بۇگىن 6-ايدىڭ 18-كۇنى، جۇما، الدىمەن ەل ٴىشى جانە حالىقارالىق حابارلار توپتاماسىن تىڭدايسىزدار، ونان سوڭ حالىقارالىق قولامتالى تۇيىنگە قۇلاق تۇرىڭىزدەر:

您的浏览器不支持 audio标签

مەملەكەتتىك كەڭەس كەڭسەسى «ەمدەۋ، ٴدارى-دارمەك، دەنساۋلىق ساقتاۋ ٴتۇزىلىس رەفورماسىن تەرەڭدەتۋدىڭ 2021-جىلعى ٴتۇيىندى قىزمەت مىندەتتەرىن» باسىپ تاراتتى، سانميڭ قالاسىنىڭ ەمدەۋ، ٴدارى-دارمەك، دەنساۋلىق ساقتاۋ رەفورماسىنىڭ تاجىريبەلەرى ىشكەرىلەي جالپىلاستىرىلىپ، ەمدەۋ، ەمدەۋ قامسىزداندىرۋى، ەمدەۋ-ٴدارى-دارمەك ىقپالداستىق رەفورماسى ىلگەرىلەتىلەدى. 　

«حالىق سوت مەكەمەسىنىڭ جەلىدە ارىز-شاعىم بەرۋ ەرەجەسى» جاريالانىپ، جەلىدە ارىز-شاعىم بەرۋ ەرەجەسى تۇڭعىش رەت تۇراقتاندىرىلدى. 

وقۋ-اعارتۋ مينيسترلىگى: كوكتەمگى، كۇزگى وقۋ ماۋسىمىندا ورتا، باستاۋىش مەكتەپ وقۋشىلارىنىڭ كورۋ قۋاتىن تەكسەرۋ ناتيجەسى جەكە-جەكە جاريالانادى،-دەدى. 

كوپ تاراۋ پىكىر باسىپ تاراتىپ، اۋدان قالاشىعىندا جاڭادان سالىنعان تۇرعىن ۇيلەردىڭ بيىكتىگىن 18 قاباتتان اسىرماۋدى ورتاعا قويدى. 　

جەتى جەر ەڭ تومەنگى ەڭبەكاقى ولشەمىن جوعارىلاتتى، شاڭحايدا تومەنگى ەڭبەكاقى ولشەمى ەڭ جوعارى بولىپ، 2480 يۋان بولعان. 

حۋبەيدىڭ شى-يان جانار گاز پارتىلاۋ ۋاقيعاسىندا 25 ادام قازا بولدى، شى-يان قالاسى دۇڭفىڭ جانار گاز دامىتۋ شەكتى سەرىكتىگىنىڭ باس مەڭگەرۋشىسى قاتارلى 8 ادام قىلمىستىق ىستەر بويىنشا قاماۋعا الىندى، وسى سەرىكتىكتىڭ قاتىستى جابدىقتارىنىڭ اينالىمىندا اۋىر كەمىستىك ساقتالعان. 

حانگو مەديالارىنىڭ حابارىنا قاراعاندا، حانگونىڭ بۇرىنعى زۇڭليى ديڭ شىجۇن پرەزيدەنت سايلاۋى باسەكەسىنە قاتىناساتىندىعىن، ەكونوميكانى دامىتۋدى باستى باعدار ەتەتىندىگىن جاريالاعان. 

جاپونيا تەحنيكالىق ارناۋلى مەكتەپتەر اشىپ، جاس دارىندىلاردى تاربيەلەمەكشى. 

قىزمەتكەرلەردىڭ جەكەلىك ينفورماتسياسىن زاڭسىز جيناعاندىقتان، يجيا سەرىكتىگىنىڭ فرانسيا بولىمشە سەرىكتىگىنە ٴبىر ميلليون ەۆرو ايىپ سالىندى. 　　

دانيا مەملەكەتتىك فۋتبول كومانداسى ەريكسوننىڭ جۇرەك ٴدىرىلىن باسۋ اسپابىن ورناتۋعا قوسىلعاندىعىن ايتتى. 

