تاعى ءبىر ەل جاڭا تيپتى ايدارشا ۆيرۋسپەن جۇعىمدالۋدىڭ ەڭ العاشقى دەرەگىن بايقادى 

برازيليا ەسپيريتو-سانتو شتاتىنىڭ دەنساۋلىق ساقتاۋ تاراۋى 1-ايدىڭ 12-كۇنى وسى شتاتتىڭ 2019-جىلى 12-ايدا الىنعان قان سارىسۋى ۇلگىسىنەن جاڭا تيپتى ايدارشا ۆيرۋستىڭ وزگەشە IgG انتيدەنەسىن بايقاعاندىعىن جاريالادى. 

ەسپيريتو-سانتو شتاتىنىڭ دەنساۋلىق ساقتاۋ تاراۋى وسى شتاتتىڭ 2019-جىلى 12-ايدىڭ 1-كۇنىنەن 2020-جىلى 6-ايدىڭ 30-كۇنىنە دەيىنگى جيناعان 7370 دانا قان سارىسۋى ۇلگىسىنە جاڭا تيپتى ايدارشا ۆيرۋستىڭ وزگەشە انتيدەنەسى تەكسەرۋىن جۇرگىزگەن، بۇل قان ۇلگىلەرى دەنگە ۆيرۋسى نەمەسە چيكۇنگۇنيا ۆيرۋسىن جۇقتىرعان ادامنان الىنعان بولۋى مۇمكىن دەپ قارالۋدا، ناتيجەدە 210 دانا قان سارىسۋىنىڭ جاڭا تيپتى ايدارشا ۆيرۋستىڭ وزگەشە IgG انتيدەنەسى بولىمدى بولىپ شىققان. 

مۇنىڭ ىشىندەگى 16 ۇلگى بىلتىر 2-ايدىڭ 26-كۇنى برازيليا جاڭا تيپتى ايدارشا ۆيرۋسپەن جۇعىمدالعان وكپە قابىنۋى ىندەتىمەن جۇعىمدالعان تۇڭعىش ناۋقاستى جاريالاۋدان بۇرىن جينالعان، ەڭ ەرتە جينالعانى 2019-جىلى 12-ايدىڭ 18-كۇنى ەكەن. 

وسى شتاتتىڭ دەنساۋلىق ساقتاۋ تاراۋى جايشىلىقتا ۆيرۋسقا جۇعىمدالىپ بەلگىلى ۋاقىتتان كەيىن عانا جاڭا تيپتى ايدارشا ۆيرۋستىڭ وزگەشە IgG انتيدەنەسىنىڭ بولىمدى بولعاندىعىن تەكسەرىپ شىعۋعا بولاتىندىعىن، سوندىقتان، ۇلگى الىنعان بۇل ادامدار 2019-جىلى 11-ايدىڭ اياق شەنىندە نەمەسە 12-ايدىڭ باسىندا جاڭا تيپتى ايدارشا ۆيرۋس تارالعان ورتادا جاساعان بولۋى مۇمكىن ەكەندىگىن ايتتى. 

برازيليا دەنساۋلىق ساقتاۋ مينيسترلىگى حابارلاندىرۋ شىعارىپ، 1-ايدىڭ 12-كۇنى وسى شتاتتىڭ ەپيدەميولوگيالىق تەكسەرۋىن ىشكەرىلەي جۇرگىزۋىن ءارى قان ۇلگىسىن ريو-دە-جانەيروداعى وسۋالدو كرۋز قور قوعامىنا جەتكىزىپ، نۋكلەين قىشقىلىن تەكسەرۋىن تالاپ ەتكەن، برازيلياداعى جوعارى قاتتامداعى جاڭا تيپتى ايدارشا ۆيرۋستى زەرتتەۋ قۇرىلىمى ەڭ سوڭىندا ۇلگى الىنعان وسى ادامداردىڭ كەزىندە جاڭا تيپتى ايدارشا ۆيرۋسپەن جۇعىمدالعان جۇعىمدالماعانىن تۇراقتاندىرادى.

وسىدان ىلگەرى، ا ق ش پەن يتاليا ادام دەنەسىنەن جاڭا تيپتى ايدارشا ۆيرۋستىڭ دەرەگىن بايقاعان، سونىمەن بىرگە، كوپ مەملەكەتتىڭ لاس سۋدى زەرتتەۋ ناتيجەسىنە نەگىزدەلگەندە، جاڭا تيپتى ايدارشا ۆيرۋس بۇداندا ەرتە ساقتالعان بولۋى مۇمكىن ەكەن.

العاشقى كەزدەگى جاڭا تيپتى ايدارشا ۆيرۋسپەن جۇعىمدالعان وكپە قابىنۋ ىندەتىنىڭ جاڭا بايقاۋلارى عىلىم سالاسىنىڭ جاڭا تيپتى ايدارشا ۆيرۋستىڭ پايدا بولۋى مەن تارالۋى جونىندە ىشكەرىلەي زەرتتەۋ جۇرگىزۋىنە تۇرتكى بولدى.

اۋدارعان: تۇيمەقان يساقان قىزى