ينفورماتسيا اشكەرەلەۋ: mzjubao@cnr.cn

وزەكتى ماقالالار

سۋرەتىڭىزدەن بەينەلىك جاسالسا، ۇقىقتى قالاي قورعايسىز

来源:央广网     |责编:达吾力别克|     发布日期: 2020-10-16 18:28

سۋرەتىڭىزدەن بەينەلىك جاسالسا، ۇقىقتى قالاي قورعايسىز

جيا فاميليالى ساندەنۋ، كيىنۋ سالاسىندا جارق ەتىپ بىردەن كوزگە تۇسكەن بلوگەر ەدى. ەل اۋزىنا ىلىنە باستاعان ول جۋىقتان بەرى سۋرەت-ءمۇسىن ۇقىعىنا قول سۇعىلۋداي كوڭىلسىزدىككە ءجيى ۇشىرايتىن بولدى. مۇنداي ىسكە قاراتا ازاماتتىق زاڭنامادا قالاي بەلگىلەنگەنىنە قاراپ كورەلىك.

 

【ءبىرىنشى ۋاقيعا】جيا فاميليلالىنىڭ قاستاستارى ونىڭ بەزەنۋ كەسكىندەرىنەن كەسىندى سۋرەت دايىنداپ ءارى سۋرەت وڭدەۋ دەتالى ارقىلى جىلدامدىقتى تەڭشەۋ، ايقىنداۋ قاتارلى وڭدەۋلەردەن وتكىزگەن سوڭ الۋان ءتۇرلى جازۋلار قوسىپ بەينەلىك (بياۋچيڭباۋ) ەتىپ جاسايدى دا، ءار جولى جيا فاميليالىنىڭ ميكرو بلوگىنا باعا بەرگەندە، وسى بەينەلىكتەردى قوسا جولدايتىن بولادى. مۇنى كورگەن جيا فاميليالىنىڭ جانكۇيەرلەرى ىشتەي زىعىردانى قايناپ، جيا فاميليالىنىڭ قىزمەت كەڭسەسى ۇقىعىن قورعاۋى كەرەك دەگەن ۇيعارىمعا كەلدى.

 

1-ماسەلە: ءوز كوڭىلىن ءوزى كوتەرۋ ءۇشىن باسقالارعا قاستىق ىستەپ، جات نيەتپەن باسقالاردىڭ سۋرەتىن وزگەرتىپ ماسقارالاۋ سۋرەت-ءمۇسىن ۇقىعىنا قول سۇعۋعا جاتا ما، جوق پا؟

 

ازاماتتىق زاڭنامادا بىلاي دەپ بەلگىلەنگەن: ءار قانداي ۇيىمنىڭ نەمەسە جەكەنىڭ سيىقسىزداندىرۋ، بىلعاۋ نەمەسە ينفورماتسيا تەحنيكاسى تاسىلىنەن پايدالانىپ جالعاننان جاساۋ قاتارلى تاسىلدەر ارقىلى باسقالاردىڭ سۋرەت-ءمۇسىن ۇقىعىنا قول سۇعۋىنا بولمايدى.

 

بۇل ۋاقيعادا جيا فاميليالىنىڭ قاستاستارى سۋرەتتى سيىقسىزداندىرۋ ءتاسىلى ارقىلى توراپ زورلىق-زومبىلىعىن جۇرگىزگەن. جات نيەتپەن سۋرەت وڭدەۋ ـ جيا فاميليالىنىڭ سۋرەت-ءمۇسىن ۇقىعىنا قول سۇققاندىق، جيا فاميليالى قوعامدىق قارىم-قاتىناس تەكشەسىنەن قاستاسىنىڭ جەلىدەگى ءنومىرىن ءبىر جاقتى ەتۋدى تالاپ ەتۋ، ءادىليالىق جولمەن قاستاسىنىڭ ۇستىنەن ارىزدانۋ قاتارلى تاسىلدەر ارقىلى زاڭدى ۇقىعىن قورعاۋىنا بولادى. 

