ينفورماتسيا اشكەرەلەۋ: mzjubao@cnr.cn

وزەكتى ماقالالار

شي جينپيڭ قىرعىزستاننىڭ پرەزيدەنتىمەن تەلەفوندا سويلەستى

来源:央广网     |责编:古丽美热·霍孜汗|     发布日期: 2021-02-23 14:12

شي جينپيڭ قىرعىزستاننىڭ پرەزيدەنتىمەن تەلەفوندا سويلەستى

ٴوز حابارىمىز. مەملەكەت ٴتوراعاسى شي جينپيڭ 2-ايدىڭ 22-كۇنى كەشتە قىرعىزستاننىڭ پرەزيدەنتى جاپاروۆپەن تەلەفوندا سويلەستى. 

 

شي جينپيڭ مىنالاردى انىق ايتتى: جۇڭگو مەن قىرعىزستان ديپلوماتيالىق قاتىناس ورناتقان 29 جىلدان بەرى، ەكى ەل قاتىناسى حالىقارالىق اۋمالى-توكپەلى جاعدايدىڭ سىنىنان ٴوتىپ، اقاۋسىز، ورنىقتى دامۋ جاعدايىن ساقتادى. ەكى جاق ٴبىر-ٴبىرىنىڭ وزەكتى مۇددەسىنە ساياتىن ماسەلەلەردە ٴبىرىن-ٴبىرى باتىل قولداپ كەلدى، «ٴبىر بەلدەۋ، ٴبىر جولدى» ورتاق قۇرۋ مول تابىستى بولدى، حالىقارالىق ىستەردە تىعىز سايكەسىپ جانە سەلبەسىپ وتىردى. جۇڭگو قىرعىزستاننىڭ ورنىقتى دامۋىن جۇزەگە اسىرۋىن شىن جۇرەكتەن ٴۇمىت ەتەدى، قىرعىزستاننىڭ ٴوز ەلىنىڭ مەملەكەت جاعدايىنا ۇيلەسەتىن دامۋ جولىمەن ٴجۇرۋىن قولدايدى، قىرعىزستان ۇكىمەتىنىڭ مەملەكەتتىڭ تاۋەلسىزدىگىن، يەلىك ۇقىعىن، حاۋىپسىزدىگىن قورعاۋىن قولدايدى. جۇڭگو قىرعىزستانمەن بىرلىكتە ەكى ەل قاتىناسىنىڭ دامۋ اۋقىمىن يگەرىپ، جۇڭگو مەن قىرعىزستاننىڭ جالپى بەتتىك ستراتەگيالىق سەرىكتەستىك قاتىناسىنىڭ تىڭ ساتىعا كوتەرىلۋىن ىلگەرىلەتۋدى قالايدى.

 

شي جينپيڭ مىنالاردى باسا دارىپتەدى: جۇڭگو جاڭا دامۋ جاعدايىن جەدەل قالىپتاستىرىپ، اناعۇرلىم جوعارى دەڭگەيدەگى سىرتقا ەسىك اشۋدى ۇزدىكسىز ىلگەرىلەتۋدە. بۇل قىرعىزستاندى قامتىعان دۇنيە جۇزىندەگى ەلدەرگە اناعۇرلىم كوپ دامۋ ورايىن ازىرلەيدى. جۇڭگو مەن قىرعىزستان ەكى ەلدىڭ ناقتى سەلبەستىگىنىڭ باياندى، ورنىقتى دامۋىن ىلگەرىلەتۋ؛ «ٴبىر بەلدەۋ، ٴبىر جولدى» جوعارى ساپامەن ورتاق قۇرۋ؛ ەكونوميكا-ساۋدا، جالپى جۇزدىك قارىم-قاتىناس، اۋىل شارۋاشىلىعى سياقتى سالالارداعى سەلبەستىكتى تەرەڭدەتۋ؛ كەلەلى سەلبەستىك نىساندارىنىڭ ٴساتتى ىلگەرىلەۋىنە كەپىلدىك ەتۋ كەرەك. جۇڭگو جۇڭگو كاسىپورىندارىن قىرعىزستانعا بارىپ قارجى قوسىپ، شارۋاشىلىقتى گۇلدەندىرۋگە شابىتتاندىرادى، قىرعىزستاننىڭ ساپالى اۋىل شارۋاشىلىق ونىمدەرى قاتارلىلاردىڭ جۇڭگوعا ەكسپورت ەتىلۋىن قارسى الادى. ەكى جاق حاۋىپسىزدىك سەلبەستىگىن كۇشەيتىپ، ەكى ەلدىڭ جانە ٴوڭىردىڭ حاۋىپسىزدىگى مەن ورنىقتىلىعىن ويداعىداي قورعاۋ كەرەك. جۇڭگو قىرعىزستاننىڭ جاڭا تيپتى ايدارشا ۆيرۋسپەن جۇعىمدالعان وكپە قابىنۋ اۋرۋىنا قارسى تۇرۋىنا قولداۋ كورسەتىپ، ۆاكسينا سياقتى سالالارداعى سەلبەستىكتى تەرەڭدەتۋدى قالايدى. 

