ينفورماتسيا اشكەرەلەۋ: mzjubao@cnr.cn

وزەكتى ماقالالار

سەرگەلدەڭ قايىرشىلارعا قايىرىمدىلىق جاسالاتىن بولدى

来源:央广网     |责编:达吾力别克|     发布日期: 2020-03-25 18:28

11 تاراۋ: سەرگەلدەڭ قايىرشىلاردىڭ تۋىستارىن ىزدەۋىنە كومەكتەسۋ قىزمەت وتەۋ ارەكەتىن بارىنشا كۇشەيتەدى

 

ءتىلشىنىڭ 3-ايدىڭ 24-كۇنى، جۇڭگو حالىق ىستەرى مينيسترلىگىنەن ۇعىسۋىنا قاراعاندا، بىرنەشە كۇننىڭ الدىندا حالىق ىستەرى مينيسترلىگى، قوعام حاۋىپسىزدىگى مينيسترلىگى، قازىنا مينيسترلىگى سياقتى 11 تاراۋ بىرلىكتە ۇقتىرۋ شىعارىپ، بۇكىل ەل كولەمىندە سەرگەلدەڭ بولىپ قاڭعىپ جۇرگەن قايىرشىلارعا كومەكتەسۋ، باسقارۋ قىزمەت وتەۋ ساپاسىن بارىنشا جوعاىرلاتۋ ارناۋلى ارەكەتىن (تومەندە قىسقارتىلىپ ارناۋلى ارەكەت دەلىنەدى) ورىستەتىپ، قوعامدىق جونگە سالۋدى شىن مانىندە كۇشەيتىپ، سەرگەلدەڭ قايىرشىلاردىڭ زاڭدى ۇقىق- مۇددەسىن قورعاپ، جۇڭگونىڭ ءتىپتى دە كەمەلدى قۇتقارۋ، باسقارۋ قىزمەت وتەۋ قۇرىلىمىن ورناتۋدى ىلگەرىلەتۋدى بەلگىلەگەن.

 

ارناۋلى ارەكەتتىڭ باستى مىندەتى تومەندەگىدەي 6 ءتۇرلى: 

 

ءبىرىنشى: قارايلاسۋ قىزمەتىندە ولشەمگە جەتۋ ارەكەتىن جاپپاي ورىستەتۋ. ءارقايسى جەر قۇتقارۋ، كومەكتەسۋ، باسقارۋ جانە باعۋعا اماناتتاۋ قۇرىلىمدارىنىڭ كومەسكى حاۋىپ- قاتەرىن ءبىر- بىرلەپ تەكسەرىپ، كۇتىمدەۋ ورنىندا قارايلاسۋ جاۋاپكەرشىلىگىن كۇشەيتىپ، باعۋعا اماناتتالعانداردى قابىلداۋ قىزمەتىن ساتى بويىنشا، توپقا ءبولىپ ورىستەتۋ. باعىپ- قاعۋعا شىنىندا زارۋلەر بولسا، وندا الدىمەن ۇكىمەت اشقان قوعامدىق يگىلىك ورىندارىن، قارتتار كۇتىمحانالارىن، رۋحاني ساۋىقتىرۋ ورىندارىن تاڭداۋ.

 

ەكىنشى: تۋىستارىن ىزدەۋگە كومەكتەسۋ قىزمەتىن باركۇشپەن ورىستەتۋ. حالىق ىستەر تاراۋلارى قوعام حاۋىپسىزدىگى تاراۋلارىمەن بىرگە DNA ىن انىقتاۋ، ءتۇرىن تانۋ سياقتى تاسىلدەر ارقىلى ازاماتتىق ينفورماتسياسىن ساراپتاۋ كەرەك. بارلىق قۇتقارۋ- كومەك بەرۋدى باسقارۋ قۇرىلىمدارى قۇتقارۋ- كومەك بەرۋدى باسقارۋ ينفورماتسيا جۇيەسىنىڭ بەت الپەتىن پارىقتاۋ تاسىلىنەن پايدالانىپ، سارالاپ تەكسەرۋ قابىلەتى مەن ونىمدىلىگىن جوعارىلاتۋ.

 

ءۇشىنشى: كوشە ارالاپ تەكسەرۋ جانە جان- جاقتىلى جونگە سالۋ ارەكەتىن ۇزدىكسىز ورىستەتۋ. ازامات جاسىنا تولماعاندار، قارتتار، اقىل- ەسىندە كەمىستىك بارلار سياقتى ەرەكشە قۇتقارۋ وبيەكتىلەرىن الماستىرىپ ورنالاستىرۋ ءتارتىبىن، كوشە ارالاپ تەكسەرۋ ءتۇزىمىن ۇدايىلاندىرۋ، تۇزىمدەندىرۋدى ايقىنداپ، جاپپاي قامتىۋ، سايكەستى تياناقتاندىرۋ، دەركەزىندە قىزمەت وتەۋ سىندى قۇتقارۋ- كومەك بەرۋدى باسقارۋ تورابىن قۇرۋ. كوشە اماندىعىن جاپپاي جونگە سالۋدى كۇشەيتىپ، اماندىق باسقارۋ، قالا باسقارۋ سياقتى بەلگىلەمەلەرگە قايشى ارەكەتتەردى زاڭ بويىنشا ءبىرجاقتىلى ەتىپ، «زورلىقپەن قايىر تىلەۋ»، «كاسىپتىك قايىرشى» سياقتى وركەنيەتكە جات قۇبىلىستاردى ءونىمدى ازايتۋ.

