ينفورماتسيا اشكەرەلەۋ: mzjubao@cnr.cn

وزەكتى ماقالالار

انحۇي ولكەسى ليۋ-ان قالاسىندا تىڭنان ٴبىر ناۋقاس بايقالدى

来源:央广网     |责编:阿依娜|     发布日期: 2021-05-14 19:02

بۇگىن 5-ايدىڭ 14-كۇنى، بەيسەنبى، الدىمەن ەل ٴىشى جانە حالىقارالىق قىسقا حابارلار توپتاماسىن تىڭدايسىزدار، سوڭىنان حالىقاراداعى قولامتالى تۇيىنگە قۇلاق تۇرىڭىزدەر: 

您的浏览器不支持 audio标签

5-ايدىڭ 13-كۇنى تۇستەن كەيىن باس شۋجي شي جينپيڭ حىنان ولكەسى نانياڭ قالاسىنىڭ شيچۋان اۋدانىنا كەلىپ، ىلگەرىندى-كەيىندى تاۋچا توعانى باس توراپ ينجەنەرياسىن، دانجياڭكوۋ سۋ قويماسىن جانە جيۋجۇڭ قالاشىعى زوجۋاڭ قىستاعىن كوزدەن كەشىرىپ، وڭتۇستىكتىڭ سۋىن سولتۇستىككە جەتكىزۋ ورتا لەنيا ينجەنەريا قۇرىلىسىن باسقارۋ اينالىمى جانە سۋ قاينارى ەكولوگياسىن قورعاۋ قاتارلى جاعدايلار جونىندەگى تانىستىرۋدى تىڭداپ، وڭتۇستىكتىڭ سۋىن سولتۇستىككە جەتكىزۋ ينجەنەرياسىندا كوشپەندىلەردى ورنالاستىرۋ، ەرەكشە كاسىپتەردى دامىتۋ، كوشپەندىلەردىڭ كىرىسىن ارتتىرۋ جاعدايلارىن ۇعىستى. جول بويىندا شي جينپيڭ اۆتوكولىكتى توقتاتىپ، كولىكتەن ٴتۇسىپ، ٴبيداي اتىزىنا بارىپ، ٴبيدايدىڭ ٴوسۋ جاعدايىن كوزدەن كەشىرىپ، جازعى استىقتىڭ ٴوندىرىس جاعدايىن ۇعىستى. 

 

 

 

5-ايدىڭ 13-كۇنى، جۇڭگو مەملەكەتتىك اۋرۋدان ساقتانۋ جانە تىزگىندەۋ مەكەمەسى بەيجيڭدە رەسمي ماڭدايشالىق استى، بۇل قۇرىلىم جۇقپالى اۋرۋدان ساقتانۋ جانە ونى تىزگىندەۋ ساياساتىن بەلگىلەۋ قاتارلى 5 ۇلكەن فۋنكتسيانى ۇستىنە الادى.

 

وقۋ-اعارتۋ مينيسترلىگىنىڭ حابارىنا قاراعاندا، 2021–كەزەكتى بۇكىل ەلدەگى ادەتتەگى جوعارى مەكتەپتەردەن 9 ميلليون 90 مىڭ وقۋشى وقۋ تاۋىسىپ، وتكەن جىلدىڭ ۇقساس مەزگىلىندەگىدەن 350 مىڭ وقۋشى كوبەيگەن. ۇكىمەت قىزمەتكەرلەرىن قابىلداۋ جاعىندا، قاتىستى تاراۋلار ەمتيحان الۋ جانە وقۋشى قابىلداۋ ۋاقىتىن شامامەن 2 اي بۇرىن بەلگىلەيدى، مەجەمەن 7-ايدا نەگىزىنەن ورىندالادى. 

 

شياڭگاڭ ەرەكشە اكىمشىلىك رايونىنىڭ زاڭ شىعارۋ كەڭەسى 5-ايدىڭ 12-كۇنى «2021-جىلعى ۇكىمەت قىزمەتى (سايلاۋعا قاتىناسۋ جانە مىندەتكە تاعايىنداۋ) (قوسىمشا مازمۇندارعا وزگەرىس ەنگىزۋ) ەرەجە جوباسىن ماقۇلدادى، رايوندىق پارلامەنت مۇشەلەرى سياقتى ۇكىمەت قىزمەتكەرلەرى نەگىزدىك زاڭدى قولداۋعا، شياڭگاڭ ەرەكشە اكىمشىلىك رايونىنا ادال بولۋعا سەرت بەرەدى، سەرتكە قايشى كەلگەندەردىڭ ۇكىمەت نەمەسە پارلامەنت مۇشەسى تولىمدىلىعى كۇشىنەن قالدىرىلادى.