سلوۆاكيا كومانداسىنىڭ دوپشىسى وسى كەزەكتى ەۆروپا فۋتبول ساۋىتىنا تالاسۋ جارىسىندا نۋكلەين قىشقىلىن تەكسەرۋدە ناتيجەسى بولىمدى بولىپ شىقتى.

گۋاڭجوۋدا ٴبىر ەر ادام وكپە قابىنۋ ناۋقاسىمەن ارالاسقانىن جاسىرعاندىقتان، 400 ادام اۋاشالاندى، ٴادىليا ورگاندارى ونىڭ قىلمىستىق ىستەر جاۋاپكەرشىلىگىن قۋزاستىرادى. 

حۋبيدىڭ تۇڭچىڭ قالاسىنداعى ەكى وقىتۋشى جوعارى مەكتەپ ەمتيحانىندا قارالىق ىستەۋگە كومەكتەسەمىز دەپ اتا-انالاردان 50 مىڭ يۋان العاندىقتان، جازاعا تارتىلدى. 

 فۋدان ۋنيۆەرسيتەتى ۋاڭ يۇڭجىننىڭ قاستاندىققا ۇشىراۋ دەلوسىنا قاتىستى وسەك-اياڭعا تويتارىس بەرىپ، عىلمي زەرتتەۋ ناتيجەسىن ۇرلاپ الۋ ٴجايىتى جوق،-دەدى. 

ٴبىر ەر ادام تەڭىز شايانىن جەۋ ٴۇشىن، ماس بولىپ كولىك ايداپ، جيناننان 6 ساعات جول ٴجۇرىپ، نانجيڭگە بارعاندا ۇستالدى. 

ليۋجوۋ حايۋاناتتار باقشاسىنداعى جولبارىس ارىقتاپ قۇر سۇلدەرى قالدى دەگەن حابارعا قاراتا حايۋاناتتار باقشاسىن باسقارۋشى تاراۋ: جولبارىس سوزىلمالى اسقازان-ىشەك قابىنۋ اۋرۋىنا شالدىقتى، سالماعى شامامەن 170 جىڭ، قازىر ەمدەتۋدەمىز،-دەدى.

گاۋ مىرزا استىق بەلەتىن جيناۋعا قىزىعاتىن توراپتاس بەرگەن سۋرەتكە نەگىزدەلىپ، وتكەن عاسىرداعى استىق بەلەتىن قولمەن سىزىپ شىقتى، توراپتاستار: باسپا ماشيناسىمەن بارابار ەكەن-دەپ باعا بەردى. 　　

6-ايدىڭ 16-كۇنى تۇستە، كورلا قالاسىنىڭ اسپانىندا كۇن قورالاندى، بۇقارا مۇنى جاپا-تارماعاي سۋرەتكە الدى. 

بوتسۆانادا 1098 كرات الىپ الماس قازىلدى، ول دۇنيە جۇزىندەگى ٴۇشىنشى ۇلكەن جاقۇت دارەجەلى گاۋھارعا اينالۋى مۇمكىن. 

3 عارىشكەر عارىشتا بۇكىل ەل حالقىنا قۇرمەت ٴبىلدىردى. 

您的浏览器不支持 audio标签

شەتەل ماماندارى مەن مەديالارى جۇڭگو عارىشقا ادام الىپ ۇشۋ ينجەنەرياسىندا تىڭ بەلەسكە كوتەرىلدى دەپ حابارلادى 

جۇڭگونىڭ 3 عارىشكەرى 6-ايدىڭ 17 ـ كۇنى شىنجوۋ 12 ـ ٴنومىرلى ادام الىپ ۇشاتىن الەم كەمەسىنە وتىرىپ كەڭىستىك بەكەتىنە باردى جانە وزەكتى بولمەگە كىردى، ولار وسىندا شامامەن 3 اي ايالدايدى دەپ جوسپارلاندى. شەتەل ماماندارى مەن مەديالارى جۇڭگونىڭ عارىشقا ادام الىپ ۇشۋ ينجەنەرياسىنىڭ تاريحي بەلەستىك وسى ناتيجەسىنە جوعارى باعا بەرىپ، جۇڭگو كەڭىستىك بەكەتى حالىقارالىق عارىش سەلبەستىگىنىڭ جاڭا تەكشەسىنە اينالادى دەپ قارادى. 

