ينفورماتسيا اشكەرەلەۋ: mzjubao@cnr.cn

وزەكتى ماقالالار

بايدەن ۋيچاتقا تيىم سالۋ بۇيرىعىن كۇشىنەن قالدىردى

来源:央广网     |责编:阿依娜|     发布日期: 2021-06-10 17:43

بۇگىن 6-ايدىڭ 10-كۇنى بەيسەنبى، اۋەلى ەل ٴىشى جانە حالىقارالىق حابارلار توپتاماسىن تىڭدايسىزدار، سوڭىنان حالىقارالىق قولامتالى تۇيىنگە قۇلاق تۇرىڭىزدەر. 

您的浏览器不支持 audio标签

@ونەركاسىپ جانە ينفورماتسيالاندىرۋ مينيسترلىگىنىڭ سىمسىز ەلەكتر جۇيەسىن باسقارۋ مەكەمەسى: جوعارى مەكتەپ ەمتيحانىندا قارالىق ىستەۋ سيگنالىنا دەرەۋ تەكسەرۋ جۇرگىزىپ، ورنىن تۇراقتاندىرعاندىعىن ايتتى. 

 

@مەملەكەتتىك ينتەرنەت حاۋىپسىزدىگى جانە ينفورماتسيالاندىرۋ كەڭسەسى شەكارا اتتاپ قۇمار ويناۋ ارەكەتىنە قاتاڭ سوققى بەرۋ، ينتەرنەتتەگى قۇمار ويناۋعا ساياتىن جالپىلاستىرۋ توراپ تىزبەگىن جالعاستى جونگە سالۋ، بلوگچەيىن تەكشەلەر سياقتى ورىندارعا قاراتىلعان باقىلاۋ ـ تەكسەرۋ تەبىنىن كۇشەيتۋدى جولعا قويدى. 

 

@كوپتەگەن ولكە زەينەتاقى ولشەمىن جوعارىلاتتى، كوپ جەردىڭ ارتقان سوماسى 7-ايدان بۇرىن بەرىلەدى.

 

@2020-جىلى جولدانعان 119 ٴتۇرلى دارىگە ساياساتىن كەلىسسوز ٴساتتى اياقتادى، ٴدارى اقىسى ورتا ەسەپپەن %50.6 تومەندەدى.

 

@ورتالىق شارلاپ تەكسەرۋ گرۋپپاسىنىڭ بۇرىنعى ورىنباسار باستىعى دۇڭ حۇڭ شىرىكتەسۋ سەبەبىنەن الەۋمەتتىك ايىپقا ۇشىرادى. 

 

@ا ق ش مەديالارى: پرەزيدەنت بايدەن اكىمشىلىك بۇيرىققا قول قويىپ، TikTok جانە ۋيچات جۇيەسىنە قاراتىلعان تيىم سالۋ بۇيرىعىن كۇشىنەن قالدىرعاندىعىن ايتتى. 

 

@ورتا امەريكاداعى سالۆادور دۇنيە جۇزىندەگى بيت اقشاسىن زاڭدا بەلگىلەنگەن اقشا ٴتۇرى دەپ تۇراقتاندىرعان تۇڭعىش ەلگە اينالدى.

 

@حانگو مەديالارى: پياۋ جينحۇيدىڭ جاقىن دوسى كەزىندە ۋىن زاييانعا حات جازىپ، پياۋ جينحۇيدى كەشىرىم ەتۋدى ٴوتىنىش ەتكەندىگىن حابارلادى. 

 

@برازيليادا 7 بالا جالاڭاش كۇيىندە ٴبىر بولمەدە كوپ كۇن قامالعان، ساقشىلار ولاردى قۇتقارىپ شىققان كەزدە بالالاردىڭ قارنى ەرەكشە اشىپ، قيىن جاعدايدا قالعان. 

 

@حىبەي ولكەسىنىڭ ساڭجوۋ قالالىق ەمتيحان مەكەمەسى ٴتىس كيدىرمەسىن ورناتقان وقۋشىنىڭ حاۋىپسىزدىك تەكسەرۋدەن وتە المادى دەگەن حابارىن تەرىسكە شىعاردى. 

 

@ گۋاڭدۇڭ ولكەسى چاۋياڭ قالالىق ساقشى مەكەمەسى: مۇگەدەك قارتتى ۇرىپ، ونىڭ مال-مۇلكىن بۇلاعان وقۋشىلارعا دەلو تۇرعىزىپ تەكسەرۋ جۇرگىزدى، وسى وقيعادان 4 ادام قولعا الىندى.