 

مەملەكەتتىك دەنساۋلىق ساقتاۋ، سالاماتتىق كوميتەتىنىڭ حابارىنا قاراعاندا، 5-ايدىڭ 12-كۇنىنە دەيىن 31 ولكە،اۆتونوميالى رايون، توتە قاراستى قالا جانە شينجياڭ ٴوندىرىس-قۇرىلىس بيڭتۋانىندا جيىنى 354 ميلليون 272 مىڭ دانا جاڭا تيپتى ايدارشا ۆيرۋس ۆاكسيناسى قويىلدى.

 

انحۇي ولكەسى ليۋ-ان قالاسى يۇيان رايونى دەنساۋلىق ساقتاۋ، سالاماتتىق كوميتەتىنىڭ 5-ايدىڭ 13-كۇنگى حابارىنا قاراعاندا، ليۋ-ان شىلي شيپاحاناسىنداعى جاڭ فاميليالى ناۋقاس جاڭا تيپتى ايدارشا ۆيرۋسپەن جۇعىمدالعان وكپە قابىنۋ اۋرۋىنا شالدىعىپ دياگنوزى تۇراقتانعان، سول كۇنى انحۇي ولكەسى فيشي اۋدانى دەنساۋلىق ساقتاۋ، سالاماتتىق كوميتەتىنىڭ حابارلاۋىنشا، فيشي اۋدانىندا دياگنوزى تۇراقتانعان ءبىر ناۋقاس جاڭادان قوسىلعان. 

 

5-ايدىڭ 13-كۇنى ساقشى جاق چىڭدۋداعى 49-ورتا مەكتەپ وقۋشىسىنىڭ عيماراتتان سەكىرۋ ۋاقيعاسىنىڭ اياق الىسىن حابارلاندىردى:ٴوزىن مەرت قىلعان وقۋشىنىڭ سۇيەگى اكە ـ شەشەسىنىڭ قول قويىپ ماقۇلداۋىنان وتكەننەن كەيىن چىڭدۋداعى جەرلەۋ سارايىندا ورتەلدى. توراپتاعى «ساقشىلار ولگەن وقۋشىنىڭ سەمياسىنداعىلاردى سۇيرەپ شىعاردى»، «مەكتەپ جاعدايدى سىرتقا اشپاۋ جونىندە بۇيىرىق تۇسىردى» دەگەندەردىڭ بارلىعى شىندىققا جاتپايتىن جالعان ينفورماتسيا. 

 

جىجياڭ ولكەلىك بازار باقىلاۋ-باسقارۋ مەكەمەسىنىڭ تاياۋداعى حابارىنا قاراعاندا، گۇڭنيۋ توبى شەكتى جارنا سەرىكتىگىنىڭ ساۋدالاسۋشى اداممەن جاساسقان جانە مونوپوليالىق كەلىسىمدى اتقارعان كۇماندى ارەكەتىنە دەلو تۇرعىزىپ تەكسەرۋ جۇرگىزىلگەن.

 

5-ايدىڭ 13-كۇنى ونەركاسىپ جانە ينفورماتسيالاندىرۋ مينيسترلىگى، تۇتىنۋشىلاردىڭ ۇقىق-مۇددەسىنە زيان جەتكىزگەن داماي،ماي ماي قاتارلى 90 ٴتۇرلى App جۇمساق بولشەك دەتالىنىڭ ساتۋ سورەسىنەن تۇسىرىلگەندىگىن حابارلاندىردى.

 

بۇكىل ەل بويىنشا سالىنىپ جاتقان جانە اينالىمعا تۇسكەن ٴبىلىم مەنشىك ۇقىعىن قورعاۋ ورتالىعىنىڭ سانى 46 عا جەتتى.

 

تايۋاننىڭ گاۋشيۇڭ قالاسىنا ورنالاسقان شيڭدا ەلەكتر ستانسياسىندا شىرعالاڭ سەبەبىنەن توك توقتاپ جۇمىس توقىرادى، ارالدا زور كولەمدە توك توقتادى.

بەيجيڭ قالاسى داشيڭ رايوندىق قوعام حاۋىپسىزدىگى مەكەمەسى 5-ايدىڭ 13-كۇنى «بەيجيڭ-كايفىڭ جوعارى قارقىندى تاس جولىندا كىرە اۆتوموبيلىنىڭ شۇعىل قۇتقارۋ كولىگىنىڭ جولىن توسىپ كەدەرگىلىك جاساعانىن » حابارلاندىردى، جيا فاميليالى ىسكە قاتىستى شوفەرگە داشيڭ ساقشى جاعى زاڭ بويىنشا 5 كۇن اكىمشىلىك جاقتان قاماي تۇرۋ جازاسىن بەردى.

