ءوز حابارىمىز. پالەستين يسىلام قارسىلىق قوزعالىسى حاماستىڭ مەديا كەڭسەسى 6-ايدىڭ 8-كۇنى مالىمدەمە جاريالاپ بىلاي دەدى: يزرايل ارمياسى سول كۇنى گازا رايونىنىڭ ورتا بولىمىندەگى نۋسايرايت بوسقىندار لاگەرىن قامتىعان كوپ رايونعا شابۋىل جاساپ، از دەگەندە پالەستيندىك 210 ادام قازا بولىپ، 400 دەن اسا ادام جارالاندى. قاتىستى ينفورماتسياعا نەگىزدەلگەندە، ا ق ش وسى رەتكى قىلمىستىق ارەكەتكە قاتىناسقان.

 پالەستيننىڭ زۇڭتۇڭى ابباس بىرلەسكەن مەملەكەتتەر ۇيىمى حاۋىپسىزدىك القالار كەڭەسىنىڭ شۇعىل ءماجىلىسىن اشىپ، نۋسايرايت بوسقىندار لاگەرىنىڭ شابۋىلعا ۇشىراۋ ۋاقيعاسىنىڭ ىقپالىن تالقىلاۋعا ۇندەدى. ەگيپەتتىڭ سىرتقى ىستەر مينيسترلىگى 6-ايدىڭ 8-كۇنى مالىمدەمە جاريالاپ، يزرايلدىڭ گازا ءوڭىرىنىڭ ورتا بولەگىندەگى نۋسايرايت بوسقىندار لاگەرىنە جاساعان شابۋىلىن ايىپتاپ: يزرايلدىڭ ارەكەتى حالىقارالىق زاڭداعى قاتىستى بەلگىلەمەلەرگە قايشى،-دەدى. 

 يزرايل اسكەري جانە اقپار توپتاۋ تاراۋلارىنىڭ 6-ايدىڭ 8-كۇنگى مالىمدەمەسىنە قاراعاندا، يزرايل سول كۇنى نۋسايرايىتتاعى بوسقىندار لاگەرىنەن سودان بۇرىن حاماس تۇتقىنداعان يزرايلدىق 4 ادامدى قۇتقارىپ العان. يزرايل مەملەكەت قورعانىس ارمياسىنىڭ مالىمدەمەشىسى سول كۇنى يزرايل ارمياسى گازانىڭ ورتا بولىمىندەگى نۋسايرايىت بوسقىندار لاگەرىندە قولعا الىنعانداردى قۇتقارۋ ارەكەتىن ورىستەتكەندىگىن، پالەستين جاقتان جارالانعاندار، ولگەندەر سانى جۇز ادامنان اسپايتىندىعىن ايتتى.

 يزرايل ارمياسى گازادا قولعا الىنعان ءتورت ادامدى قۇتقارعاننان كەيىن، يزرايلدىڭ سوعىس مەزگىلىندەگى بيلىك كەڭسە مۇشەسى گانتس شۇعىل بىرلەسپە ۇكىمەتتەگى قىزمەتتەن قازىرشە كەتپەيتىندىگىن، 6-ايدىڭ 8-كۇنگى لەكسياسىن كۇشىنەن قالدىراتىندىعىن جاريالادى.

 فرانسيانىڭ زۇڭتۇڭى ماكرون 6-ايدىڭ 8-كۇنى استانا پاريجدا ساپارلاي بارعان ا ق ش-نىڭ زۇڭتۇڭى بايدەنمەن كەڭەس وتكىزدى، ەكى جاق گازادا سوعىستى دەرەۋ، لەزدە توقتاتىپ، پالەستين-يزرايل ماسەلەسىن ساياسي جولمەن شەشۋ بارىسىن باستاۋعا ۇندەدى. ماكرون بىلاي دەدى: يزرايل حالىقارالىق قوعامنىڭ كۇشتى تالابى الدىندا، بارلىق شەكارالىق وتكەلدەردى اشپاي، ادامگەرشىلىك كومەكتى گازا وڭىرىنە جەتكىزبەي وتىر، گازا ءوڭىرىنىڭ وڭتۇستىگىندەگى رافانىڭ جاعدايى مەن ءولىم-ءجىتىم جاعدايى توتەنشە ايانىشتى. بايدەن بىلاي دەدى: ا ق ش بارلىق قاماۋعا الىنعاندار بوساتىلعانعا جانە سوعىس توقتاعانعا دەيىن قىزمەتىن جالعاستىرا بەرەدى.

 

اۋدارعان: گۇلنۇر قابىلقاق قىزى