@شاڭحاي قالاسىندا اۆتوبۋزعا وتىرعان ٴبىر اپاي ماسكى تاعۋدان باس تارتىپ «مەن امەريكالىقپىن» دەپ شۋ شىعارعان، حالىق ساقشىسى وعان 3 رەت ەسكەرتۋ بەرىپ ٴونىم بولماعاننان كەيىن ونى اۆتوبۋزدان تۇسىرىپ جىبەرگەن.

@يۇنناننىڭ نۋجياڭ قالاسىنداعى ساقشىلار 106 كيلوگرام ەسىرتكىنى قولعا تۇسىردى، دەلوعا قاتىستى جەڭىل اۆتوموبيل ورىندىعىنىڭ ارتىنا تۇگەلدەي ەسىرتكى جاسىرىلعان. 

@جۇڭگو عارىشقا ادام الىپ ۇشۋ ينجەنەريا كەڭسەسىنىڭ حابارىنا قاراعاندا، بەيجيڭ ۋاقىتى 2021 ـ جىلى 6-ايدىڭ 9-كۇنى شىنجوۋ 12ـٴنومىرلى ادام الىپ ۇشاتىن الەم كەمەسى مەن چاڭجىڭ 2-ٴنومىرلى F تۇرپاتتى الىس ارالىقتى 12-تاسىمال راكەتاسىنىڭ قۇراما تۇلعاسى ۇشىرۋ رايونىنا جەتكىزىلدى. 

 

@مەملەكەتتىك دەنساۋلىق ساقتاۋ، سالاماتتىق كوميتەتىنىڭ 6-ايدىڭ 9-كۇنى جاريالاعان ساندى مالىمەتىندە كورسەتىلۋىنشە، ەلىمىزدە 800 ميلليون رەت ۆاكسينا ەگىلگەن، جەر-جەر ءبىر تۇتاس ورنالاستىرۋ بويىنشا، 6-ايدىڭ 10-كۇنىنەن 30-كۇنىنە دەيىن 1-رەت ۆاكسينا قويدىرعان ادامدار شوعىرىنا قاراتا ۆاكسينا ٴدارىسىن 2-رەت ەكتىرۋ جايلى ورنالاستىرۋ جاسادى. 

 

@6-ايدىڭ 9-كۇنى ا ق ش پارلامەنتى كەڭەس پالاتاسىنىڭ «2021-جىلعى ا ق ش-نىڭ جاڭالىق جاراتۋ جانە باسەكە زاڭ جوباسىن» ماقۇلداۋىنا قاراتا، مەملەكەتتىك حالىق قۇرىلتايىنىڭ سىرتقى ىستەر كوميتەتى مالىمدەمە جاريالاپ: بۇل زاڭ دەلوسى «جاڭالىق جاراتۋ مەن باسەكەنى» جەلەۋ ەتىپ، جۇڭگونىڭ ىشكى ىسىنە كيلىگىپ، جۇڭگونىڭ دامۋىن تەجەۋگە ۇرىندى. جۇڭگو مەملەكەتتىك حالىق قۇرىلتايى بۇعان قاتاڭ نارازىلىق بىلدىرەدى جانە باتىل قارسى تۇرادى دەدى. 

 

@مەملەكەتتىك ساناق مەكەمەسى 6-ايدىڭ 9-كۇنى جاريالاعان ساندى مالىمەتتە كورسەتىلۋىنشە، 5-ايدا بۇكىل ەل بويىنشا تۇرعىنداردىڭ تۇتىنۋ باعاسى وتكەن جىلدىڭ ۇقساس مەزگىلىندەگىدەن %1.3 ارتقان، ەلىمىزدىڭ اۋىل شارۋاشىلىق قوسىمشا ازىق–تۇلىك بازارىنىڭ قامداۋى جەتكىلىكتى، ونەركاسىپ تۇتىنۋ بۇيىمدارىنىڭ ٴوندىرىس قۋاتى مول، تۇرعىنداردىڭ تۇتىنۋ باعاسى جالپى جاقتان ورنىقتى بولعان. 

 

@توراپتا كەڭىنەن تارالعان «بەيجيڭدەگى ٴبىر ايەلدىڭ الەۋمەتتىك اۆتوبۋزدا باسقالارعا ٴتىل تيگىزىپ ياناتتاۋ» ماسەلەسىنە قاراتا، بەيجيڭ قاتىناس قاتىناس ساقشى مەكەمەسى 6-ايدىڭ 9-كۇنى: دەلوعا قاتىستى وسى ايەلدىڭ اكىمشىلىك جاقتان قولعا الىنعاندىعىن ايتتى.

