ينفورماتسيا اشكەرەلەۋ: mzjubao@cnr.cn

وزەكتى ماقالالار

جابىعۋ اۋرۋى تۋرالى بىلەرىمىز قانشالىق؟

来源:央广网     |责编:达吾力别克|     发布日期: 2020-09-16 09:56

بۇكىل دۇنيە ءجۇزى بويىنشا 350 ميلليون ادام شالدىققان بۇل اۋرۋدى، ءسىز قازىرگە دەيىن تولىق ءتۇسىنىپ كەتپەگەن بولۋىڭىز مۇمكىن

جاقىندا، مەملەكەتتىك دەنساۋلىق ساقتاۋ سالاماتتىق كوميتەتى «جابىعۋ اۋرۋىنىڭ الدىن الۋعا جانە ونى ەمدەۋگە ەرەكشە قىزمەت وتەۋدى زەرتتەۋ قىزمەت جوباسىن» جاريالاپ، ءارقايسى ورتا مەكتەپ جانە جوعارى مەكتەپتەردەن جابىعۋ اۋرۋىن سارالاپ تەكسەرۋدى، وقۋشىلاردىڭ دەنساۋلىعىن تەكسەرۋ تۇرىنە ەنگىزۋدى؛ جۇكتىلىك مەزگىلىندەگى جابىعۋ اۋرۋىن سارالاپ تەكسەرۋدى، جۇكتىلىكتىڭ ۇنەمىلىك تەكسەرۋى مەن تۋىتتان كەيىنگى باقىلاۋ   تۇرىنە ەنگىزۋدى؛ قاراستى اۋماقتاعى قارتتاردىڭ رۋحاني سالاماتتىعىن ءار جىلى سارالاپ تەكسەرۋدى تالاپ ەتتى. بۇل جوبا جابىعۋ اۋرۋىن سارالاپ تەكسەرۋدىڭ، الدىن الۋدىڭ جانە ونى ەمدەۋدىڭ جان-جاقتىلى شەشۋ شاراسىن كورسەتىپ بەردى.

 

 

جابىعۋ اۋرۋى قازىر، راك اۋرۋىنان قالسا ادامزاتتىڭ ەكىنشى جان العىش اۋرۋىنا اينالىپ، بۇكىل دۇنيە جۇزى بويىنشا شامامەن 350 ميلليون ادام وسى اۋرۋعا شالدىققان. الايدا، كوپ ساندى ادامدار وسى اۋرۋدى شىنايى ءتۇسىنىپ كەتپەيدى؛ كەيبىرەۋلەر جابىعۋ اۋرۋىن كۇيرەۋىكتىكتىڭ، توماعا تۇيىقتىقتىڭ، شىدامسىزدىقتىڭ بەينەسى دەپ قارايدى، ءدال وسىنداي قاتە ۇعىم بولعاندىقتان، كوپتەگەن ناۋقاس ادامدار دەر كەزىندە بايقالماي جانە ەمدەلە الماي وتىر. 

 

قانەكي، ءبىز بىرنەشە حابارلاندىرۋ ارقىلى جابىعۋ اۋرۋىن قايتالاي ءتۇسىنىپ كورەيىك!

 

جابىعۋ اۋرۋى توماعا تۇيىقتىق، كۇيرەۋىكتىك ەمەس

كەيبىرەۋلەر جابىعۋ اۋرۋىن شىدامسىزدىقتىڭ بەينەسى دەپ قانا ويلايدى. ىسجۇزىندە، جابىعۋ اۋرۋى ۇنەمى كەزدەسەتىن ءبىر ءتۇرلى رۋحاني اۋرۋ، جۇيەلى ەمدەۋدى قاجەت ەتەدى، اقىل ايتۋمەن، جىگەرلەندىرۋمەن جازىلا سالمايدى. 

 

كەيبىرەۋلەر قاراماققا كۇلىمسىرەپ تۇرعانىمەن، ىشتەي قاتتى تورىعىپ جۇرەدى

جابىعۋ اۋرۋىنا شالدىققان ناۋقاستىڭ جۇزىنەن، ونىڭ «بەت-بەينەسىن» كورە المايمىز. كوپ ۋاقىتتاردا مىنەزىن اشىق-جارقىن ۇستايتىن، ۇنەمى كۇلىمسىرەپ تۇراتىن ادامدار، ىشتەي قاتتى قينالىپ جانە ازاپتانىپ جۇرۋى مۇمكىن.

 

جابىعۋ اۋرۋى ءسىز بەن بىزدەن تىم الىس ەمەس

جابىعۋ اۋرۋى قازىر، راك اۋرۋىنان قالسا ەكىنشى «جان العىشقا» اينالىپ، بۇكىل دۇنيە ءجۇزى بويىنشا شامامەن 350 ميلليون ادام وسى اۋرۋعا شالدىققان.

 

جابىعۋ اۋرۋى كوڭىل-كۇي جاقتان جابىعۋ

كوڭىل-كۇي جاقتان جابىعۋ _ ءار ءتۇرلى ساتسىزدىكتەرگە بايلانىستى بولىپ، ءبىر ءتۇرلى قالىپتى كوڭىل-كۇيگە جاتادى، تەز پايدا بولىپ، تەز جوعالادى. جابىعۋ اۋرۋىنىڭ اۋرۋ سەبەبى قازىرگە دەيىن انىق ەمەس، ءارى ادامعا ۇزاق ۋاقىتتار بويى ىقپال كورسەتەدى.