 

ءتورتىنشى: نوپوسقا قوندىرۋ ارەكەتىن شوعىرلى ورىستەتۋ. ۇكىمەت نوپوسقا قوندىرۋدى بەكىتسە، نوپوس باسقارۋ ءتارتىبىن تەزدەتىپ ىسكە قوسۋ كەرەك؛ ۋاقىتشا قونىستانۋ مۇمكىن بولماسا، ءبىراق ۇزاق ۋاقىت ورنالاستىرۋ قاجەت بولعانداردى تەز ارادا ۇكىمەت قۇرعان  قارتتاردى كۇتىمگە الۋ قۇرىلىمدارى، رۋحاني اۋرۋلار شيپاحاناسى سياقتى الەۋمەتتىك يگىلىك ورىندارىنا اپارىپ كۇتىمدەۋ.

 

بەسىنشى: تۋ باستان جونگە سالۋ ارەكەتىن باركۇشپەن ىلگەرىلەتۋ. شىققان جەرى مەن بارعان جەرىندەگى قۇتقارۋ- كومەك بەرۋدى باسقارۋ قۇرىلىمدارى سەرگەلدەڭ قايىرشىلاردىڭ ينفورماتسياسىن ويداعىداي سايكەستىرىپ، شىنىندا بارار جەرى جوق پاناسىز قالعان بولسا، نوپوسى تۇرعان جەردەگى قۇتقارۋ- كومەك بەرۋدى باسقارۋ قۇرىلىمدارى ىرىقتى تۇردە قابىلداپ، لايىقتى ورنالاستىرادى. ءارقايسى قۇتقارۋ- كومەك بەرۋدى باسقارۋ قۇرىلىمدارى سەرگەلدەڭ بولىپ قاڭعىپ جۇرگەندەردىڭ ينفورماتسيا قويماسىن قۇرىپ، وزىنە قاراستى رايونداعى رۋحاني اۋرۋعا شالدىعۋشىلاردى، سالماقتى ناۋقاسى بارلاردى، قول- اياعى جانە اقىل- ەسىندە كەمىستىك بارلاردى، قايتا- قايتا سەرگەلدەڭ بولىپ قايىر تىلەۋشىلەردى وسى ينفورماتسيا قويماسىنا ەنگىزىپ، ءبىرتۇتاس باسقارادى ءارى قايتالاي تەكسەرۋ جۇرگىزەدى.

 

التىنشى: قۇتقارۋ- كومەك بەرۋدى باسقارۋ كادىرلار قوسىنىنىڭ ساپاسىن جاپپاي جوعاىرلاتۋ. ارناۋلى ارەكەت ءۇش ساتىعا بولىنەدى: 2020- جىلى 3- ايدان 4- ايعا دەيىن، اتتانىسقا كەلتىرۋ، ورنالاستىرۋ ساتىسى بولىپ، جەر- جەردە ارناۋلى ارەكەتكە باسشىلىق ەتۋ گرۋپپاسى قۇرىلىپ، 2020- جىلى 4- ايدىڭ سوڭىنان بۇرىن ارناۋلى ارەكەتتى اتقارۋ جوباسى جاسالادى؛ 2020- جىلى 5- ايدان 2021- جىلى 4- ايعا دەيىن ۇيىمدىق اتقارۋ ساتىسى بولىپ، ءارقايسى تاراۋلار قىزمەت جاۋاپكەرشىلىگىن تياناقتاندىرىپ، كۇشتى شوعىرلاندىرا وتىرىپ ارناۋلى قيمىلدى بەلسەنە ورىستەتەدى؛ 2021- جىلى 5- ايدان 6- ايعا دەيىن، تەرەڭدەتۋدى بەكەمدەۋ ساتىسى بولىپ، ناتيجە مەن تاجىريبەلەردى قورتىندىلاپ، ارناۋلى قيمىلدا بەلەڭ بەرگەن ماسەلەلەردى بەلسەنە زەرتتەپ شەشىم جاسايدى.

 

اۋدارعان: پانيگۇل اۋقىش قىزى

 

中央广播电视总台 央广网 版权所有

سەرگەلدەڭ قايىرشىلارعا قايىرىمدىلىق جاسالاتىن بولدى

11 تاراۋ: سەرگەلدەڭ قايىرشىلاردىڭ تۋىستارىن ىزدەۋىنە كومەكتەسۋ قىزمەت وتەۋ ارەكەتىن بارىنشا كۇشەيتەدى