 

@دۇنيە بانكەسى بىرنەشە كۇننىڭ الدىندا «دۇنيە ٴجۇزى ەكونوميكاسىنا نازار» بايانداماسىنىڭ ەڭ جاڭا نۇسقاسىن جاريالاپ، جۇڭگونىڭ 2021-جىلعى ەكونوميكالىق ارتۋ مەجەسىن وسىدان بۇرىنعى %7.9 تەن %8.5 كە جوعارىلاتتى. 

 

@ب م ۇ حاۋىپسىزدىك القالار كەڭەسىنىڭ مۇشەلەرى تاياۋدا ءبىر اۋىزدان قاۋلى ماقۇلداپ، ب م ۇ–نىڭ جينالىسىنا گۋتتەرەستى ب م ۇ–نىڭ باس حاتشىلىعىنا تاعى دا تاعايىنداۋدى ۇيعاردى، گۋتەرىستىڭ مىندەت وتەۋ مەرزىمى 2022–جىلى 1-ايدىڭ 1-كۇنىنەن 2026–جىلى 12-ايدىڭ 31-كۇنىنە دەيىن. 

 

您的浏览器不支持 audio标签

جۇڭگو مەن شىعىس وڭتۇستىك ازيا ەلدەرى وداعى اناعۇرلىم جوعارى دەڭگەيدەگى ستراتەگيالىق سەرىكتەستىك قاتىناس ورناتۋعا قۇلشىنۋدا 

 

6-ايدىڭ 7 ـ، 8 ـ كۇندەرى جۇڭگو مەن شىعىس وڭتۇستىك ازيا ەلدەرى وداعىنىڭ سۇحپات قاتىناسى ورناعاندىعىنىڭ 30 جىلدىعىن ەسكە ٴتۇسىرۋ سىرتقى ىستەر مينيسترلەر ەرەكشە ٴماجىلىسى جانە لانساڭجياڭ وزەنى ـ مەكونگى وزەنى سەلبەستىگىنىڭ 6-رەتكى سىرتقى ىستەر مينيسترلەرى ٴماجىلىسى چۇڭچيڭدە وتكىزىلدى. ماجىلىستە ٴار قايسى جاقتار جۇڭگونىڭ مەن شىعىس وڭتۇستىك ازيا ەلدەرى وداعىنىڭ سەلبەستىگىن كۇشەيتۋ، لانساڭجياڭ وزەنى ـ مەكونگى وزەنى سەلبەستىگىن كۇشەيتۋ جونىندە كەڭ كولەمدى ورتاق تانىمعا كەلىپ، ىنتىماقتى، سەلبەستىكتى تەرەڭدەتىپ، كوركەم بولاشاقتى ورتاق قۇرۋ جارقىن بولاشاعىن كارتينالادى. 

 

جۇڭگو مەن شىعىس وڭتۇستىك ازيا ەلدەرى وداعىنىڭ قاتىناسى قارىشتاپ دامىپ كەلەدى. ەكى جاق ەڭ كولەمدى ساۋدا سەرىگىنە، ەڭ باي مازمۇنداعى سەلبەستىك سەرىگىنە، ەڭ ومىرشەڭ ستراتەگيا سەرىگىنە اينالدى. جۇڭگو مەن شىعىس وڭتۇستىك ازيا ەلدەرى وداعى سەلبەستىگى 11 ەلدىڭ 2 ميلليارد حالقىنا مول ىرىس جانە باقىت جاراتىپ، ٴوڭىردىڭ بەيبىتشىلىگى مەن ورنىقتىلىعىنا، دامۋى مەن گۇلدەنۋىنە ماڭىزدى تىرەك بولىپ، ازيا ـ تىنىق مۇحيت ٴوڭىرى سەلبەستىگىنىڭ ەڭ تابىستى ۇلگىسىن ورناتۋعا ورتاق كۇش سالىندى. 2020-جىلى جۇڭگو مەن شىعىس وڭتۇستىك ازيا ەلدەرى وداعى تۇڭعىش رەت ٴبىر-ٴبىرىنىڭ ەڭ ۇلكەن ساۋدا سەرىگىنە اينالدى. قوس باعىتتا قارجى قوسۋ ۇزدىكسىز كەڭەيىپ، ساۋدا مولشەرى تەپە-تەڭدىككە بەت الىپ، جيىنى 200 ميلليارد امەريكا دوللارىندىق وتكەلدەن ٴوتتى. وڭىرلىك جالپى بەتتىك ەكونوميكالىق سەرىكتەستىك قاتىناس كەلىسىمىنە ٴساتتى قول قويىلدى، سۇحپات مەحانيزىمى وسى وڭىردەگى ەلدەردىڭ ەركىن ساۋدانى جانە كوپ جاقتىلىقتى قورعايتىن، حالىقارالىق سەلبەستىككە جەتەكشىلىك ەتەتىن ماڭىزدى كۇشكە اينالدى. وتە-موتە اتاپ وتۋگە ٴتيىستىسى، جۇڭگو مەن شىعىس وڭتۇستىك ازيا وداعىنداعى ەلدەرى ىندەتكە قول ۇستاسا قارسى تۇرىپ، ٴبىر-بىرىنە ارقا سۇيەيتىن تۋىسقاندىق سۇيىسپەنشىلىكتى، ٴبىر-بىرىنە قارايلاساتىن كورشىلەر تاتۋلىعىن جاندى بەينەلەدى. 

