلىن باستادى، قيمىلدا نەگىزدىك وقۋ-اعارتۋ سالاسىندا ورىن تەۋىپ وتىرعان ارناعا تۇسپەگەن 12 ءتۇرلى مەكتەپ باسقارۋ جۇمىسى ءتۇيىندى تۇردە جونگە سالىنادى، جۇيەدەن ءتۇرلى تاسىلمەن وقۋشىلاردىڭ «ساباق ارالىعىنداعى 10 مينۋت» دەمالىسىن يەمدەنۋ، مىندەتتى وقۋ-اعارتۋ ساتىسىنداعى مەكتەپتەردىڭ ءتۇرلى جارىس كۋالىگى سياقتىلاردى وقۋشى قابىلداۋدىڭ نەگىزى ەتۋ احۋالدارى قامتىلدى. 
 
 نەگىزدىك وقۋ-اعارتۋدىڭ «ارناعا ءتۇسىرىپ باسقارۋ جىلى» قيمىلىندا نەگىزدىك وقۋ-اعارتۋعا باعىتتاي وتىرىپ، حاۋىپسىزدىك تومەنگى شەگىنىڭ بۇزىلۋى، كۇندەلىكتى باسقارۋدىڭ رەتسىز بولۋى، ۇستازدىق ءمورالدان- ۇستازدىق ستيلدەن تايۋ سياقتى 3 جاق ءتۇيىندى تۇردە جونگە سالىنىپ ارناعا تۇسىرىلەدى ءارى نەگىزدىك وقۋ-اعارتۋدى ارناعا ءتۇسىرىپ باسقارۋدىڭ 12 ءتۇرلى ۇنامسىز تىزىمدىگى ەگجەي-تەگجەيلى جاسالادى، جۇيەدەن اۋىر شىرعالاڭداردى جاسىرۋ، وتىرىك مالىمدەۋ، ۇيلەسىمدى ءبىرجاقتىلى ەتپەۋ؛ وقىتۋشىلاردىڭ وقۋشىلارعا ءتان جازاسىن قولدانۋى، ءتۇسى وزگەرگەن ءتان جازاسىن قولدانۋى، ياناتتاۋى، ۇرۋى، جىنىستىق مازالاۋى نەمەسە ادامنىڭ ار-نامىسىن تاپتايتىن باسقا دا پيعىلدار؛ مەكتەپتەگى ءالىم جەتتىلىك ءجايتتى وقىتۋشىلاردىڭ كورمەسكە سالىنۋ، ىرقىنا جىبەرۋ احۋالى؛ ءتۇرلى تاسىلدەرمەن وقۋشىلاردىڭ «ساباق ارالىعىنداعى 10 مينۋت» دەمالىسىن يەمدەنۋ، مىندەتتى وقۋ-اعارتۋ ساتىسىنداعى مەكتەپتەردىڭ وقۋشى تاڭداۋ ماقساتىندا ءتۇرلى ەمتيحانداردى ۇيىمداستىرۋى سياقتىلار جونگە سالىنادى. 
 
 وقۋ-اعارتۋ مينيسترلىگى جەر-جەردەن بۇگىننەن باستاپ وسى ارەكەت شاراسىن اتقارىپ، ۇنامسىز تىزىمدىكتى كەمەلدەندىرىپ-اشالاۋدى، ءوزىن-ءوزى جاپپاي تەكسەرىپ، رەتتەپ-تۇزەتۋدى، سونداي-اق قالا، اۋدان اتتاعان تەكسەرۋ-زەرتتەۋ جۇرگىزۋ، وقۋ-اعارتۋدى باقىلاۋ جاۋاپكەرشىلىگىن اتقارۋ، مەكتەپتەردى تەكسەرۋ سياقتى تاسىلدەر ارقىلى ارناعا ءتۇسىرىپ باسقارۋ تالابىن تياناقتاندىرۋدى بارىنشا جەبەۋدى تالاپ ەتتى. وقۋ-اعارتۋ مينيسترلىگى دەر كەزىندە باعالاۋ جۇرگىزىپ، ورىن تەۋىپ وتىرعان ماسەلەلەردى اڭىس ەتەدى جانە حابارلاندىرادى. بۇدان سىرت، ارناعا ءتۇسىرىپ باسقارۋ جىلى قيمىلىندا باقىلاۋ-اشكەرەلەۋ مەحانيزمى ورناتىلادى. وقۋ-اعارتۋ مينيسترلىگى جەر-جەردەگى وقۋ-اعارتۋ اكىمشىلىك تاراۋلارىنان وقۋ-اعارتۋدى ارناعا ءتۇسىرىپ باسقارۋ بارىسىندا بايقالعان ماسەلەلەردى اشكەرەلەۋ تەلەفونى، پوچتا ساندىعى، توراپ تەكشەسى سياقتى جولدارمەن مالىمدەۋ ارناسىن ىركىلىسسىزدەندىرۋدى جانە جاريالاۋدى تالاپ ەتتى. وقۋشىلار اتا-انالارىنىڭ، حالىق قۇرىلتايى ۋاكىلدەرىنىڭ، ساياسي كەڭەس مۇشەلەرىنىڭ جانە قوعام ءار سالاسىنىڭ مەكتەپتەردى باقىلاۋىنا كەڭىنەن جول قويىلادى. 
 
اۋدارعان: امانتاي ءمۇسايىپ ۇلى

中央广播电视总台 央广网 版权所有

وقۋ-اعارتۋ مينيسترلىگى نەگىزدىك وقۋ-اعارتۋ سالاسىندا ورىن تەۋىپ وتىرعان ارناعا تۇسپەگەن 12 ءتۇرلى مەكتەپ باسقارۋ جۇمىسىن ءتۇيىندى تۇردە جونگە سالادى

وقۋ-اعارتۋ مينيسترلىگى نەگىزدىك وقۋ-اعارتۋ سالاسىندا ورىن تەۋىپ وتىرعان ارناعا تۇسپەگەن 12 ءتۇرلى مەكتەپ باسقارۋ جۇمىسىن ءتۇيىندى تۇردە جونگە سالادى