حىنان ولكەسى جۋماديان قالاسى شيپيڭ اۋدانى لاۋۋاڭپو ەگىس الاڭىندا 4 ءىرى تۇرپاتتى كومباين مەن 5 شاعىن تۇرپاتتى كومباين جەدەل جۇمىس ىستەۋدە. جەرگىلىكتى ورىنداعى استىق ەگەتىن ءىرى وتباسى جاۋ گۇيشي بيىل 10 مىڭ مۋدان استام جەرگە ءبيداي ەكتى، ول ءىرى تۇرپاتتى كومباينعا الدىن الا تاپسىرىس بەرىپ قويعان، ماشينانىڭ ونىمدىلىگى ادەتتەگى كومبايننىڭ 4 ەسەسىندەي بولىپ، زياندى ازايتۋ، ارام ءشوپ وتاۋ قۋاتى دا بارىنشا كۇشەيدى.

جاۋ گۇيشي بىلاي دەدى: ءار كومبايىن كۇنىنە 1000 مۋ اينالاسىنداعى استىقتى جينايدى، ونىڭ ۇستىنە 5 شاعىن تۇرپاتتى كومباين قوسىلعاندا، 10 مىڭ مۋدان استام جەردەگى ءونىمدى ەكى كۇن اينالاسىندا جيىپ الادى.

 الدىمەن استىقتى قاربالاس جيىپ الۋ ناۋقانى كوتەرىلسە، سوڭىنان جەدەل ەگۋگە كۇش جۇمىلدىرىلادى. ەگىس ماشينا شوفەرى سۇڭ جينپو بىلاي دەدى: وزىق تەحنيكالى تۇقىم سەپكىشتىڭ ءتۇزۋ سىزىق پارقى 3 سانتيمەتردەن اسپايدى، سوڭعى مەزگىلدەگى ارام ءشوپ وتاۋعا جانە باسقارۋعا قولايلى بولىپ قالماستان، كۇش ۇنەمدەپ، اسا جوعارى ءونىمدى بولادى. انحۇي ولكەسى بىڭبۋ قالاسى گۋجىن اۋدانى شىحۋ اۋىلىنداعى استىق ەگەتىن ءىرى وتباسى گاۋپونىڭ ءبيداي اتىزىندا بەيدوۋ جاساندى سەرىك جۇيەسى ورناتىلعان زەردەلى كومبايىندار جۇمىس جۇرگىزۋدە، ماشينا كوپ ءتۇرلى ورۋ ينفورماتسياسىن اۆتوماتتى جيناي الادى ءارى جۇمىس ساپاسىن دەر كەزىندە باقىلاپ، ءبيدايدىڭ دالمە-ءدال ءونىم الۋىنا كەپىلدىك ەتەدى. گۋجىن اۋداندىق اۋىل شارۋاشىلىق ماشينالارى تەحنيكاسىن جالپىلاستىرۋ پۋنكتىنىڭ تەحنيگى ۋاڭ شۋەمين بىلاي دەدى: ءبيدايدى ورۋ جۇمىسىنىڭ ءونىمى ءبىرشاما جاقسى، تەكسەرۋگە قاراعاندا، ماشينامەن ورۋدا استىقتىڭ زياندالۋ مولشەرى % 0.5 بولۋى كەرەك.

 بيىل گۋجىن اۋدانىندا ءبىر ميلليون 100 مىڭ مۋ جەرگە ءبيداي ەگىلدى، 6-ايدىڭ 3-كۇنىنە دەيىن اۋدان بويىنشا ءبيداي ورۋ قارقىنى 90 %تەن استى. جەرگىلىكتى اۋىل شارۋاشىلىق تاراۋلارىنىڭ ەسەپتەۋ ناتيجەسىنە قاراعاندا، بيىل ماشينامەن ورۋدا استىقتىڭ زياندالۋ مولشەرى شامامەن % 0.65 بولعان. گۋجىن اۋداندىق اۋىل شارۋاشىلىق ماشينالارى تەحنيكاسىن جالپىلاستىرۋ پۋنكتىنىڭ جاۋاپتىسى ۋاڭ جيياڭ بىلاي دەدى: بيىل اۋدان بويىنشا ءبيدايدىڭ ءونىم الۋ قارقىنى تەز، ءونىم ساپاسى جوعارى، ءبىز بەيدوۋ باعىتتاۋىش جۇيەسى ارقىلى كومبايننىڭ ءونىم ساپاسىن جوعارىلاتۋدى جالپىلاستىردىق، اۋىل-قالاشىقتاعى اۋىل شارۋاشىلىق ماشينالارى تەحنيكتەرى اتىز باسىنا بارىپ، ءاربىر ەگىس ماشينا شوفەرلارىنىڭ جۇيەلى جۇمىس جۇرگىزۋىنە جەتەكشىلىك ەتتى .

 شاندۇڭ ولكەسى يۇيچىڭ قالاسى شاندۇڭ استىق توبى شاندۇڭ لۇبي مەملەكەتتىك استىق زاپاس قامباسىندا قىزمەتكەرلەر استىق قامباسىن تازالاپ جانە اۋا الماستىرىپ، رەتتەۋ جۇرگىزدى، سونىمەن بىرگە بارلىق استىق جەتكىزۋ جابدىقتارىن تەكسەرىپ جوندەدى. لۇبي مەملەكەتتىك استىق زاپاس قامباسى بىلتىر عانا ماقۇلداعان قامبادا ساقتاۋ دارەجەسىن جوعارىلاتۋ، قايتا قۇرۋ نىسانى استىق ساقتاۋ شىعىنىن 3 پايىزدەن تومەندەتتى، قازىر جازعى استىقتى قامبادا ساقتاۋ دايىندىق قىزمەتى نەگىزىنەن ورىندالىپ، بۇعان 10 مىڭ توننا استىق سيادى. 

 

اۋدارعان: كۇلان ىرىسباي قىزى