 

جۇڭگو مەن شىعىس وڭتۇستىك ازيا ەلدەرى وداعى باستان - اياق قارسى جاقتى دەپلوماتيادا ماڭىزدى ورىنعا قويىپ، ٴوزارا جالپى جۇزدىك قارىم-قاتىناستىڭ دامۋىنا ساياسي جەتەكشىلىك ەتتى. شىعىس وڭتۇستىك ازيا وداعى سۇحپات سەرىكتەرىنىڭ ىشىندە، جۇڭگو كوپ ٴتۇرلى «بىرىنشىلىكتى» جاراتتى: ٴبىرىنشى بولىپ «شىعىس وڭتۇستىك ازيا دوستىق سەلبەستىك شارتىنا» قاتىناستى. ٴبىرىنشى بولىپ شىعىس وڭتۇستىك ازيا وداعىمەن ستراتەگيالىق سەرىكتەستىك قاتىناس ورناتتى. شىعىس وڭتۇستىك ازيا وداعىمەن تۇڭعىش رەت ەركىن ساۋدا رايونىن قۇرۋ جونىندە كەڭەس وتكىزدى. ٴبىرىنشى بولىپ شىعىس وڭتۇستىك ازيا ەلدەرى وداعىنىڭ وڭىرلىك سەلبەستىك بارىسىنداعى وزەكتى ورنىنا ايقىن قولداۋ كورسەتتى... ٴتوراعا شي جينپيڭ جاناشىر، ادال،قايىرىمدى، كەشىرىمشىل، باۋىرمال بولۋ ديپلوماتيا تانىمىن العا قويدىٴارى جۇڭگونىڭ شىعىس وڭتۇستىك ازيا وداعىنداعى ەلدەرمەن بىرلىكتە كۇش سالىپ 21-عاسىرداعى تەڭىز جىبەك جولىن ورتاق قۇرۋدى؛ جۇڭگو-شىعىس وڭتۇستىك ازيا ەلدەرى وداعىنىڭ اناعۇرلىم تىعىز تاعدىرلاس ورتاق تۇلعاسىن قول ۇستاسا بىرلىكتە قۇرۋدى؛ جۇڭگو مەن شىعىس وڭتۇستىك ازيا وداعىنداعى ەلدەردىڭ قاتىناسىن تەرەڭدەتۋگە قۇدىرەتتى قوزعاۋشى كۇش قوسۋدى قالايتىندىعىن جاريالادى. وسى رەتكى سىرتقى ىستەر مينيسترلەرىنىڭ ەرەكشە ماجىلىسىندە جۇڭگو ەكى جاقتىڭ جۇڭگو مەن شىعىس وڭتۇستىك ازيا ەلدەرى وداعىنىڭ قاتىناسىن جالپى بەتتىك ستراتەگيالىق سەرىككە كوتەرۋگە ىزدەنىس جاساپ، ەكى جاقتىڭ ىنتىماعىن، سەلبەستىگىن تەرەڭدەتۋ تىلەگى مەن بەكىمىن ايگىلەۋىنە بولاتىندىعىن ٴبىلدىردى.

