ينفورماتسيا اشكەرەلەۋ: mzjubao@cnr.cn

وزەكتى ماقالالار

ا ق ش —تا كوپ شتات ەسىرتكىنى زاڭداستىرۋدى جاريالادى

来源:央广网     |责编:达吾力别克|     发布日期: 2020-11-21 18:54

ا ق ش –تا كوپ شتات ەسىرتكىنى زاڭداستىرۋدى جاريالادى

 

 

تاياۋدا ا ق ش-تىڭ ورەگان شتاتى زاڭ جوباسىن (109-زاڭ جوباسىن جانە 110-زاڭ جوباسىن) ماقۇلداپ، از مولشەردە ەسىرتكى الىپ ءجۇرۋدى زاڭداستىرۋدى جاريالادى. وسى زاڭ جوباسى بۇرىنعى جازالاۋ سيپاتىندىق ەسىرتكى ساياساتىن اناعۇرلىم ادامگەرشىلىك باعىتقا، سونداي - اق اقاۋسىز باعىتقا قاراي وزگەرتەدى دەپ قاراعان. الايدا بۇل زاڭ جوباسىنا قارسى پىكىرلەردە كوپتەپ كوتەرىلدى، قارسى پىكىردەگىلەر ەسىرتكى الىپ ءجۇرۋدى زاڭداستىرۋ جاستاردىڭ ەسىرتكىگە وڭاي يە بولۋىنا مۇمكىندىك اكەلىپ، ءتىپتى دە اۋىر قوعامدىق ماسەلە قالىپتاستىرۋى مۇمكىن دەپ قارادى. 

ا ق ش-تىڭ ورەگان شتاتى مەن ۆاشينگتون شتاتى جۋىقتا، از مولشەردەگى كوكاين، حروين، ەسەڭگىرەتكىش ساڭىراۋقۇلاق سياقتى قاتتى ەسىرتكىلەردى الىپ ءجۇرۋدىڭ زاڭداستىرىلاتىنىن جاريالادى (ەگەر ادامداردا ٴبىر گرامنان از حروين نەمەسە ەكستاسي (摇头丸) بولسا؛ 2 گرامنان از كوكاين بولسا، 12 گرامنان از پسيلوتسيبين (裸盖菇素) بولسا؛ 40 دوزادان تومەن گالليۋتسينوگەندەر، وكسيكودەن نەمەسە مەتادون بولسا، وسىنداي از مولشەردەگى ەسىرتكىنى الىپ ءجۇرۋ ەندىگارى قىلمىس رەتىندە قارالمايدى، ونىڭ ورنىنا 100 دوللار ايىپ اقشا سالىنادى).

 

سونىمەن بىرگە اريزونا، مونتانا، وڭتۇستىك داكوتا، جاڭا جەرسي جانە ميسسيسيپي قاتارلى شتاتتار ناشانىڭ زاڭداستىرىلعانىن ىلگەرىندى-كەيىندى جاريالادى. 

 

ۇعىسۋعا قاراعاندا، بۇل زاڭ جوباسىن جاقتاۋشىلار ەسىرتكى الىپ ءجۇرۋدى زاڭداستىرۋ ا ق ش-تاعى ءارقايسى جەرلىك ۇكىمەتكە ارتىق باجى تابىسىن الا كەلەدى، وسى باجى تابىسىن ەسىرتكى تۇتىنۋشىلاردى ەمدەۋگە قىزمەت وتەۋگە جۇمساۋعا بولادى. بۇل وسىدان بۇرىنعى «جازالاۋ سيپاتىندىق» ەسىرتكى الىپ ءجۇرۋ ساياساتىن اناعۇرلىم «ادامگەرشىلىك، اقاۋسىز» باعىتقا قاراي وزگەرتىپ، سول ارقىلى ا ق ش -تا كۇن سايىن ۋشىعا تۇسكەن ەسىرتكى الىپ ءجۇرۋ ماسەلەسىنە بەلسەندى ىقپال ەتەدى، دەپ قاراعان. 

 

سونىمەن قاتار، بۇل زاڭ جوباسىنىڭ قابىلدانۋىنا قارسى پىكىرلەر دە مولايدى. ورەگان شتاتىنىڭ ءارقايسى جەرىندەگى پروكۋرورلاردىڭ قاراۋىنشا، بۇل زاڭ جوباسى ەسىرتكى الىپ ءجۇرۋدى شىمىرىكپەستەن زاڭداستىرىپ، قوعامدى وسى قاتەرلى ەسىرتكىنى قابىلداۋعا قاراي بەيىمدەۋدە، وسى سەبەپتى جاستار مەن ورەندەر ەسىرتكىگە  وڭاي يە بولادى دا، اناعۇرلىم اۋىر قوعامدىق ماسەلەلەردىڭ تۋىنداۋىنا سەبەپكەر بولادى.

 

ورەگان شتاتىنىڭ ساۋىقتىرۋ ورتالىعىنىڭ مامانى وسى زاڭ جوباسىن سىنداي كەلە، زاڭ جوباسىنىڭ بۇلاڭداعان تارماقتارى ورەگان شتاتىنداعى تۇرعىندارعا جاڭساق ۇعىم تۋدىرعانىن ءارى جاستار مەن ورەندەردىڭ ەسىرتكى شەگۋىنىڭ الدىن الۋ-ساقتانۋ شارالارىن السىرەتەتىنىن، بۇدان كەيىن جاستاردىڭ ۋلى شەگىمدىككە سالىنىپ، ءتىپتى زاڭسىز ەسىرتكى اتكەزشىلىگىمەن اينالىسۋىنا زور مۇمكىندىك اكەلگەنىن ايىتتى. ا ق ش اقپارات قۇرالدارىنىڭ ساناعىنا قاراعاندا، ىندەت تارالعان مەزگىلدە ا ق ش-تا ەسىرتكىنى شەكتەن تىس شەگۋدەن جان ءتاسىلىم بولعاندار سانى قاۋىرت ارتقان. ءىشىنارا رايونداردا، مىسالى، ورەگان شتاتى مەن ۆيرگينيا شتاتى سياقتى جەرلەردە بيىل 2-توقساندا ەسىرتكىنى شەكتەن تىس شەگىپ ولگەندەردىڭ سانى وتكەن جىلدىڭ ۇقساس مەزگىلىندەگىدەن % 70 كە تاياۋ ارتقان.

 

اۋدارعان: قۋات جۇماش ۇلى

 

中央广播电视总台 央广网 版权所有

ا ق ش —تا كوپ شتات ەسىرتكىنى زاڭداستىرۋدى جاريالادى

تاياۋدا ا ق ش-تىڭ ورەگان شتاتى زاڭ جوباسىن (109-زاڭ جوباسىن جانە 110-زاڭ جوباسىن) ماقۇلداپ، از مولشەردە ەسىرتكى الىپ ءجۇرۋدى زاڭداستىرۋدى جاريالادى. وسى زاڭ جوباسى بۇرىنعى جازالاۋ سيپاتىندىق ەسىرتكى ساياساتىن اناعۇرلىم ادامگەرشىلىك باعىتقا، سونداي - اق اقاۋسىز باعىتقا قاراي وزگەرتەدى دەپ قاراعان.