 

جاپاروۆ بىلاي دەدى: قىرعىزستان جۇڭگونىڭ قىرعىزستاننىڭ ەكونوميكالىق، قوعامدىق دامۋىنا قىمباتتى كومەك كورسەتكەندىگىنە ٴارى قىرعىزستاننىڭ جاڭا تيپتى ايدارشا ۆيرۋسپەن جۇعىمدالعان وكپە قابىنۋ اۋرۋىنا قارسى تۇرۋىنا شىنايى قولداۋ كورسەتكەندىگىنە العىس ايتادى. جۇڭگو قىرعىزستاننىڭ ماڭگى سەنىمدى جاقسى كورشىسى، جاقسى دوسى، جاقسى سەرىگى. قىرعىزستان جۇڭگونىڭ شياڭگاڭعا، شينجياڭعا، تايۋانعا ساياتىن وزەكتى مۇددەلىك ماسەلەلەردەگى تۇرعىسىن باتىل قولدايدى، ٴبىر جۇڭگو پرينسيبىنە باتىل بويسۇنادى. قىرعىزستان جۇڭگو كاسىپورىندارىنىڭ قىرعىزستانعا كەلىپ قارجى قوسۋىن قارسى الادى، جۇڭگومەن بىرلىكتە قۇلشىنىپ، تەمىر جول سياقتى ٴىرى نىساندار سەلبەستىگىن ىلگەرىلەتۋدى؛ «ٴبىر بەلدەۋ، ٴبىر جولدى» جوعارى ساپامەن ورتاق قۇرۋدى قالايدى. ٴتوراعا شي جينپيڭنىڭ تاياۋدا «داۆوس كەڭەس تارتىبىندە» كوپ جاقتىلىققا تاباندى بولۋ، اشىق ۇستالعان دۇنيە ٴجۇزى ەكونوميكاسىن قۇرۋ جونىندە العا قويعان دارىپتەمەسى توتەنشە ماڭىزدى، قازىرگى جاعدايدا ەرەكشە رەال مانگە يە. قىرعىزستان جۇڭگومەن بىرلىكتە ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدى قالايدى. ٴتوراعا شي جينپيڭنىڭ پارمەندى باسشىلىعىندا، جۇڭگو حالقىنىڭ اناعۇرلىم زور تابىسقا جەتەتىنىنە سەنەمىن.  

来源:中央广播电视总台

 

 

 

微信制作:古丽美热

 

中央广播电视总台 央广网 版权所有

شي جينپيڭ قىرعىزستاننىڭ پرەزيدەنتىمەن تەلەفوندا سويلەستى

قىرعىزستان جۇڭگومەن بىرلىكتە ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدى قالايدى. ٴتوراعا شي جينپيڭنىڭ پارمەندى باسشىلىعىندا، جۇڭگو حالقىنىڭ اناعۇرلىم زور تابىسقا جەتەتىنىنە سەنەمىن