توڭكەرىستىك رۋح، ىنتىماعى جاراسقان حالىق

-- <اراتورىكتى قورعاۋ 40 كۇندىك شايقاسىنىڭ ەسكەرتكىش سارايى>جونىندە دايىندالعان حابار 

اراتورىكتى قورعاۋ 40 كۇندىك شايقاسىنىڭ ەسكەرتكىش سارايى--قۇمىل قالاسى اراتورىك اۋدانىنداعى توڭكەرىستىك تاربيەنى باستى مازمۇن ەتكەن ساياحات كورىنىس رايونى. 1950-جىلى اراتورىك اۋدانىندا بۇكىل ەلدى ٴدۇر سىلكىندىرگەن 40 كۇنگە جالعاسقان اراتورىكتى قورعاۋ شايقاسى تۋىلادى، اراتورىكتى قورعاپ تۇرعان ازاتتىق ارميا 1-يىڭى 2-لياننىڭ جاۋىنگەرلەرى جاۋمەن شايقاسىپ، اراتورىكتى 40 كۇن قورعاپ، باندىلاردىڭ جەتى رەتكى كەڭ كولەمدەگى سۇراپىل شابۋىلىن تالقانداپ، ەرلىكپەن شايقاس جاساپ، سوڭىندا جەڭىسكە قول جەتكىزىپ، اراتورىك اۋدان قالاشىعىن قورعاپ قالادى. 

اراتورىك اۋدانى تاريحتى ەسكە الىپ، توڭكەرىستىك تاربيەنى كۇشەيتۋدى جالعاستىرىپ، اراتورىكتى قورعاۋ 40 كۇندىك شايقاسىنىڭ ەسكەرتكىش سارايىن قۇردى، ەسكەرتكىش سارايىنىڭ اۋماعى 700 كۆادرات مەتر، 2020-جىلى اراتورىك اۋدانى قارجى جۇمساپ، اتالعان ەسكەرتكىش ورنىن جاڭالاپ، 2020-جىلى 10-ايدىڭ 1-كۇنى جۇرتشىلىققا اقىسىز اشتى. 

اراتورىك اۋدانىنىڭ ورىنباسار اۋدان باستىعى مەيىربەك توقان ۇلى بىلاي دەدى: جاقىنعى جىلداردان بەرى، اراتورىك اۋدانى جىبەك جولى ەكونوميكالىق بەلدەۋ سولتۇستىك وتكەل قاقپا قۇرىلىسىن ىلگەرىلەتۋ كەلەلى ورايىن مىقتى ۇستاپ، <ٴبىر بەلدەۋ، ٴبىر جول> ۇندەۋى جاعدايىنان تولىق پايدالانىپ، اۋىل-شارۋاشىلىق ماڭىزدى ورنىن بەكەمدەپ، ونەركاسىپتىڭ جەتەكشىلىك ورنىن كۇشەيتىپ، ساياحات كاسىبىن زور كۇشپەن دامىتىپ، ٴۇش كاسىپتىڭ توعىسا دامۋىن تارتىپپەن ىلگەرىلەتىپ كەلەدى. 

اۋدانىمىز تاريحتى ەسكە الىپ، توڭكەرىستىك تاربيەنى كۇشەيتۋگە باسا ٴمان بەرىپ، وتانشىلدىق تاربيەنى ەرەكشەلىك ەتكەن ٴتۇرلى ساياحات جولدارىن اشىپ، اراتورىك اۋدانىنىڭ پارتيا تاريحىن ۇيرەنۋ تاربيەسىندە ماڭىزدى رول اتقارىپ كەلەدى.

 1995-جىلى، اتالعان ەسكەرتكىش سارايى شينجياڭ ۇيعۇر اۆتونوميالى رايوندىق حالىق ىستەرى مەڭگەرمەسى جاعىنان «وتانشىلدىق تاربيە بازاسى» بولىپ بەلگىلەندى؛ 2001-جىلى 4-ايدىڭ 30-كۇنى، مەملەكەتتىك كەڭەس جاعىنان 4-قارارداعى مەملەكەت بويىنشا ماڭىزدى قاھارماندار ەسكەرتكىش سارايى قۇرىلعىلارىن قورعاۋ ورنى ەتىپ ماقۇلداندى؛ سول جىلى 11-ايدا، كوممۋنيستىك جاستار وداعى اۆتونوميالى رايوندىق كوميتەتى جاعىنان اۆتونوميالى رايون دارەجەلى جاسوسپىرىمدەردىڭ وتانشىلدىق تاربيە بازاسى ەتىپ بەلگىلەندى؛ سونداي-اق اراتورىك اۋدانىنداعى <وتانشىلدىق ساياحات بازاسى>، جانە قۇمىل قالاسىنداعى ون ۇلكەن ساياحات ورنىنىڭ ٴبىرى ەدى. 