 

قاتەردى سەزە قالساڭىز ءسال قاراماڭىز، اۋرۋ بەلگىسى بايقالا قالسا شيپاگەرگە كورىنىڭىز

جابىعۋ اۋرۋىنىڭ بىرنەشە ءتۇرلى باستى بەلگىسى: كوڭىل-كۇيى تۇسىڭكى بولۋ، قىزىعۋشىلىعى تومەندەۋ، زەيىنى السىرەۋ، قوعامدىق قارىم-قاتىناسى ىقپالعا ۇشىراۋ. ەگەر، وسىنداي اۋرۋ بەلگىسى ەكى اپتادان جوعارى جالعاسسا، دەر كەزىندە شيپاگەرگە كورىنۋدى ءناسيحاتتايمىز. 

 

ءسال قاراۋ مەن قاتە ءتۇسىنۋ جابىعۋ اۋرۋىن ءتىپتى دە اسقىندىرادى 

باسقالاردىڭ سايقى-مازاق ەتۋى جابىعۋ اۋرۋىنا شالدىققان ناۋقاستىڭ اۋرۋ جاعدايىن اسقىندىرىپ جىبەرۋى مۇمكىن. ناۋقاس ادام جابىعۋ اۋرۋىمەن كۇرەس جاساۋ ٷشىن، باسقالاردىڭ قولداپ-قۋاتتاۋىن، جىگەرلەندىرۋىن جانە كوڭىل ءبولۋىن قاجەت ەتەدى.

 

جابىعۋ اۋرۋىنا شالدىققان كوپتەگەن ناۋقاستار الىگە دەيىن، جۇيەلى ەمدەلە الماۋدا

كوپ ساندى ادامدار ءوزىنىڭ جابىعۋ اۋرۋىنا شالدىققانىن مويىنداعىسى كەلمەيدى، ءسويتىپ قىمباتتى ەمدەلۋ ورايىن وتكىزىپ الادى، جابىعۋ اۋرۋىنا شالدىققان ناۋقاستاردىڭ %80 ى جۇيەلى ەمدەلە المايدى، وسى اۋرۋدىڭ ەمدەلۋ سالىستىرماسىن، قاتىستى بىلىمدەرىن جالپىلاستىرۋدى جاقسارتۋ قاجەت.

 

جابىعۋ اۋرۋى  جازىلمايتىن اۋرۋ   

شيپاگەرگە كورىنىپ، ءدارى ءىشۋ؛ بىلەرمەندىكپەن ءدارى ءىشۋدى توقتاتپاۋ، ءدارى الماستىرماۋ؛ قىزىعۋ اۋەسىن جەتىلدىرۋ، بەلسەندىلىكپەن پسيحولوگيالىق كومەك سۇراۋ...... وسى شارالاردىڭ بارلىعى جابىعۋ اۋرۋىن ەمدەۋگە سەپتىگىن تيگىزەدى.

 

وسپىرىمدەر، جۇكتى ايەلدەر، قارتتار جابىعۋ اۋرۋىنا ءتىپتى دە ساقتىقپەن قاراۋى كەرەك

وسپىرىمدەر، جۇكتى ايەلدەر، قارتتار قاتارلىلاردىڭ جابىعۋ اۋرۋىنا شالدىعۋى سالىستىرمالى تۇردە جوعارى بولادى. مەملەكەتتىك دەنساۋلىق ساقتاۋ سالاماتتىق كوميتەتى «جابىعۋ اۋرۋىنىڭ الدىن الۋعا جانە ونى ەمدەۋگە ەرەكشە قىزمەت وتەۋدى زەرتتەۋ قىزمەت جوباسىندا»  ءارقايسى ورتا مەكتەپ جانە جوعارى مەكتەپتەر، جابىعۋ اۋرۋىن سارالاپ تەكسەرۋدى وقۋشىلاردىڭ دەنساۋلىعىن تەكسەرۋ تۇرىنە ەنگىزۋ؛ جۇكتىلىك مەزگىلىندەگى جابىعۋ اۋرۋىن سارالاپ تەكسەرۋدى، جۇكتىلىكتىڭ ۇنەمىلىك تەكسەرۋ  تۇرىنە ەنگىزۋ؛ قاراستى اۋماقتاعى قارتتاردىڭ رۋحاني سالاماتتىعىن ءار جىلى سارالاپ تەكسەرۋ كەرەك دەپ كورسەتتى. 

 

اۋدارعان: اناربەك ءابىلماجىن ۇلى

 

    中央广播电视总台 央广网 版权所有

    جابىعۋ اۋرۋى تۋرالى بىلەرىمىز قانشالىق؟

    بۇكىل دۇنيە ءجۇزى بويىنشا 350 ميلليون ادام شالدىققان بۇل اۋرۋدى، ءسىز قازىرگە دەيىن تولىق ءتۇسىنىپ كەتپەگەن بولۋىڭىز مۇمكىن