 

بولاشاققا كوز جىبەرگەندە، جۇڭگو مەن شىعىس وڭتۇستىك ازيا وداعىنداعى ەلدەردىڭ سەلبەستىگىن تەرەڭدەتۋ وراسان زور ورايعا ٴدوپ كەلىپ وتىر دەۋگە بولادى. جۇڭگو ـ شىعىس وڭتۇستىك ازيا ەلدەرى وداعىنىڭ اناعۇرلىم تىعىز تاعدىرلاس ورتاق تۇلعاسىن قۇرۋدى كوزدە ۇستاي وتىرىپ، ٴتوراعا شي جينپيڭ بىلتىر 11 ـ ايدا 17 ـ كەزەكتى جۇڭگو ـ شىعىس وڭتۇستىك ازيا ەلدەرى وداعى كورمەسىندە جانە جۇڭگو ـ شىعىس وڭتۇستىك ازيا ەلدەرى وداعى ساۋدا ىستەرى جانە قارجى قوسۋ باسشىلار ٴماجىلىسىنىڭ اشىلۋ سالتىندا ٴسوز سويلەپ، ستراتەگيالىق ٴوزارا سەنىمدىلىكتى جوعارىلاتىپ، دامۋ جوباسىن ىشكەرىلەي ٴتۇيىلىستىرۋ؛ ەكونوميكا ـ ساۋدا سەلبەستىگىن جوعارىلاتىپ، وڭىرلىك ەكونوميكانىڭ جاپپاي قالپىنا كەلۋىن جەدەلدەتۋ؛ عىلىم ـ تەحنيكادا جاڭالىق جاراتۋدى جوعارىلاتىپ، سيفرلى ەكونوميكالىق سەلبەستىكتى تەرەڭدەتۋ؛ ىندەتكە قارسى تۇرۋ سەلبەستىگىن جوعارىلاتىپ، الەۋمەتتىك دەنساۋلىق ساقتاۋ قابىلەتى قۇرىلىسىن كۇشەيتۋ جونىندە 4 مازمۇندى دارىپتەمەنى العا قويدى. جۇڭگو جاقتىڭ دارىپتەمەسىندە جۇڭگونىڭ شىعىس وڭتۇستىك ازيا ەلدەرى وداعىنىڭ وزىندىك دامۋ قاجەتى كوزدەلىپ، ەكى جاقتىڭ سەلبەستىك دارەجەسىن جوعارىلاتۋدىڭ ٴونىمدى جولى بايىمدالىپ، ەكى جاقتىڭ ستراتەگيالىق سەرىكتەستىك قاتىناسىنىڭ دامۋىنا جاڭا جوبا جاسالدى. 

 

جۇڭگو مەن شىعىس وڭتۇستىك ازيا ەلدەرى وداعىنىڭ سۇحپات قاتىناسىن ورناتقاندىعىنىڭ 30 جىلدىعىن جانە لانساڭجياڭ وزەنى ـ مەكونگى وزەنى سەلبەستىگىنىڭ 5 جىلدىعىن وراي ەتىپ، «ٴبىر بەلدەۋ، ٴبىر جولدى» جوعارى ساپامەن ورتاق قۇرۋدى جەدەل ىلگەرىلەتىپ، وڭىرلىك سەلبەستىكتىڭ اقاۋسىز دامۋىن ورتاق جەبەپ، ٴوڭىردىڭ بەيبىتشىلىگى مەن ورنىقتىلىعىن قورعاۋ -جۇڭگو مەن شىعىس وڭتۇستىك ازيا ەلدەرى وداعىنداعى ەلدەردىڭ ورتاق جۇرەك ٴۇنى. بولاشاقتا جۇڭگو مەن شىعىس وڭتۇستىك ازيا وداعىنداعى ەلدەر شىعىس ازيا ەرەكشەلىگىنە يە وڭىرلىك سەلبەستىك جولىن ورتاق اشىپ، ويداعىداي قورعاپ،ويداعىداي دامىتىپ، جۇڭگو شىعىس وڭتۇستىك ازيا ەلدەرى وداعىنىڭ اناعۇرلىم جوعارى دەڭگەيدەگى ستراتەگيالىق سەرىكتەستىك قاتىناسىن قالىپتاستىرىپ، اناعۇرلىم تىعىز تاعدىرلاس ورتاق تۇلعا قۇرىپ شىعاتىن بولادى. 

 

来源:中央广播电视总台

 

 

新闻速递翻译:那扎 播音:古丽娜尔

世界报道翻译:哈那提别克   播音:巴拉番

微信制作:阿依娜

 

中央广播电视总台 央广网 版权所有

بايدەن ۋيچاتقا تيىم سالۋ بۇيرىعىن كۇشىنەن قالدىردى

ونەركاسىپ جانە ينفورماتسيالاندىرۋ مينيسترلىگىنىڭ سىمسىز ەلەكتر جۇيەسىن باسقارۋ مەكەمەسى: جوعارى مەكتەپ ەمتيحانىندا قارالىق ىستەۋ سيگنالىنا دەرەۋ تەكسەرۋ جۇرگىزىپ، ورنىن تۇراقتاندىرعاندىعىن ايتتى.