فرانسيانىڭ عارىش مامانى فيليپ كۋەي بىلاي دەدى: جۇڭگونىڭ 3 عارىشكەرىنىڭ تيانحى وزەكتى بولمەسىنە كىرۋىن ۇلى ٴىس دەۋگە بولادى، جۇڭگونىڭ عارىش ىستەرىنىڭ دامۋ قارقىنى ادامدى قايران قالدىرادى، جۇڭگونىڭ عارىش ىزدەنىسى بۇرىن ـ سوڭدى بولماعان دەڭگەيگە جەتتى. كۋەي بىلاي دەدى: جۇڭگو دەربەس قۇرعان كەڭىستىك بەكەتى قۇراستىرىلۋ ساتىسىندا تۇر، عارىشكەرلەر وسى رەتكى عارىش مىندەتىندە بولمەدەن شىعىپ جۇمىس ىستەيدى، بۇل عارىش بەكەتىن قۇراستىرۋ جانە قورعاۋ ٴۇشىن كوپ رەت عارىشقا ۇشۋدىڭ باستالعاندىعىن كورسەتەدى، مۇنىڭ ماڭىزى زور. 

رەسەيدىڭ ايگىلى عارىش عىلىمىن جالپىلاستىرۋ مامانى ۆيتالي ەگوروۆ بىلاي دەدى: سوڭعى بىرنەشە ايدان بەرى، ٴبىز جۇڭگونىڭ كەڭىستىك بەكەتى قۇرىلىسى جاعىندا كوپتەگەن ماڭىزدى تابىستارعا قول جەتكىزگەنىن كوردىك، بۇل قىزمەت ورنىقتى ىلگەرىلەۋدە. جۇڭگونىڭ ادامزات عارىش عىلىمىن تىڭ ساتىعا كوتەرەتىندىگىنە سەنەمىن.

پاكيستان يسلاماباد اۋە ارميا ۋنيۆەرسيتەتىنىڭ دوتسەنتى الي سارىش بىلاي دەدى: شىنجوۋ 12-ٴنومىرلى الەم كەمەسىنىڭ ۇشىرىلۋى جانە عارىشكەرلەردىڭ وزەكتى بولمەگە كىرۋى جۇڭگونىڭ عارىش ىستەرىندە قول جەتكىزگەن تاعى ٴبىر كەلەلى تابىسى دەۋگە بولادى. جۇڭگو عارىش سالاسىندا وراسان زور قۇلشىنىستار جاساپ، عارىش ىستەرىندەگى قۇدىرەتتى ەل قاتارىنا ٴساتتى قادام تاستادى. 

ا ق ش-نىڭ «نيۋ-يورك ۋاقىت گازەتىندە» بىلاي دەپ حابارلاندى: تاياۋ جىلداردان بەرى، جۇڭگو ٴبىر قىدىرۋ عارىشقا ۇشۋ جانە وزگە پلانەتاعا قونۋ جوسپارلارىن ٴساتتى ورىندادى، بۇل تابىستار جۇڭگونىڭ الدىن الا بەلگىلەنگەن جوسپار بويىنشا باسقا دا شالعاي كەڭىستىكتى بارلاۋ مىندەتىن ىلگەرىلەتۋىنەن ٴۇمىت كۇتۋگە بولاتىندىعىن كورسەتەدى. 

انگليانىڭ «قورعانىس گازەتىندە» بىلاي دەپ حابارلاندى: كەڭىستىك بەكەتىنىڭ جۇمىس اينالىمىن ساقتاۋ ٴۇشىن كوپتەگەن ەگجەي-تەگجەيلى، كۇردەلى قىزمەتتەردى ورىنداۋعا تۋرا كەلەدى، تيانحى وزەكتى بولمەسىنە كىرۋ سىندى وسى رەتكى مىندەتتە جۇڭگو عارىشكەرلەرىنىڭ نىساناسى وزدەرىنىڭ عارىشتاعى «جاڭا قونىستارىن» سالىپ، كەيىنگى پايدالانۋعا دايىنداۋ بولىپ تابىلادى، بۇل وتە ٴىس جۇزىندىك نىسانا. 