قاھارمانداردىڭ اراتورىكتى قورعاۋ شايقاسىندا كورسەتكەن ەرلىك جىگەرى، قازىرگە دەيىن ٴار ۇلت اراسىندا تارالىپ، اراتورىك اۋدانىنىڭ، سونداي-اق شينجياڭداعى ٴار ۇلت حالقىنىڭ العا ۇمتىلىپ، كورىكتى اتا-مەكەنىن قۇرۋىنا رۋحاني كۇش سيلاپ كەلەدى. 

نارىنكىر قازاق ۇلتتىق اۋدانى-- اراتورىك اۋدانىنداعى مال شارۋاشىلىعىن نەگىز ەتكەن اۋىل، قاراستىلىعىندا 4 اكىمشىلىك قىستاق بار بولىپ، جالپى 938 وتباسى 2933 جان سانى بار. پارتيانىڭ ابزال ساياساتتارىنىڭ كومەگىندە، وسى ارانىڭ بەت-بەينەسىندە وزگەرىستەر بولىپ، ٴار ۇلت حالقى <اراتورىكتى قورعاۋ 40 كۇندىك شايقاس> رۋحىن ساۋلەلەندىرىپ، ىنتىماقتى، تاماشا تۇرمىس ورتاسىن جاراتىپ كەلەدى. 

 ٴماسىليقان قابدوللا ۇلى، نارىنكىر اۋىلىنىڭ تۇرعىنى، اۋىلدىق ۇكىمەت، سونداي-اق قىستاققا تۇسكەن قىزمەت گرۋپپاسى قاتارلى جاقتاردىڭ كومەك كورسەتۋىندە، 2018-جىلدان باستاپ وتباسى ساياجايىن اشىپ، كىرىس كوزىن جاراتتى. ونىڭ 20 جاستاعى بالاسى مي وسپەسى اۋرۋىنا كىرىپتار بولىپ، دوحترعا ەمدەلۋ قاجەت بولعان كەزدە، كوپتەگەن ادامدار كومەك كورسەتكەن ەدى. ٴماسىليقان قابدوللا ۇلى بىلاي دەدى: تۋىسىم ني كۇن-نىڭ كومەك كورسەتۋىندە بالامدى استانامىز بەيجيڭگە اپارىپ دوحترعا كورسەتتىم، اۋدان اكىمدەرىنەن باستاپ، اۋىلداعى باۋىرلاستارىما دەيىن ماعان كوپتەپ كومەك كورسەتتى، سولارعا شەكسىز العىسىمدى ايتامىن. پارتيانىڭ ابزال ساياساتتارىنىڭ ارقاسىندا كوپتەگەن يگىلىكتەرگە كەنەلدىم، وسى ورايدا ج ك پ قۇرىلعاندىعىنىڭ 100 جىلدىعىنا قۇتتى بولسىن ايتامىن. 

 ٴماسىليقان وتباسىنىڭ كومەككە يە بولعان اڭگىمەسى ۇلتتار ىنتىماعىنىڭ ومىردەگى شىنايى بەينەلەنۋى، مىنە وسىنداي قاراپايىم اڭگىمەلەر اراتورىك اۋدانىندا، سونداي-اق شينجياڭ سىندى باياشات مەكەندە ءجيى ايتىلىپ، ۇلتتار ىنتىماعى جانە وتانشىلدىق تاربيەسىنىڭ اسقاق جىرىن اۋەلەتىپ كەلەدى. 

اراتورىك اۋدانى وسىلايشا توڭكەرىستىك تاربيەنى مازمۇن ەتكەن ساياحات بايلىعىن نەگىز ەتىپ، وتانشىلدىق، توڭكەرىستىك تاربيەنى ەرەكشەلىك ەتكەن ٴتۇرلى ساياحات جولدارىن اشىپ، اراتورىك اۋدانىنىڭ پارتيا تاريحىن ۇيرەنۋ تاربيەسىندە ماڭىزدى رول اتقارىپ كەلەدى. 

قاھارمان رۋحى ماڭگى جاسايدى، قازىرگى تاڭدا، اراتورىك اۋدانى قايسارلىق رۋحتى ساۋلەلەندىرىپ، قوعامدىق ىستەر جەدەل دامىپ، حالىق بۇقاراسى باقىتتى، الاڭسىز ٴومىر كەشىرۋدە. اعا بۋىن ارداگەرلەر اشقان توڭكەرىستىك رۋح وسى ارادا ونان ارى شۇعىلا شاشۋدا. 

来源：原创

记者：恒巴特

拍摄：卡德尔汗

主播：沙娅

微信制作：阿依娜

تومەندەگى 阅读原文 جالعانىمىن باسىپ حاباردىڭ تۇنىق كەسكىندى نۇسقاسىن كورىڭىزدەر