【ەكىنشى ۋاقيعا】شياۋجاڭ الەۋمەتتىك جەلىدەن ءوزى اشقان نومىرگە كوشەدە تارتقان سۋرەتتەر توپتاماسىن جولداعان بولاتىن، مۇنىڭ ىشىندە جيا فاميليالىنىڭ دا ءبىر پارشا سۋرەتى بار بولارىن كىم ويلاعان. جيا فاميليالىنىڭ جان كۇيەرلەرى ونى تانىعان جەردەن جەلىدە ءسوز قالدىرىپ، «اپەكەم قاس سۇلۋدىڭ ءوزى عوي»، «كيىمىن دە سالاۋاتىنا ساي جاراستىرىپ كيەدى-اۋ» دەستى. جيا فاميليالىنىڭ قىزمەت كەڭسەسى شياۋجاڭعا ادۆوكاتتىق حات جولداپ، شياۋ جاڭنان جەلىدە جولدانعان سۋرەتىن ءوشىرۋدى تالاپ ەتتى. شياۋجاڭ مۇنى تۇسىنە الماي دال بولدى، جيا فاميليالىنىڭ سۋرەتىنە قوسا جارناما شىعارىپ، كورىمدىك سۇراماعان تۇرسا، نەلىكتەن سۋرەتتى ءوشىرۋىن تالاپ ەتەدى؟

 

2-ماسەلە: ازاماتتاردىڭ سۋرەتىن پايدا تابۋ ماقساتىمەن سىتەتپەسە دە، سۋرەت-ءمۇسىن ۇقىعىنا قول سۇققاندىق بولا ما؟ 

 

ازاماتتىق زاڭنامانىڭ سۋرەت-ءمۇسىن ۇقىعى جونىندە زاڭ شىعارۋداعى ەڭ باستى وزگەرىستەرىنىڭ ءبىرى ـ ازاماتتىق ىستەر زاڭىنىڭ جالپى ەرەجەسىندەگى «پايدا تابۋدى ماقسات ەتىپ» دەگەن ءسوزدى ءوشىرىپ، «سۋرەت-ءمۇسىن ۇقىعى يەسىنىڭ ماقۇلداۋىنسىز سۋرەت-ءمۇسىن ۇقىعى يەسىنىڭ ءمۇسىنىن جاساۋعا، ىستەتۋگە، جاريالاۋعا بولمايدى، الايدا، زاڭدا ايىرىم بەلگىلەمە بارلارى بۇعان كىرمەيدى» دەپ دارىپتەگەندىگىندە.

 

بۇل ۋاقيعادا شياۋجاڭ جيا فاميليالىنىڭ ماقۇلداۋىنان وتكىزبەي تۇرىپ ونىڭ سۋرەتىن جاساعان جانە جاريالاعان ءىسى جوعارىدا باياندالعان زاڭ بەلگىلەمەسىنە قايشى كەلەدى. شياۋجاڭ جيا فاميليالىنىڭ سۋرەتىنىڭ قاسىنا نەمەسە ماقالاعا جارناما كىرىستىرىپ، ۇگىتتەمەگەن كۇندە دە، جيا فاميليالىنىڭ جەلىدەگى سۋرەتتى ءوشىرۋدى تالاپ ەتۋ ۇقىعى بار.

【ءۇشىنشى ۋاقيعا】جيا فاميليالى الەۋمەتتىك جەلىدە ءوزى اشقان نومىرگە ۇنەمى كوشەدەن تارتقان جاي ادامداردىڭ سۋرەتىن جولداپ، ءوز باعاسىن قوسا جازىپ وتىراتىن. ونىڭ كوپتەگەن جان كۇيەرلەرى سول سۋرەتتەر ارقىلى سول ماۋسىمداعى ەڭ ءساندى كيىم ۇلگىلەرىنىڭ ينفورماتسياسىن يەلەيتىن. جيا فاميليالى بۇل سۋرەتتەردى جەلىگە جولداۋدان بۇرىن ادامداردىڭ بەتىن موسەكپەن قالقالاپ تاستايتىن. وسىلاي ەتكەندە بۇل كىسىلەردى ەشكىم تاني المايدى دا، قاجەتسىز اۋىرەشىلىكتەردەن ساقتانا الامىن دەپ قارايتىن.