«جاپونيا ەكونوميكا حابارلارى» گازەتىنىڭ شولۋىندا بىلاي دەپ حابارلاندى : جۇڭگو بيىل 5-ايدا ۇشقىشسسىز اۆتوموتتى بارلاۋ جابدىعىن مارسقا قوندىرۋدى جۇزەگە اسىردى، جۇڭگو كەڭىستىك بەكەتى قۇرىلىسىندا ۇزدىكسىز ىلگەرىلەۋشىلىككە قول جەتكىزىپ، جۇڭگونىڭ عارىش قۋاتىن ايگىلەدى. 

فرانسيانىڭ عارىش مامانى فيليپ كۋەي بىلاي دەدى: جۇڭگو عارىشكەرلەرىنىڭ تيانحى وزەكتى بولمەسىنە كىرگەننەن كەيىن ورىنداعان مىندەتتىك جوسپارلارى حالىقارالىق سەلبەستىككە وراي جاراتادى، جۇڭگونىڭ حالىقارالىق سەلبەستىك سەرىكتەرى جۇڭگونىڭ كەڭىستىك بەكەتى نىسانىنا قاتىناسادى، باسقا ەلدىڭ عارىش زەرتتەۋ قۇرىلىمدارى بولاشاقتا وسى كەڭىستىك بەكەتىمەن جالعانۋدى ٴۇمىت ەتەدى، سونىمەن جۇڭگونىڭ عارىش بەكەتى حالىقارالىق عارىش سەلبەستىگىنىڭ ماڭىزدى تەكشەسىنە اينالادى. 

رەسەيدىڭ ايگىلى عارىش عىلىمىن جالپىلاستىرۋ مامانى ۆيتالي ەگوروۆ بىلاي دەدى: رەسەي عارىش ونىمدەرى جاعىندا جۇڭگومەن عارىش سەلبەستىگىن ورىستەتۋ جونىندە جوبا جاسادى، جۇڭگونىڭ عارىش سالاسىندا قول جەتكىزگەن تابىسى رەسەيدىڭ عارىش عىلمي زەرتتەۋىن دامىتۋىنا سەپتىگىن تيگىزەدى. ٴارقانداي عىلمي زەرتتەۋ جەتىستىگى تۇبىندە بۇكىل ادامزاتتىڭ تابىسىنا اينالادى. جۇڭگونىڭ عارىش ىستەرىنىڭ تابىستى بولۋى ادامزاتتىڭ اينالاسىنداعى دۇنيەنى، عارىشتى، ءتىپتى، ادامزاتتىڭ ءوزىن تۇسىنۋىنە ۇلەس بولىپ قوسىلدى. 

پاكيستان يسلاماباد اۋە ارميا ۋنيۆەرسيتەتىنىڭ دوتسەنتى الي سارىش بىلاي دەدى: سالىنىپ بولعاننان كەيىنگى جۇڭگو كەڭىستىك بەكەتى جەرگە جاقىن كەڭىستىكتە ٴتۇرلى تاجىريبە جاسايتىن، عارىشتى باقىلايتىن، زەرتتەيتىن جانە باسقا دا اسپان دەنەلەرىن زەرتتەيتىن تەكشەگە اينالادى. مەجەمەن بىرنەشە جىلدان كەيىن، باسقا ەلدەردىڭ كوپتەگەن عارىش عىلمي زەرتتەۋ نىساندارى جۇڭگونىڭ كەڭىستىك بەكەتىندە ورىستەتىلەدى، بۇل جۇڭگو مەن حالىقارالىق سەرىكتەستەردىڭ عارىش عىلمي زەرتتەۋ سەلبەستىگىن تەرەڭدەتۋىنە ٴتيىمدى بولادى. 

来源：中央广播电视总台

新闻速递翻译：古丽努尔 播音：巴拉番

世界报道翻译：哈那提别克   播音：古丽江

微信制作：阿依娜