پالەستين مەن يزرايليا 5-ايدىڭ 12، 13-كۇندەرى سۇراپىل قاقتىعىستى. يزرايليانىڭ اۋە شابۋىلىندا كەمىندە 83 پالەستيندىك جانىنان جۇدا بولىپ، 400 دەن استام ادام جارالاندى؛ يزرايليادا 7 ادام قاقتىعىستا ٴولىپ، 100 دەن استام ادام جارالاندى. 

 

حالىقارالىق وليمپيك سپورت كوميتەتى 5-ايدىڭ 12-كۇنى بىلاي دەدى: ٴارقايسى تاراپتار جاڭا تيپتى ايدارشا ۆيرۋسپەن جۇعىمدالعان وكپە قابىنۋ اۋرۋىنىڭ ىقپالىن مۇمكىندىكتىڭ بارىنشا باسەيتىپ، توكيو وليمپيك سپورت جارىسىنىڭ ۋاعىندا وتكىزىلۋىنە بارىنشا كۇش سالۋدا، كەزەكتە توكيو وليمپيك سپورت جارىسىندا شامامەن %70 سپورتشى جارىسقا قاتىناسۋ تولىمدىلىعىنا يە بولدى. 

 

تايلاند پارلامەنتىنىڭ ٴبىر مۇشەسى 5-ايدىڭ 13-كۇنى بىلاي دەدى: تايلاندتىڭ استاناسى بانگوك قالاسىنداعى ٴبىر جۇمىس ورنىندا شوعىرلى جۇعىمدالۋ ٴجايىتى بەلەڭ بەرىپ، 196 ادام جاڭا تيپتى ايدارشا ۆيرۋسپەن جۇعىمدالىپ دياگنوزى تۇراقتانعان. شوعىرلى جۇعىمدالۋ يتاليا مەن تايلاند بىرلەسىپ قارجى قوسقان سەرىكتىكتە تۋىلعان.

 

سريلانكا ۇكىمەتى تاياۋدا مىنانى جاريالادى: 5-ايدىڭ 13-كۇنىنەن 17-كۇنىنە دەيىن بۇكىل ەل كولەمىندە ٴجۇرىس-تۇرىسقا شەك قويۋ بۇيرىعىن اتقارعاندىعىن جاريالادى.وسى مەزگىلدە، بۇقارا تۇراعىنان ٴوز بەتىمەن كەتۋىنە بولمايدى، اسحانانى قامتىعان بارلىق كاسىپورىندار جابىلادى.

 

 

您的浏览器不支持 audio标签

بايدەن ۇكىمەتىنىڭ «قۇن كوزقاراسى ديپلوماتياسى» ٴسوزسىز جەڭىلىسكە ۇشىرايدى 

 

بايدەن ۇكىمەتى تاققا شىققاننان بەرى، «ورتاق قۇن كوزقاراسى» ايتىلىمى باتىستىڭ شاعىن شەڭبەرىندەگى شۋىل سوزگە اينالدى. تاياۋدا وتكىزىلگەن 7 ەل توبى سىرتقى ىستەر مينيسترلەر ماجىلىسىندە باتىس ەلدەرى «ورتاق قۇن كوزقاراسىنا» يە «مۇراتتاستار توبى» دەگەن شاشباۋدى تاعى دا شىمىرىكپەي كوتەرىپ شىقتى. 

 

بايدەن ۇكىمەتىنىڭ ديپلوماتيالىق ساياساتىندا ٴبىرشاما كۇشتى يدەيالوگيالىق نساي بايقالدى. سايلام باسەكەسى كەزىندە بايدەن ادامدىق ۇقىقتى ٴوزىنىڭ ديپلوماتيالىق ساياساتىنىڭ وزەكتى پرينسيپى ەتەتىندىگىن ٴبىلدىردى. ا ق ش- نىڭ ەل ٴىشى تۇرعىسىنان قاراعاندا، ادامدىق ۇقىق بەلگىلى ۇيلەسكىشتىككە يە تانىم، ويتكەنى بۇل جەلەۋ ا ق ش ـ نىڭ ەل ىشىندەگى جوعارى-تومەن جىكتەگىلەردىڭ، وڭتۇستىكتەگىلەر مەن سولتۇستىكتەگىلەردىڭ، اق ناسىلدىلەر مەن قارا ناسىلدىلەردىڭ اراسىنداعى تەرەڭ قاتپارلى قوعامدىق قايشىلىقتاعىلاردى ٴوز ماقساتىنا ورتاقتاستىرۋدىڭ بىردەن ٴبىر ورتاق ۇرانى ەدى. الايدا، ەگەر ا ق ش ادامدىق ۇقىق دەموكراتياسى ماسەلەسىن سىرتقى ساياساتتى بەلگىلەۋدىڭ جانە اتقارۋدىڭ پرينسيپى ەتىپ، «قۇن كوزقاراسى ديپلوماتياسىن» ورىستەتۋمەن جان سالا شۇعىلدانسا، تۇبىندە تۇمسىعى تاسقا تيمەي قويمايدى. 