 

3-ماسەلە: تۋىندى جاريالاعاندا كەيىپكەردىڭ بەتىن موسەكپەن قالقالاپ قويسا، سۋرەت-ءمۇسىن ۇقىعىنا قول سۇقپاعان بولا ما؟

 

ازاماتتىق زاڭنامادا بىلاي دەپ بەلگىلەنگەن: سۋرەت-ءمۇسىن دەگەنىمىز سىزبا كەسكىن، مۇسىندەۋ، سۋرەت سالۋ قاتارلى تاسىلدەر ارقىلى بەلگىلى تاسىمالداۋشى دەنەدەن بەينەلەنگەن، ادامدى پارىقتاندىرىپ تانىپ الۋعا كەلەتىن سىرتقى وبراز.

 

سۋرەت-ءمۇسىن بەت الپەتتىڭ ەرەكشەلىگىن دارىپتەيتىنى شىن، الايدا، پارىقتىلىقتى ءتىپتى دە دارىپتەيدى. ەگەر ءبىر ادامنىڭ بەت الپەتىندەگى ەرەكشەلىگىنەن باسقا وبرازى ارقىلى دا تانىپ الۋعا كەلەتىن بولسا، ونىڭ بەتىن قالقالاپ تاستاعان جاعدايدا دا ۇقىققا قول سۇققاندىق بولۋى مۇمكىن. سوندىقتان، جيا فاميليالى تۋىندىسىن جەلىگە جولدار الدىندا ادامنىڭ بەت الپەتىن موسەكپەن قالقالاعان بولسا دا، باسقا جەرىنىڭ ەرەكشەلىكتەرىنە نەگىزدەلىپ بۇل ادامنىڭ كىم ەكەندىگىن تانۋعا بولسا، ۇقىققا قول سۇققاندىق بولۋى مۇمكىن.

【ءتورتىنشى ۋاقيعا】جيا فاميليالى شياۋمەي سەرىكتەستىگىنە كومەكتەسىپ ءبىر بەزەنۋ بۇيىمىن تانىستىرماق بولعان، ەكى جاق عاشىقتار مەرەكەسى كۇنى جيا فاميليالىنىڭ الەۋمەتتىك جەلىدەگى ءنومىرىن تەكشە ەتىپ، بويانۋ بارىسىن ۇستىنەن تاراتپاق بولادى. تىكە بەرىلىمدە سول بەزەنۋ بۇيىمدارى ىستەتىلەدى ءارى جيا فاميليالىنىڭ مايىن تامىزا جەتكىزەتىن تانىستىرۋلارىن قوسا بەرەدى، شياۋمەي سەرىكتەستىگى اقىسىن ءبىر جولدا تولەيتىن بولىپ كەلىسەدى. جيا فاميليالى مۇنى جەلىدە تارتقان سوڭ، ساتىلۋ ونىمدىلىگى ايتارلىقتاي بولادى. الايدا، عاشىقتار مەرەكەسى اقىرلاسقان سوڭ دا شياۋمەي سەرىكتەستىگى الگى كەسكىننىڭ قايتالاما قويىلىمىن، كەسىندى سۋرەتتەرىن ءوز توراپ دۇكەندەرىنىڭ ەڭ باس جاعىنا ورنالاستىرادى. جيا فاميليالىنىڭ جان كۇيەرلەرى توراپ دۇكەنىنىڭ جارناماسىن كورگەن سوڭ، جيا فاميليالى شياۋمەي سەرىكتەستىگىنىڭ ۇزاق ۋاقىتتىق جارناما وكىلى مە، ەگەر سولاي بولسا، وسى سەرىكتەستىكتىڭ ونىمدەرىن الايىق دەپ تۇس-تۇستان سۇراي باستايدى.

