ينفورماتسيا اشكەرەلەۋ: mzjubao@cnr.cn

وزەكتى ماقالالار

عيمارات تەرەزەسىنەن قۇلاعان بالانى قۇتقارىپ قالدى

来源:央广网     |责编:达吾力别克|     发布日期: 2021-07-17 12:26

عيمارات تەرەزەسىنەن قۇلاعان بالانى قۇتقارىپ قالدى...

 

 

 

جاقىندا حىبەي ولكەسى شىجياجۋاڭ قالاسىندا ءبىر 3 جاستاعى ۇل بالا عيماراتتىڭ ىشىنەن تەرەزە سىرتىنا ورمەلەپ شىعادى. عيمارات تەرەزەسىنەن قۇلاپ تۇسكەن بالاعا كوپشىلىك توسەنىش جايىپ قۇتقارىپ قالادى.

 

كىشكەنتاي ۇل بالا عيمارات تەرەزەسىنەن تومەنگە قۇلاپ تۇسەدى، كوپشىلىك تەرەزە پەردەسىن توسەنىش ەتىپ بالانى جەرگە تۇسىرمەي قۇتقارىپ قالادى

7-ايدىڭ 13-كۇنى تۇستەن كەيىن، شىجياجۋاڭ قالاسىنداعى ءمالىم تۇرعىندار رايونىندا ءبىر كىشكەنتاي ۇل بالا عيماراتتىڭ 2-قاباتىنداعى تەرەزە سىرتىنا شىعادى. كىشكەنتاي بالا ەكى قولىمەن تەرەزە سىرتىنداعى تەمىر رەشاتكانى مىقتاپ ۇستاپ، اياعىن تەرەزەنىڭ استىنعى ەرنەۋىنە تىرەپ تۇرادى.

جاعداي توتەنشە مۇشكىل بولاتىن. ماڭايداعى دۇكەن يەلەرى مەن قالا تۇرعىندارى بۇل جاعدايدى كورگەن سوڭ، بالانى جابال قۇتقارۋعا كىرىسەدى. ءمالىم دۇكەننىڭ يەسى ۇيىندەگى تەرەزە پەردەسىن جۇلىپ اكەلەدى. كوپشىلىك تەرەزە پەردەنى بالانىڭ استىنا جايىپ، ونى جەرگە تۇسىرمەي قاعىپ الۋعا دايىندالادى.

كەنەت ۇل بالانىڭ ەكى قولى تەمىر رەشاتكادان اجىراپ جەرگە قۇلايدى. باقىتقا جاراي كوپشىلىك تەرەزە پەردەسىن توسەنىش ەتىپ، بالانى جەرگە تۇسىرمەي قاعىپ الادى. سونىمەن ۇل بالا امان قالادى.

 

ۋاقيعادان كەيىن، اسىعىس-ۇسىگىس جەتكەن بالانىڭ شەشەسى ءمان-جايدى ەستىگەندە توتەنشە قورقادى، ءوزىن بارىنشا كىنالايدى. بالانىڭ شەشەسىنىڭ ايتۋىنشا، كىشكەنتاي ۇلى ۇيىقتاعان سوڭ، شەشەسى ۇلكەن قىزىن ساباق پىسىقتاۋ كلاسىنا اپارعان ەكەن. ۇيدە كىشكەنە ۇلى جالعىز قالىپتى. ويلاماعان جەردەن ۇلى ۇيقىدان ەرتە ويانىپ، تەرەزەنىڭ سىرتىنا ورمەلەپ شىعىپ، وقىس قاتەرگە ۇشىراي جازداعان.