 

ا ق ش-نىڭ ساياسي مادەنيەتىندەگى وقشاۋلانۋشىلىق سەنىمى، تۇپتەپ كەلگەندە، «پايدا تۇسپەيتىن ىسكە ارالاسپاۋ» ۇستانىمى بولىپ تابىلادى. مۇنداي قولدانىمپازدىق ساياسي فيلوسوفيا ا ق ش - نىڭ ناقتى قۋاتىنىڭ ەڭسە كوتەرۋىن جەدەلدەتۋدەگى ماڭىزدى فاكتور بولدى. 

 

اماليات---ا ق ش نىڭ بۇرىن اتقارعان «قۇن كوزقاراسى ديپلوماتياسى» قىرۋار ساتسىزدىكتەرگە ۇشىراعاندىعىن دالەلدەدى. مەيلى افعانستان، سيريا، يراق سوعىستارى بولسىن، الدە يران، چاۋشيان، بيرما ماسەلەلەرى بولسىن، بارلىعىندا ” قۇن كوزقاراسى ديپلوماتياسى “ ٴتىپتى دە كوپ نارازىلىق، قاقتىعىس جانە قارسىلىق تۋدىرۋدان سىرت، جەرلىك ورىندا ەشقانداي ٴىس جۇزىندىك قۇنعا يە ىلگەرىلەۋشىلىك بولمادى. سوندىقتان تاريحي دامۋ تۇرعىسىنان قاراعاندا، «قۇن كوزقاراسى ديپلوماتياسى» ٴداۋىر تاستاندىسىنا اينالعان ديپلوماتيالىق ولشەم دەۋگە ابدەن بولادى. 

 

ا ق ش دۇنيە جۇزىلىك ەكىنشى سوعىستان كەيىن باسا بيلەۋشىلىك جۇيەسىن قۇرىپ، تۇرلىشە قوعامدىق تۇزىمدەگى، يدەيالوگيالىق جانە مادەنيەتتىك سالت-ساناداعى كوپتەگەن ەلدەردى شارپۋعا قۇلشىندى. بۇل ەلدەر، ەكىنىڭ بىرىندە، ەرەكشە وڭىرلىك ساياسي سەبەپتەرگە بايلانىستى، بۇل ا ق ش-نىڭ وداق جۇيەسىندە كەم بولسا بولمايتىن بۋىنعا اينالدى، جالعان ادامدىق ۇقىق سياقتى ماسەلەلەر ەجەلدەن ا ق ش-نىڭ وسى ەلدەرمەن ديپلوماتيالىق قاتىناستى دامىتۋداعى ماڭىزدى فاكتور بولىپ كورگەن ەمەس. 

 

«قۇن كوزقاراسى ديپلوماتياسىنىڭ» ورتاعا قويىلۋى ا ق ش-نىڭ دۇنيە جۇزىندەگى باسشىلىق قۋاتى مەن ۇندەۋ قۋاتىنىڭ بارعان سايىن السىرەگەندىگىن، تەك ادامدىق ۇقىق دەموكراتياسى سياقتى جالعان ماسەلەلەر ارقىلى عانا جۇرتتى الجاستىرۋدان باسقا جول تابا الماعاندىعىن تۇسىندىرەدى.

 

来源:中央广播电视总台

 

 

新闻速递翻译:库兰  播音:古丽江

世界报道翻译:哈那提别克   播音:巴拉番

微信制作:阿依娜

 

 

中央广播电视总台 央广网 版权所有

انحۇي ولكەسى ليۋ-ان قالاسىندا تىڭنان ٴبىر ناۋقاس بايقالدى

انحۇي ولكەسى ليۋ-ان قالاسى يۇيان رايونى دەنساۋلىق ساقتاۋ، سالاماتتىق كوميتەتىنىڭ 5-ايدىڭ 13-كۇنگى حابارىنا قاراعاندا، ليۋ-ان شىلي شيپاحاناسىنداعى جاڭ فاميليالى ناۋقاس جاڭا تيپتى ايدارشا ۆيرۋسپەن جۇعىمدالعان وكپە قابىنۋ اۋرۋىنا شالدىعىپ دياگنوزى تۇراقتانعان،