 

4-ماسەلە: ۇقىقتى ادام كەلىسىلگەن ۋاقىت شەگىنەن اسىپ كەتسە دە، سۋرەت-ءمۇسىن ۇقىعىن جالعاستى پايدالانۋ جاعدايىنان ۇقىعىن قورعاۋعا بولا ما؟

 

ازاماتتىق زاڭنامادا بىلاي دەپ بەلگىلەنگەن: ىسكە قاتىستى ادامدار سۋرەت-مۇسىننەن پايدالانۋعا رۇقسات ەتۋ مەرزىم شەگى جونىندە كەلىسىمگە كەلمەگەن بولسا نەمەسە كەلىسىم ايقىن بولماسا، ىسكە قاتىستى ادامنىڭ قاي-قايسىسى دا سۋرەت-مۇسىننەن پايدالانۋعا رۇقسات ەتۋ توقتامىن كەز كەلگەن ۋاقىتتا كۇشىنەن قالدىرۋىنا بولادى، ءبىراق، ۇيلەسىمدى مەرزىم شەگىنەن بۇرىن قارسى جاققا ۇقتىرۋى كەرەك.

 

سۋرەت-ءمۇسىن زات تاسىمالداۋشىدا تۇراقتى بەينەلەنۋ سىندى قاسيەتكە يە، سۋرەت-ءمۇسىن ۇقىعى رۋحاني مۇددەدەن تىس، مال-مۇلىك مۇددەسىنە دە يە بولاتىندىقتان، ۇقىقتى ادامنىڭ رۇقسات توقتامى قاتارلى تاسىلدەر ارقىلى سۋرەت-ءمۇسىن ۇقىعىن ساۋداعا اينالدىرۋ جولىمەن پايدا تابۋىنا دا بولادى. جيا فاميليالى مەن شياۋمەي سەرىكتەستىگى جاساسقان جيا فاميليالى زات تانىستىرىپ، شياۋمەي سەرىكتەستىگى اقى تولەگەن توقتامدا، ەكى جاق تۇگەلدەي توقتام بويىنشا اتقارۋى  كەرەك. ەگەر وسى توقتامدا سۋرەت-مۇسىننەن پايدالانۋ مەرزىمى كەلىسىلگەن بولسا، شياۋمەي سەرىكتەستىگى سۋرەت-مۇسىننەن كەلىسىلگەن مەرزىم ىشىندە عانا پايدالانادى، ايتپەگەندە، ۇقىققا قول سۇققاندىق بولادى. ەگەر، توقتامدا سۋرەت-مۇسىننەن پايدالانۋ مەرزىمى كەلىسىلمەگەن بولسا، سۋرەت-ءمۇسىننىڭ ۇقىقتى ادامى بولىپ وتىرعان جيا فاميليالى ۇيلەسىمدى مەرزىم شەگىنەن بۇرىن شياۋمەي سەرىكتەستىگىنە توقتامدى كۇشىنەن قالدىرۋدى ۇقتىرسا بولادى.

【بەسىنشى ۋاقيعا】جيا فاميليالى ارلەنۋ كەسكىنىندە شياۋمەي سەرىكتەستىگىنىڭ ونىمدەرىن تانىستىرعان بولاتىن، شياۋلي سەرىكتەستىگى جيا فاميليالى شياۋمەي سەرىكتەستىگىنىڭ ءونىمىن تانىستىرعان كەزدە سويلەگەن تانىستىرۋ سوزدەرىن كەسكىننەن ايىرىپ الىپ، كەسۋ، وڭدەۋ قاتارلى تەحنيكالىق تاسىلدەر ارقىلى ءوز سەرىكتەستىگىنىڭ ءونىمىن ۇگىتتەگەن جارناماعا ىستەتكەن. مۇنداي جاعدايدا جيا فاميليالى شياۋلي سەرىكتەستىگىمەن بايلانىس جاساپ، جارنامانى ءوشىرۋىن تالاپ ەتۋگە بولا ما؟

