ءوز حابارىمىز. 12-ايدىڭ 4-كۇنى 11-رەتكى مەملەكەتتىك نەگىزگى زاڭ كۇنى. بىرنەشە كۇننەن بەرى جەر-جەر، تاراۋلار ءتۇرلى فورماداعى قيمىلداردى ۇيىمداستىرىپ، نەگىزگى زاڭ بىلىمدەرىن ۇگىتتەدى، جالپىلاستىردى.

 

 12-ايدىڭ 4-كۇنى ەڭ جوعارى حالىق سوتى مەكەمەسى مەن ەڭ جوعارى حالىق پروكۋراتۋراسى جەكە-جەكە نەگىزگى زاڭعا سەرت بەرۋ سالتىن وتكىزدى، جاڭادان مىندەتكە تاعايىندالعان سۋديالار مەن پروكۋرورلار مەملەكەت تۋى مەن مەملەكەت بەلگىسىنىڭ الدىندا ايبىندى بەينەدە سەرت بەردى، ەڭ جوعارى حالىق سوتى مەكەمەسى باس سۋديالاردىڭ سوت اشۋ قيمىلىن وتكىزىپ، نەگىزگى زاڭ بىلىمدەرىن جالپىلاستىردى.ءادىليا مينيسترلىگى، وقۋ-اعارتۋ مينيسترلىگى سياقتى تاراۋلار بىرلەسىپ ۇيىمداستىرعان مەملەكەت بويىنشا تۇڭعىش توپتاعى ستۋدەنتتەردىڭ زاڭمەن باسقارۋ ۇگىت-لەكسيا قيمىلى چۇڭچيڭدە باستالىپ، ستۋدەنتتەردىڭ زاڭمەن باسقارۋ ۇگىت-تاربيەسىندەگى بەلسەندى رولىن تولىق ساۋلەلەندىردى.

 

جىجياڭ ولكەسىنىڭ حاڭجوۋ، شاندۇڭ ولكەسىنىڭ لين-ي، حىنان ولكەسىنىڭ لوياڭ، حىبەي ولكەسىنىڭ شيۇڭ-ان، جياڭشي ولكەسىنىڭ پيڭشياڭ سياقتى جەرلەرى نەگىزگى زاڭ ۇگىت-تاربيەسى قيمىلى مەكتەپ اۋلاسىندا وتكىزىلىپ، جاستار مەن ورەندەردىڭ زاڭدى جالپىلاستىرۋ الەۋمەتتىك يگىلىك قىزمەت وتەۋى، زاڭمەن باسقارۋ ۇگىت-لەكسياسى، نەگىزگى زاڭدى ۇيرەنۋ سياقتى تاسىلدەر ارقىلى وقۋشىلارعا نەگىزگى زاڭ بىلىمدەرىن جالپىلاستىرىپ، نەگىزگى زاڭ رۋحىن ساۋلەلەندىردى.

 

حۋبەيدىڭ شياڭياڭ، حيلۇڭجياڭنىڭ جيشي، چيڭحايدىڭ حولمۋرد سياقتى جەرلەرىندە جەرگىلىكتى ورىن سۋديا، پروكۋرور، نەگىزگى ساتى حالىق ساقشىلارىن ۇيىمداستىرىپ، ءمالى، كورىنىس رايونى، مال شارۋاشىلىق رايونى سياقتىلاردا اقىل-كەڭەس بەرۋ تەكشەسىن قۇرىپ، نەگىزگى زاڭ، ازاماتتىق ىستەر زاڭناماسى سياقتى بۇقارانىڭ ءوز مۇددەسىنە ساياتىن زاڭ بىلىمدەرىن ۇگىتتەپ، بۇقارا مەن ساياحاتشىلارعا زاڭدى ءتۇسىندىرىپ، كۇدىك-كۇماننان ارىلتتى.

 

 گۋاڭشيدىڭ ناننيڭ، جياڭسۋدىڭ تايجوۋ، حايناننىڭ حايكوۋ، شانشي ولكەسىنىڭ شي-ان قالاسى سياقتى جەرلەردەگى زاڭ جالپىلاستىرۋ قىزمەتكەرلەرى ەرىكتىلەردىڭ ءتۇسىندىرۋى، نەگىزگى زاڭ بىلىمدەرىنە باسەكەلەسە جاۋاپ قايتارۋ سياقتى فورمالار ارقىلى نەگىزگى زاڭ بىلىمدەرىن ۇگىتتەپ، جالپىلاستىرىپ، تۇتاس قوعامدا زاڭعا قۇرمەت ەتەتىن، زاڭدى ۇيرەنەتىن، زاڭعا بويسۇناتىن، زاڭدى قولداناتىن تاماشا اۋقىم قالىپتاستىردى. 

 

اۋدارعان: نازار ءارىپ ۇلى