 

 

تەرەزە پەردەسىنىڭ يەسى توتەنشە قورىققان

 

«قالاي قايراتتانىپ كەتكەنىمدى بىلمەيمىن»

 

ماڭايداعى دۇكەن يەسى لو گۇيياننىڭ ايتۋىنشا، ول كىشكەنتاي ۇل بالانىڭ عيمارات تەرەزەسىنىڭ سىرتىنا شىققانىن العاش بايقاعان ەكەن. «بالانىڭ تۇرعان جەرىنىڭ استى باسپالداق، بالا قۇلاپ تۇسسە امان قالمايتىنى انىق ەدى! »

 

ول جالما-جان ماڭايداعى كورشى-قولاڭىن كومەككە شاقىرادى، سونىڭ اراسىندا كورشى دۇكەن يەلەرى مەن جولدان وتكەندەردەن 10 شاقتى ادام جيىلادى.

جاناشىر قالا تۇرعىنى لو گۇييان

 

كورشى دۇكەن يەسى گاۋ جيانلەيدىڭ ەسكە الۋىنشا، سول كۇنى تۇستەن كەيىن، بىرەۋدىڭ ايعايلاعانىن ەستىپ سىرتقا شىعىپ، عيمارات تەرەزەسىندەگى بالانى كورگەندە اڭتارىلىپ قالعان. گاۋ جيانلەيدىڭ ايتۋىنشا، الدا-جالدا بالا قۇلاپ كەتسە استىنان توسىپ الاتىنداي نارسە بولۋ كەرەك. سونىمەن دەرەۋ دۇكەنىنە قايتىپ كەرەكتى دۇنيە ىزدەگەن. «ۇيدە تەرەزە پەردەسى بار ەدى، دەرەۋ ۇيگە كىرىپ پەردەنى كۇشەپ جۇلىپ الدىم، قايدان كەلگەن كۇش ەكەنىن بىلمەيمىن». كوپشىلىك تەرەزە پەردەسىن قاۋمالاپ جان-جاعىنان ۇستاپ توسەپ تۇرعاندا، 1-2 مينۋتتان سوڭ كىشكەنتاي ۇل بالا عيمارات تەرەزەسىنەن قۇلاپ تۇسەدى. «نەتكەن قورقىنىشتى، زارەمنىڭ ۇشقانى-اي! »

جاناشىر قالا تۇرعىنى گاۋ جيانلەي

 

لو گۇيياننىڭ ەسكە الۋىنشا، كىشكەنتاي ۇل بالا عيمارات تەرەزەسىنىڭ سىرتىندا 10 نەشە مينۋت ارپالىسقان.

 

بالانى امان توسىپ العان شاقتا كوپشىلىكتىڭ الاڭ كوڭىلى زورعا ورنىنا ءتۇستى. «بالانى قۇتقارىپ قالۋ ءۇشىن كوپشىلىك ءبىر-بىرىمىزگە سايكەستىك، بۇل راسىندا كوپتىڭ ورتاق قۇلشىنىسىنىڭ ارقاسى».

 

توراپتاستار: شىنىمەن قاتەرلى جاعداي ەكەن

باقىتقا جاراي اق پەيىلدى جاندار كەزدەسىپتى

 

ادامنىڭ ۇرەيىن ۇشىراتىن كورىنىستى كورگەن توراپتاستار قۇتقارۋ قىزمەتىنە قاتىناسقان دۇكەن يەلەرى مەن جولاۋشىلارعا شىنايى العىس ايىتتى: «نەتكەن قاتەرلى جاعداي، باقىتقا جاراي بالانى امان الىپ الىپتى! ».

«باقىتقا جاراي وسىنشاما كوپ اق پەيىل ادامدار جولىعىپتى! »

 

كوپشىلىك ءبىر اۋىزدان جۇرتتىڭ بالا اماندىعىنا باسار نازار اۋدارۋىن، مۇمكىندىكتىڭ بارىنشا كىشكەنتاي بالانى ۇيگە جالعىز تاستاماۋىن، اتا-اناسىنىڭ بالا اماندىعىنا جاۋاپتى بولۋىن قۇپتادى.

 

اۋدارعان: قۋات جۇماش ۇلى

 

 

    中央广播电视总台 央广网 版权所有

    عيمارات تەرەزەسىنەن قۇلاعان بالانى قۇتقارىپ قالدى

    عيمارات تەرەزەسىنەن قۇلاعان بالانى قۇتقارىپ قالدى...