 

5-ماسەلە: تابيعي ادامنىڭ دىبىسىن قالاي قورعاۋ كەرەك؟

 

ازاماتتىق جارنامادا بىلاي دەپ بەلگىلەنگەن: تابيعي ادامنىڭ دىبىسىن قورعاۋدا سۋرەت-ءمۇسىن ۇقىعىن قورعاۋعا قاتىستى بەلگىلەمەلەردەن پايدالانسا بولادى.

 

سۋرەت-ءمۇسىن ۇقىعىنا قول سۇعۋ ارەكەتى جونىندەگى بەلگىلەمەلەر بويىنشا، «دىبىس ۇقىق-مۇددەسىنە» زالال جەتكىزەتىن ارەكەتتەر تومەندەگى نەشە ءتۇردى قامتيدى: 1. باسقالاردىڭ دىبىسىن ماسقارالاۋ، قورلاۋ، مىسالى، باسقا ادامنىڭ دىبىسىن ۇيلەسىمسىز تۇردە قيۋلاستىرۋ، بىرىكتىرۋ، ءبىر جاقتى ەتۋ تاسىلدەرى ارقىلى دىبىستىڭ دىبىس يەسىنىڭ بۇرىنعى پايدالانۋ ماقساتىنا قايشى كەلۋىنە نەمەسە جالعان بولۋىنا اپارىپ سوعۋ؛ 2. ينفورماتسيا تەحنيكاسىنان پايدالانىپ باسقالاردىڭ دىبىسىن جالعاننان جاساپ، الەۋمەتكە قاتە ۇعىم تۋدىرۋ؛ 3. باسقالاردىڭ دىبىسىن ماقۇلداۋسىز ءوز بەتىمەن تاسپاعا ءتۇسىرۋ؛ 4. باسقالاردىڭ دىبىسىن ماقۇلداۋسىز ءوز بەتىمەن جاريا ەتۋ؛ 5. باسقالاردىڭ دىبىسىن ماقۇلداۋسىز ءوز بەتىمەن پايدالانۋ (ءوز بەتىمەن پايدالانۋ، باسقالاردىڭ پايدالانۋىنا رۇقسات ەتۋ نەمەسە ساتۋ).

 

شياۋلي سەرىكتەستىگىنىڭ تەحنيكالىق تاسىلدەن پايدالانىپ جيا فاميليالىنىڭ دىبىسىن قيىپ الىپ ءوز ونىمدەرىنىڭ جارناماسىنا پايدالانۋى جيا فاميليالىنىڭ دىبىس ۇقىق-مۇددەسىنە قول سۇققاندىق بولادى، سوندىقتان، جيا فاميليالى شياۋلي سەرىكتەستىگىمەن بايلانىس جاساپ، جوعارىدا ايتىلعان جارنامانى ءوشىرۋىن تالاپ ەتۋىنە بولادى.

 

اۋدارعان: نۇرگۇل قۇمارقان قىزى

中央广播电视总台 央广网 版权所有

سۋرەتىڭىزدەن بەينەلىك جاسالسا، ۇقىقتى قالاي قورعايسىز

جيا فاميليالى ساندەنۋ، كيىنۋ سالاسىندا جارق ەتىپ بىردەن كوزگە تۇسكەن بلوگەر ەدى. ەل اۋزىنا ىلىنە باستاعان ول جۋىقتان بەرى سۋرەت-ءمۇسىن ۇقىعىنا قول سۇعىلۋداي كوڭىلسىزدىككە ءجيى ۇشىرايتىن بولدى. مۇنداي ىسكە قاراتا ازاماتتىق زاڭنامادا قالاي بەلگىلەنگەنىنە قاراپ كورەلىك